ރިޔާސީ އިންތިާަބަށްފަހު ނިޒާމީ ވޯޓެއް ނެގުމަށް ރައީސް އިބްރާހީމް މުޙައްމަދު ޞާލިޙް ހުށައެޅުއްވި ހުށައެޅުއްވުން ޤަބޫލު ނުކުރައްވާކަމުގެ އިޝާރާތެއް ދަ ޑޮމޮކްރެޓްސްގެ ބާނީ ރައީސް މުޙައްމަދު ނަޝީދު ދެއްވައިފިއެވެ.
ރައީސް ނަޝީދާއި، އެމަނިކުފާނުގެ ޕާޓީ ދަ ޑިމޮކްރެޓްސްގެ ހުށައެޅުމަކީ މިމަހުގެ 25ގެ ކުރިން ނިޒާމީ ވޯޓެއް ނެގުމެވެ. މިކަމާއި ގުޅޭގޮތުން ރައީސް ޞާލިޙް މިއަދު ވަނީ ރައީސް ނަޝީދާ އިއްޔެ ފޯނުންވާހަކަފުޅު ދެއްކެވިކަމަށް ވިދާޅުވެފައެވެ. އަދި ރައީސް ނަޝީދާ ދެބޭފުޅުންނަކީ މާ ދުރުގައި ތިއްބެވިތަން ފެނިވަޑައިނުގަންނަވާކަމަށް ރައީސް ވިދާޅުވިއެވެ.
ނިޒާމީ ވޯޓާ ގުޅޭގޮތުން ރައީސް މިއަދު ވިދާޅުވީ،މޮކްރެޓްސްއާއެކު ކުރިއަށް ގެންދަވާ މަޝްވަރާގައި އެޕާޓީން ބާރު އަޅަނީ ނިޒާމު ކަނޑައެޅުމުގެ ފެންނަ ނުފެންނަ ވޯޓެއް ނެގުމަށްކަމަށެވެ.
ރިޔާސީ އިންތިޚާބުގެ ފުރަތަމަ ބުރުން ތިންވަނައަށް ދިޔަ ދަ ޑިމޮކްރެޓްސްގެ ވޯތު، އިންތިޚާބުގެ ދެވަނަ ބުރު ކާމިޔާބުކުރުމަށް ރައީސް ޞާލިހަށް މުހިންމެވެ. ސަބަބަކީ ފުރަތަމަ ބުރުން އެއްވަނަ ހޯއްދެވި ޕީއެންސީގެ ކެންޑިޑޭޓް ޑރ.މުޙައްމަދު މުއިއްޒާ ދެމެދުގެ ތަފާތަކީ 15 ހާހެއްހާ ވޯޓެވެ. އަދި ރައީސް ޞާލިޙާ އެއްބަސްވުމަކަށް އައުމަށް ޑިމޮކްރެޓްސްއިން ޑިމާންޑުކުރަނީ މިމަހުގެ 25ގެ ކުރިން ނިޒާމީ ވޯޓެއް ނެގުމަށެވެ.
ރައީސް މިއަދު ވިދާޅުވީ، މިމަހުގެ 25ގެ ކުރިން ނިޒާމީ ވޯޓެއް ނެގުމަކީ ފަސޭހަ ކަމެއް ނޫނެވެ. ނަމަވެސް ނޮވެމްބަރު 17ގެ ކުރިން ނިޒާމީ ވޯޓެއް ނެގޭނެކަމަށް ރައީސް ވިދާޅުވިއެވެ.
ވެރިކަމުގެ ނިޒާމު ބަރުލަމާނީއަށް ބަދަލުކުރަން ރައްޔިތުންގެ ފެންނަ ނުފެންނަ ވޯޓެއް ނަގަން ގޮވާލައި ރައްޔިތުންގެ މަޖިލީހަށް މިހާރު ހުށަހަޅާފައިވާ ގަރާރު މަޖިލީހުން ފާސްކޮށް ފޮނުވުމުން އިލެކްޝަންސް ކޮމިޝަނަށް ހުށައަޅުއްވާނެކަމަށް ރައީސް ވިދާޅުވިއެވެ. އަދި ނިޒާމު ކަނޑައަޅާ ވޯޓު ވަކި ތާރީހެއްގައި ބާއްވަން އިލެކްޝަނަށް ހުށައަޅުއްވާނެކަމަށްވެސް ރައީސް ވިދާޅުވިއެވެ.
ރައީސް އެހެން ވިދާޅުވިނަމަވެސް ރައީށް ނަޝީދުގެ ނުރަސްމީ ޓްވިޓަ އެކައުންޓުންކުރި ޓްވީޓްގައި ވިދާޅުވީ "އެއް ހޮރުން ދެފަހަރު ކަށި ނުޖެހޭނޭ ބުނަނީ"ކަމަށެވެ. ރައީސް ނަޝީދު އެ އިޝާރާތްކުރެއްވީ ރައީސް ޞާލިޙްގެ ފަހަތްޕުޅަށް ނޭރުން ނުވަތަ ނިޒާމީ ވޯޓު ނަގަން ރައީސް ހުށައެޅުއްވި ހުށައެޅުން ޤަބޫލު ނުކުރައްވާކަމެވެ.
https://x.com/anedhivehirajje/status/1703784148253770057?s=20
ރިޔާސީ އިންތިޚާބުގެ ދެވަނަ ބުރު ކާމިޔާބުކުރަން ރައީސް ޞާލިޙަށް ޑިމޮކްރެޓުންގެ ވޯޓު މުހިންމެވެ. އެއީ ރައީސް ޞާލިޙާއި، ޑރ.މުއިއްޒުގެ ވޯޓުގެ ފަރަގު 15 ހާހަށް އަރާތީއެވެ. ރިޔާސީ އިންތިޚާބުގެ ފުރަތަމަ ބުރުން ތިންވަނައަށް ދިޔަ ޑިމޮކްރެޓްސްއަށް 15ހާހަށްވުރެ ގިނަ ވޯޓު ލިބުނެވެ.
ކޮމެންޓު ފޮނުވާ