އިސްލާމް ދީނުގެ ހިދާޔަތް ލިބިގެން އެކްޓިންގެ ދާއިރާއާއި ދުރަށް ދިޔަ ސަނާ ޚާން ވަނީ މި ދިޔަމަހު 20 ވަނަ ދުވަހު މުފަތީ އަނަސް އާއި ކައިވެނި ކޮށްފައެވެ. މިދެމީހުން ކައިވެނީ ކުރީ ކުއްލި ގޮތަކަށް އާންމުންނަށް ނޭނގި ކަމަށް ވުމުން، ކައިވެނީގެ ފޮޓޯތަކާއި ވީޑިޔޯތައް ފެނުމުން އެންމެން ތިބީ އާޝޯހުވެފައެވެ. އަދި ފަހުންވެސް އިންސްޓަގްރާމްގައި އޭނާގެ ފިރިމީހާ އާއެކު އެތައް ފޮޓޯއެއް ހިއްސާކުރަމުންދެއެވެ. މިދެމީހުންމިހާރު ވަނީ ހަނީމޫނަށް ކަޝްމީރަށް ގޮސްފައެވެ.
ސަނާ ޚާން އެނާގެ ފިރިމީހާ މުފަތީ އަނަސް އާއެކު އިންސްޓާގްރާމުގައި ޕޯސްޓްކޮށްފައިވާ ވީޑިޔޯގައި ފެނިގެންދަނީ ކަޝްމީރުގެ ފިނި މޫސުމާ ބެހޭގޮތުން ވާހަކަދައްކާތަނެވެ. ސަނާ މި ވީޑިޔޯގައި ވަރަށް ފިނި ދޯ އޭ އެހުމުން މުފްތީ އަނަސްވެސް ވަރަށް ފިނި ކަމަށް ބުނެ ޖަވާބުދިނެވެ. އަދި އެދެމީހުން ތިބި ހޮޓަލުން ފެނިގެންދާ ރީތި މަންޒަރު ބަލަން ތިއްބާވެސް ފެނެއެވެ.
View this post on Instagram
އިއްޔެގެ ވަގުތެއްގައި ސަނާ ވަނީ އޭނާގެ ފިރިމީހާއާއެކު މަތިންދާބޯޓުގައި ވަރަށް ލޯބި ފޮޓޯތަކެއް ހިއްސާކޮށްފައެވެ. އަދި އޭނާގެ ފިރިމީހާ މުފަތީ އަނަސްވެސް އަތާއި އަތްގުޅައިގެން ނަގާފައިވާ ސެލްފީއެއް ވަނީ ސްޓޯރީގައި ހިއްސާކޮށްފައެވެ. އަދި ސަނާގެ އަތުގައި ހީނާފަތް ކުރަހާފައިވާ ފޮޓޯގައި ލިޔެފައިވަނީ "އޭނާގެ ލޯތްބަކީ ހަޤީޤީ ލޮތްބެއް ނޫންނަމަ އޭނާގެ ހީނާފަތުގެ ކުލަ އެހާ ގަދަ ނުވާނެ" މިހެންނެވެ.
33 އަހަރުގެ ސަނާ ކައިވެނިކޮށްގެން އުޅެނީ އިސްލާމް ދީނުގެ ރޮނގުން މަތީ ތަޢުލީމު ހާސިލްކޮށްފައިވާ ޝެއިހެއް ކަމަށްވާ މުފްތީ އަނަސް އާއެވެ. އަނަސް އަކީ ވިޔަފާރިވެރިއެއް ކަމަށްވެސް ބައެއް ރިޕޯޓުތައް ބުނެއެވެ.
