ބޮލީވުޑްގެ އެންމެ ސީނިއަރ ތައިންގެތެރޭގައި ހިމެނޭ ދަރަމް ސިންގް ޑިއޯލް، އާންމުން ދަންނަ ނަމުން ނަމަ ދަރްމިންދްރާއަށް މިއަދު މިވަނީ 85 އަހަރު ފުރިފައެވެ. ދުވަހުގެ ތަހުނިޔާ ގިނަ ފަންނާނުންނާއި އާއިލާގެ މެމްބަރުން އަންނަނީ "ލިވިންގ ލެޖެންޑް"އަށް ކިއަމުންނެވެ. މީގެތެރެއިން އެންމެ ފާހަގަކޮށްލެވެނީ އަންހެނުން ހެމާ މާލިނީ ފޮނުވި ތަހުނިޔާ އާއެކު އާންމުކުރި ފޮޓޯ ތަކެވެ.
Today we celebrate Dharamji’s https://t.co/Qbk7FAsoeU is the love and affection of u fans who still watch and appreciate our movies that we remain fresh in your memories.This is what keeps us going and we need ur blessings for ths togetherness to last.Thank u for all the love ? pic.twitter.com/ImkXJ6yHRc
— Hema Malini (@dreamgirlhema) December 8, 2020
އެކުގައި 40 އަހަރު ހޭދަކޮށްފައިވާ ދަރޭއާއި ހެމާ މާލިނީ ކައިވެނީގެ ގޮށްޖަހާލީ 1980 ވަނަ އަހަރުއެވެ. މި ދުވަހުން ފެށިގެން މިހާތަނަށް ދެމީނުން އެކުގައި ހޭދަކޮށްފައިވާ ދުވަސްތަކުގެ އެކި ފޮޓޯ އާއެކު އުފަންދުވަހުގެ ތަހުނިޔާ ކިޔަމުން ހެމާ ބުނީ ދަރަމްޖީގެ އުފަންދުވަސް ފާހަގަކުރާއިރު މިހާދުވަހު އެކުގައި ލޯބި ދިރިއުޅުމެއް އުޅެވުނީ ލޮތްބާއި އިހްތިރާމާއި ހެޔޮ ދުޢާގެ ސަބަބުން ކަމަށެވެ. އެގޮތުން ފޭނުންނާއި ސަޕޯޓަރުންގެ ފަރާތުން ލިބޭ ލޯބި ހެމާ ފާގަހަކުރިއެވެ.
Yesteryear and now. Your respect, blessings and love have kept us together all these years? pic.twitter.com/AETbitmcYf
— Hema Malini (@dreamgirlhema) December 8, 2020
މީގެ އިތުރުން މި ގުޅުން އުމުރު ދާއިމަށް ދެމެހެއްޓުމަށްވެސް ލޯބިވާ އެންމެންގެ ހެޔޮ ދުޢާ ބޭނުންވާ ކަމަށް ހެމާ ވަނީ ބުނެފައެވެ.
"އިއްޔެވެސް މިއަދުވެސް ތިއެންމެންގެ ލޮތްބާއި އިހްތިރާމާ ހެޔޮ ދުޢާގެ ސަބަބުން މިހާދުވަހު އެކުގައި މި އުޅެވުނީ"
– ހެމާގެ އެއް ޓްވީޓް
ދުވަހުގެ ކުރީކޮޅު ދަރޭގެ ދެ ދަރިން ކަމަށްވާ އީޝާ އާއި ބޮބީ ޑިއޯލް ވެސް ފޮޓޯއަކާއެކު ބައްޕައަށް ވަނީ އުފަންދުވަހުގެ ތަހުނިޔާ ކިޔާފައެވެ. މީގެ އިތުރުން ސަނީ އާއި ކާފަދަރި ކަރަން ވަނީ ފޮޓޯއަކާއެކު އިންސްޓަގްރާމްގައި ދަރޭއަށް ތަހުނިޔާ ކިޔާފައެވެ.
ނަމަވެސް ހިންދުސްތާން ޓައިމްސްއަށް ދިން އިންޓަރވިއުއެއްގައި ދަރޭ ބުނީ އުފަންދުވަސް ފާހަގަ ކުރުމަކީ އޭނާ އެހާ ކުރާހިތްވާ ކަމެއް ނޫންކަމަށެވެ. ހާއްސަކޮށް މަންމަ ދުނިޔެއާ ވަކިވެދިޔަ ފަހުން އެއްގޮތަކަށްވެސް އުފަންދުވަސް ފާހަގަކުރަން ބޭނުން ނުވާ ކަމަށް ދަރޭ ބުންޏެވެ. މީގެއިތުރުން މިހާރު ފެތުރެމުންދާ ކޯވިޑް-19 ރޯގާއާއި އިންޑިއާގައި ކުރިއަށްދާ ދަނޑުވެރިންގެ ހަޅުތާލުގެ ސަބަބުން އުފަންދުވަސް ފާހަގަކުރުމުގެ އެއްވެސް ޝައުގުވެރިކަމެއް ނެތް ކަމަށް ދަރޭ ވަނީ ބުނެފައެވެ.
ހެމާއާއި އިނުމުގެ ކުރިން ދަރޭ ވަނީ އިތުރު ކައިވެންނެއް ކޮށްފައެވެ. އުމުރުން 19 އަހަރުގައި ކުރި މި ކައިވެންޏަށް 4 ދަރިން ވަނީ ލިބިފައެވެ. އެއީ ސަނީ އާއި ބޮބީގެ އިތުރުން ވިޖީތާ އާއި އަޖީތާއެވެ. މީގެ އިތުރުން ހެމާއަށް 2 ދަރިން ވަނީ ލިބިފައެވެ. އެއީ އީޝާއާއި އަހާނަ އެވެ.
އުމުރުން މިހާ ދުވަސް ވީއިރުވެސް ދަރޭ ފާހަގަ ވަނީ ފިލްމީ ދާއިރާގެ ޚިދުމަތް ތަކުގައި ފާހަގަކޮށްލެވޭ ފަރާތެއްގެ ގޮތުގައެވެ. އެގޮތުން މިހާރު އިއުލާންކޮށްފައިވާ ޑިއޯލް އާއިލާގެ އާއިލީ ފިލްމު "އަޕްނޭ 2″ ފާހަގަކޮށްލެވެއެވެ. އަންނަ އަހަރުގެ މަރޗް މަހު ޝޫޓިން ފަށަން ނިންމާފައިވާ މި ފިލްމުގައި ޑިއޯލް އާއިލާގެ 3 ޖެނެރޭޝަން ފެނިގެން ދާނެއެވެ. އެއީ ދަރޭގެ އިތުރުން ސަނީ ޑިއޯލާއި ބޮބީ ޑިއޯލާއި ސަނީގެ ދަރިފުޅު އަދި ދަރޭގެ ކާފަދަރިފުޅު ކަރަން ޑިއޯލެވެ.
