ނިޒާމީ ވޯޓުނެގުން ސެޕްޓެމްބަރ 30އަށްވުރެ ފަސްކޮށްފިނަމަ އެ ވޯޓު ނެގިނަމަވެސް ރައީސް އިބްރާހީމް މުޙައްމަދު ޞާލިޙް ފެއިލްކޮށްލަވާނެކަމަށް ރައްޔިތުންގެ މަޖިލީހުގެ ނާއިބު ރައީސް އީވާ އަބްދުﷲ ވިދާޅުވެއްޖެއެވެ.
ރިޔާސީ އިންތިޚާބުގެ ދެވަނަ ބުރަށް ރައީސް ޞާލިޙާ ގުޅުމަށް ދަ ޑިމޮކްރެޓްސްއިން ކުރާ ޑިމާންޑަކީ އިންތިޚާބުގެ ދެވަނަ ބުރެއް ބޭއްވުމުގެ ކުރިން ނިޒާމީ ވޯޓެއް ނެގުމެވެ. ނަމަވެސް ރައީސް ޞާލިޙް ވަނީ ދައުރު ނިމުމުގެ ކުރިން ނިޒާމީ ވޯޓެއް ނެގިދާނެކަމަށް ވިދާޅުވެފައެފެ. ނަމަވެސް ޑިމޮކްރެޓުން އެކަމާ ދެކޮޅެވެ.
ރައްޔިތުންގެ މަޖިލީހުގެ ނާއިބު ރައީސް އީވާ އަބްދުﷲ ވިދާޅުވީ، ސެޕްޓެމްބަރު 30ގައި އޮންނަ ރިޔާސީ އިންތިޚާބުގެ ދެވަނަ ބުރުގެ ފަހުން ނިޒާމީ ވޯޓެއް ނަގަން އެއްބަސްވެއްޖެނަމަ ރައީސް ޞާލިޙް އެ ވޯޓު ފެއިލް ކޮށްލައްވާނެކަމަށެވެ.
30 ސެޕްޓެމްބަރުގެ ކުރިން ވޯޓަކަށް އަހަންޏާ އަހަންޖެހޭނީ.
އީވާ ވަނީ ޑިމޮކްރެޓްސްއިން ހުށައަޅާ ކަންކަމަށް ޕީޕީއެމް، ޕީއެންސީން އެއްބަސްވާނަމަ އެޕާޓީއާއެކު ކުރިއަށް ދިއުމަށް ފެންނަކަމަށް ވިދާޅުވެފައެވެ. ނަމަވެސް އެޕާޓީން އެކަމަށް އެއްބަސް ނުވެއްޖެނަމަ ވަކި ޕާޓީއަކަށް ތާޢީދުކުރަން ނުފެންނަކަމަށްވެސް އީވާ ވިދާޅުވިއެވެ.
އެޕާޓީން އެޕާޓީގެ ގޮތުގައި އޮންނަންވާނެކަމަށާއި، އެންމެ މުސްތަޤްބަލު އުޖާލާ ޕާޓީއަކީ ޑިމޮކްރެޓްސްކަމަށް އީވާ ވިދާޅުވިއެވެ. އީވާ ވިދާޅުވީ ވަރަށް ކައިރި މުސްތަޤްބަލެއްގައި ބަރުލަމާނީ ނިޒާމަކަށް ދެވޭނެކަމަށެވެ.
