ޅ. އޮޅުވެލިފުށީގެ ބިމުގެ ޖާގައިގެ މައްސަލަ ހައްލުކޮށް ދިނުމަށް ބިން ހިއްކައި، އެރަށުގެ ތަރައްޤީއަށް ބޭނުންވާ ގިނަ ކަންތައްތަކެއް ކޮށްދެއްވާނެ ކަމުގެ ޔަގީކަން ޑރ. މުއިއްޒު ދެއްވައިފިއެވެ.
ރިޔާސީ އިންތިޚާބުގެ ދެވަނަ ބުރުގެ ކެމްޕޭންގައި ޅ. އޮޅުވެލި ފުއްޓަށް ވަޑައިގެން މުއިއްޒު ވަނީ އެރަށުގެ ރައްޔިތުންނަށް އުފާވެރި ޚަބަރުތަކެއް ދެއްވާފައެވެ. މުއިއްޒު ވިދާޅުވީ އޮޅުވެލީ ފުށީގެ ރައްޔިތުންނަކީ ތަރައްޤީގެ ގިނަ ކަންތައްތަކަށް ބޭނުންވެފައިވާ އެކަންކަން ވީހާވެސް އަވަހަށް ބޭނުންވާ ރައްޔިތަކު ދިރިއުޅޭ ރަށެއް ކަމަށެވެ. މުއިއްޒު ވިދާޅުވީ ޚިދުމަތް ދިނުމުގައި ސިޔާސީ ފިކުރަކަށް، ކުޑަ އާބާދީއަކަށް ބޮޑު އާބާދީއަކަށް ނުބަލައި ޚިދުމަތް ފޯރުކޮށް ދެއްވާނެކަމަށް މުއިއްޒު ވިދާޅުވިއެވެ.
އަޅުގަނޑު ތިޔަ ބޭފުޅުންނަށް ހަމަހަމަ ކަމާއިއެކު ޚިދުމަތްދޭނަން. ރައްޔިތުން ވާނީ ރައްޔިތުންނަށް. އެރަށެއްގައި ކުޑަ އާބާދީއެއް އޮތަސް، ބޮޮޑު އާބާދީއެއް އޮތް ނަމަވެސް ތަފާތު ކުރުމެއްނެތި ޚިދުމަތް ދޭނަން.
– މުއިއްޒު ވިދާޅުވިއެވެ.
މުއިއްޒު އޮޅުވެލި ފުއްޓަސް ވެވަޑައިގެންނެވި ވައުދުތައް:
– ބަނދަރުގެ މައްސަލަތަކަށް ދާއިމީ ހައްލު ހޯދާ ދޭނަން
– ދޯނި އެހެލާ ސަރަހައްދެއް ޤާއިމް ކޮށްދޭނަން
– ސިއްޚީ މަރުކަޒު އަޕްގްރޭޑް ކޮށްދޭނަން
– ޤުރުއާނާއި ބެހޭ މަރުކަޒުގެ ގޮތްޕެއް ޤާއިމް ކޮށްދޭނަން
– ރަށް ގިރުމުގެ މައްސަލައަށް ހައްލު ގެނެސްދޭނަން
– ކުނި މެނޭޖް ކުރެވޭނެ ގޮތްތަކެއް ހަމަޖައްސާނަން
– ޒުވާނުންގެ މަރުކަޒެއް ޤާއިމް ކޮށްދޭނަން، އިންޑޯ، އައުޓްޑޯ ކުޅިވަރު ކުޅެވޭނެ ގޮތަށް
– ރަނގަޅު ފެންވަރުގެ ފުޓުބޯޅަ ދަނޑެއް ގާއިމް ކޮށްދޭނަން
މުއިއްޒު ވިދާޅުވީ އޮޅުވެލި ފުއްޓަށް ދިމާވެފައިވާ ބޯހިޔާ ވަހިކަމުގެ މައްސަލައަށް ބިން ހިއްކައި ދިނުމުން ބޮޑު ތަސައްލީއެއް ލިބިގެންދާނެކަމަށެވެ. އަދި ބިން ހިއްކުމުގެ ސަބަބުން ރަށުގެ އެހެން އިޤްތިޞާދީ މަސައްކަތްތަކެއްވެސް ބޮޑު ހައްލެއް ލިބިގެންދާނެކަމަށެވެ. މުއިއްޒު ވަނީ އޮޅުވެލި ފުށީިގައި ހިނގާ މަސައްކަތް ހުއްޓާނުލައި ކުރިއަށް ގެންގޮސް ބާރު ސްޕީޑުގައި ނިންމާލަ ދެއްވާނެ ކަމަށް ވިދާޅުވެފައެވެ.
އަދި އެރަށުގެ އެކި ވަޒީފާތަކުގައި ތިއްބެވި ބޭފުޅުންނަށް ވަޒީފާގެ ބިރެއް ނޯންނާނެ ކަމުގެ ޔަގީންކަން މުއިއްޒު ވަނީ ދެއްވާފައެވެ. އެއްވެސް ބޭފުޅަކު ވަޒީފާއިން ވަކިކޮށް، ވަޒީފާ ގެއްލޭފަދަ ކަމެއް ނުކުރާނެ ކަމުގެ ޔަގީންކަން މުއިއްޒު ވަނީ ދެއްވާފައެވެ.
