އުންމީދު ކުރި ގޮތަށް "ޖަވާން" ވެގެން ގޮސްފައިވަނީ ވަރަށް ކާމިޔާބު ފިލްމް އަކަށެވެ. އެއާއި އެކުގައި ސްޕަސްޓާރު ޝާހުގެ މި ފިލްމް މިވަނީ ރެކޯޑްއެއްވެސް މިހާރު މުގުރައިަލއިފައިއެވެ.

ރިލީޒްކުރިތާ އެންމެ ހަ ދުވަހުގެ ތެރޭގައި "ޖަވާން" އަށް އިންޑިއާ އިން ލިބުނު އާމްދަނީ 300 ކްރޯޑް ރުޕީސް (36.2 މިލިއަން ޑޮލަރު) އަރައި، އެންމެ އަވަހަށް އެވަރުގެ އާމްދަނީއެއް ހޯދި ބޮލީވުޑް ފިލްމުގެ ރެކޯޑު މިވަނީ މުގުރާލައިފައިއެވެ.

މި މަހުގެ 7 ގައި ސިނަމާތަކަށް ގެނައި ފިލްމުގެ އެވަރުގެ އާމްދަނީއެއް ހަމަކުރި އިރުގައި މީ ފިލްމްގެ ޓީމުން އުންމީދު ކުރި ކަމެކެވެ. މިއާ އެކީ "ޖަވާން" ވެފައި ވަނީ އެންމެ އަވަހަށް 300 ކްރޯޑް ކުލަބަށް ވަން ފިލްމަށެވެ. ކުރިން އެ ރެކޯޑް އޮތީ މި އަހަރުގެ ޖެނުއަރީ 25 ގައި ރިލީޒްކުރި ޝާހްރުކްގެ "ޕަތާން" އަށެވެ. އަމިއްލަ ރެކޯޑް އަމިއްލަ އަށް މުގުރައިލައި މި ބޮޑު ކާމިޔާބީ ގައި ފިލްްމް ގެ ޓީމުން ތިބީ އުފަލުން ފޮޅިފައިއެވެ.

"ޖަވާން" ވަނީ އެހެން ރެކޯޑެއް ވެސް ހަދައިފަ އެވެ. އެއީ، އިންޑިއާ އާއި ދުނިޔޭގެ އެކި ގައުމުތަކުގައި ދައްކައިގެން އެންމެ އަވަހަށް 500 ކްރޯޑް ރުޕީސް (60 މިލިއަން ޑޮލަރު) ހޯދި ފިލްމުގެ ރެކޯޑެވެ. އެވަރުގެ އާމްދަނީއެއް ލިބުނީ މި ފިލްމު ރިލީޒްކުރިތާ އެންމެ ހަތަރު ދުވަސް ތެރޭގަ އެވެ. އިންޑިއާ އާއި އިންޑިއާ އިން ބޭރުގެ މާކެޓަކުން "ޖަވާން" އަށް މިހާތަނަށް ލިބުނު އާމްދަނީ އެއްކޮށްލުމުން 560.05 ކްރޯޑް ރުޕީސް (67.6 މިލިއަން ޑޮލަރު) އަށް އަރަ އެވެ.

ދެކުނު އިންޑިއާގެ ފިލްމު އިންޑަސްޓްރީގައި މަޝްހޫރު ޑައިރެކްޓަރު އަޓްލީ ކުމާރުގެ މި ފިލްމްގެ ކާސްޓަށް  ކާސްޓަށް ބަލާ އިރު، މިއީ ބޮލީވުޑާއި ދެކުނުގެ ތަރިންތަކެއްގެ މުސްހުނި ކާސްޓެއް އެކުލެވޭ އެއްޗެކެވެ. "ޖަވާން" ގެ ބަތަލާ އަކީ ދެކުނުގެ މަޝްހޫރު ބަތަލާ ނަޔަންތަރާ އެވެ. އިތުރު ކާސްޓުންގެ ތެރޭގައި ސާނިއާ މަލްއުތުރާ، ސުނިލް ގްރޯވާ، ވިޖޭ ސެތުޕަތީ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.