ރާއްޖޭގެ އެންމެ އާބާދީ ބޮޑު މާލެ ސިޓީގައި، އިދިކޮޅު ޕްރޮގްރެސިވް ކޮންގްރެސް ކޯލިޝަންގެ ކެމްޕޭން ހަރަކާތްތައް އިތުރަށް ވަރުގަދަކޮށްފިއެވެ.
ރިޔާސީ އިންތިޚާބުގެ ދެވަނަ ބުރުގެ ވޯޓުލުން މިމަހުގެ 30 ވަނަ ދުވަހު އޮންނައިރު ހުއްޓުމެއްނެތި، އެންމެ ވަރުގަދަ އަށް މުޅި ރާއްޖޭގައި ކެމްޕޭން ހަރަކާތްތައް ކުރިއަށް ގެންދަނީ ޕީޕީއެމް/ޕީއެންސީންނެވެ. އަތޮޅު ތެރޭގައި ކެންޑިޑޭޓް މުއިއްޒުއާއި، ލީޑަރޝިޕްގެ އިސް ބޭފުޅުން ކެމްޕޭން ހަރަކާތްތައް ކުރިއަށް ގެންދާއިރު، ރަނިން މޭޓް ސެމްބެ ގެންދަވަނީ މާލޭގައި ކެމްޕޭން ހަރަކާތްތައް ހުއްޓުމެއްނެތި ކުރިއަށް ގެންދަވަމުންވެ.
އެގޮތުން އިއްޔެ ސެމްބެ ވަނީ މުޅި މާލޭގައި ކެމްޕޭން ހަރަކާތްތައް ކުރިއަށް ގެންގޮސްފައެވެ. އަދި ލީޑަރޝިޕްގެ ޓީމުތައް ވަނީ މާލޭގެ އެކި ހިސާބުތަކުގައި ދޮރުން ދޮރަށް ހިނގައި ރައްޔިތުންނާއި ބައްދަލުކޮށް އިތުރު ތާއީދު ހޯދުމަށް މަސައްކަތް ކޮށްފައެވެ.
އިންތިޚާބުގެ ކެމްޕޭންގައި ސެމްބެ މިއަދު ސްރީލަންކާގައި އުޅުއްވާ ދިވެހި ރައްޔިތުންނާއި ބައްދަލު ކުރުމަށް ވަޑައި ގަންނަވާނެއެވެ. އިތިޚާބުގެ ފުރަތަމަ ބުރުގައި ބޮޑު ތަފާތަކުން ރައީސް ޞާލިހުގެ މައްޗަށް މުއިއްޒު ކުރި ހޯއްދެވި ނަމަވެސް މުއިއްޒާއި، ޕީޕީއެމް/ޕީއެންސީގެ ޓީމު ތަކުން ގެންދަވަނީ ކެމްޕޭން ހަރަކާތްތައް ހިންގަމުންނެވެ.
އިންތިޚާބުގެ ދެވަނަ ބުރުގެ ކެމްޕޭންގައި ރައީސް ޞާލިހާއި އެމްޑީޕީގެ ހަރަކާތްތައް ފެންނަނީ ވަރަށް ބޮޑަށް މަޑު ޖެހިފައިވާތަނެވެ. ރަށްތަކުގައިވެސް ކެމްޕޭން ހަރަކާތްތައް މާ ފޯރީގައި ނުދާއިރު މާލޭގައި ދޭތެރެ ދޭތެރެއިން ކަންމަތީ ބައްދަލުވުންތައް ބާއްވައެވެ.
