ރިޔާސީ އިންތިޚާބުގެ ދެވަނަ ބުރުގެ ކެމްޕޭންގައި އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒާއި، ރަނިންމޭޓް ހުސެއިން މުހައްމަފު ލަތީފް މިއަދު މާލެއާއި ހުޅުމާލޭގައި ޑޯޓުޑޯގެ ޚާއްސަ ހަރަކާތްތަކެއް ކުރިއަށް ގެންގޮސްފިއެވެ.
ރިޔާސީ އިންތިޚާބުގެ ފުރަތަމަ ބުރުގައި ރައްޔިތުން ދިން ބޮޑު ތާއީދާއިއެކުގައިވެސް ޑރ. މުއިއްޒާއި ސެމްބެ ދަނީ ތާއީދު އިތުރު ކުރުމަށްޓަކައި އެއްވެސް ހުއްޓުމެއް ވަރުބަލިވުމެއްނެތި ކެމްޕޭން ހަރަކާތްތައް ކުރިއަށް ގެންދަމުންނެވެ. މިގޮތުން މިއަދު ހުޅުމާލެއާއި މާލެއަށް ޚާއްސަކޮށްގެން ވަނީ ޑޯޓުޑޯ ހަރަކާތްތަކެއް ކުރިއަށް ގެންގޮސްފައެވެ.
މިހަރަކާތްތަކުގެ ތެރެއިން ކެންޑިޑޭޓް މުއިއްޒު ހަރަކާތްތެރިވީ މާލޭގައެވެ. މުއިއްވަނީ މާލޭގެ މާފަންނުގެ ވަރަށް ގިނަ ގޭގެއަށް ވަދެ ރައްޔިތުންނާއި ބައްދަލު ކުރައްވާފައެވެ. ސެމްބެގެ ކެމްޕޭން ހަރަކާތްތައް އޮތީ ހުޅުމާލޭ ފޭސް ދޭއްގައެވެ. ހިޔާ ފްލެޓް ސަރަހައްދަށް ސެމްބެ ވަނީ ވަޑައިގެން ގިނަ އަދަދެއްގެ ރައްޔިތުންނާއި ބައްދާލުކޮށްފައެވެ.
ޑޯޓުޑޯ ހަރަކާތްތަކުގެ އިތުރުން މިރޭ ދިވެހިންގެ އިޤްތިޞާދީ މެނިފެސްޓޯ ހާމަ ކުރުން މީރުމާގައި ބޭއްވުމަށް ވަނީ ހަމަޖެހިފައެވެ.
