ބެލުންތެރިންގެ މެދުގައި މަގުބޫލޫ ޑްރާމާ ސީރީޒް ތަށް ކަމުގައިވާ "ދަރަކަ" އާއި "ހިންތާ" ފަދަ މަގުބޫލު ޑްރާމާތަށް ގެނެސްދިން ޕަރޮޑަކްޝަން ހައުސް "ކަޒްމިކް އިންޓަނޭޝަނަލް"ގެ ފުރަތަމަ ފީޗާ ފިލްމު "ފްރީ ޑެލިވަރީ" ގެ ރަސްމީ ޓްރެއިލާ ދައްކާލައިފި އެވެ.
ބޮޑު ކާސްޓެއް ހިމެނޭ މި ޑާކް ކޮމެޑީ އަކީ އަންނަ މަހު އޮލިމްޕަހަށް ގެންނަން އަމާޒު ހިފައިފައިވާ ފިލްމްއެކެވެ. ފިލްމުގެ ކާސްޓްގައި ގިނަ އާ ތަރިންތަކެއް ހިމެނޭއިރު ލީޑުން ފެނިގެންދާނީވެސް އާ ތަރިންތަކެއް ކަމަށްވެސް ފިލްމް ގެ ޑައިރެކްޓަރު އިލްޔާސް ވަހީދު (އިއްލެ) ވަނީ ބުނެފައިއެވެ. މި ފިލްމް ޕްރޮޑިއުސް ކުރަނީ އާސިމް އަލީ އެވެ.
މި ފިލްމަކީ އޮލިމްޕަށް މި އަހަރު އަންނާނެ 8 ވަނަ ފިލްމެވެ. އެތަނުގައި މިހާރު ދައްކަމުން އަންނަނީ މި މަހުގެ 5 ގައި ޕްރީމިއާކުރި ކޮމެޑީ ފިލްމު "ޖޯކަރު" އެެވެ. މި އަހަރު އޮލިލްމަޕަށް ގެނައި ފިލްމުތަކުގެ ތެރޭގައި ހިމެނެނީ "ބީވީމާ"، "ވަނާޖުބޭސާ"، "ލޯބިވެވިއްޖެ" އަދި "ކައުޝި" އެވެ.
