ރިޔާސީ އިންތިޚާބުގެ ވޯޓުލުން މިއަދު ކުރިއަށްދާއިރު، ރާއްޖެއިން ބޭރުގައި ބަހައްޓާފައިވާ ވޯޓު ފޮށިތަކުގެ ތެރެއިން ލަންކާގައި ތިބި ދިވެހި ރައްޔިތުން ވަރަށް ފޯރީގައި ވޯޓަމުން އެބަދެއެވެ.
ލަންކާގައި އަމާން ކަމާއިއެކު ވޯޓުލުން ކުރިއަށްދާއިރު، ލަންކާގައި ބަހައްޓާފައިވާ ދެ ވޯޓު ފޮއްޓަށް ވޯޓުލުމުގެ ހައްގު ލިބެނީ، 851 މީހަކަށެވެ. މީގެ ތެރެއިން މިހާތަނަށް 523 މީހަކު ވަނީ ވޯޓު ލާފައެވެ. އަދި މިހާރުވެސް ވޯޓުލާން ގިނަ ބަޔަކު ދަނީ އަންނަމުންނެވެ. ލަންކާގެ އިތުރުން މެލޭޝިއާގައިވެސް ވޯޓުލުން ފޯރީގައި ކުރިއަށް އެބަދެއެވެ.
ކޮޅުނބުގައި ވޯޓުލުން ކުރިއަށް ދަނީ. ގިނަ ބަޔަކު ވޯޓުލާ މަރުކަޒަށް ވަނީ މިހާރުވެސް ދަނީ އަންނަމުން. pic.twitter.com/8E8Kpv7Wh7
— Joarey Rasheed (@joarey_rasheed) September 9, 2023
ރިޔާސީ އިންތިޚާބުގައި ލަންކާގެ އިތުރުން ވޯޓުލުން ކުރިއަށްދާ ޤައުމުތަކަކީ އަބޫދާބީ، އިންޑިޔާގެ ޓްރިވެންޑްރަމް، މެލޭޝިޔާގެ ކުއަލަލަމްޕޫރު އަދި އިނގިރޭސި ވިލާތުގެ ލަންޑަންގައެވެ.
އަބޫދާބީގައި ރާއްޖެ ގަޑިން 10 ޖެހިއިރު، އަދި އިނގިރޭސިވިލާތުގައި ރާއްޖެ ގަޑިން 9 ޖެހިއިރު ވަނީ ވޯޓުލާން ފަށާފައެވެ.
