ލައިވްބްލޮގް: ރިޔާސީ އިންތިޚާބު 2023!

#ފޮޓޯ: ގިނަ ރަށްތަކުގައި ވޯޓު ފޮށިތައް ބަންދު ކޮށްފި. ވޯޓުލުން ބަންދުވި އިރު ގިނަބަޔަކު ވޯޓުލާން ނުދާތީ, ވޯޓު ލީ މީހުންގެ ނިސްބަތް އާދަޔާ ޚިލާފަށް މަދުވާނެކަމަށް ވަނީ ބެލެވިފަ.

މިއަދު ކުރިއަށް ދިޔަ ރިޔާސީ އިންތިޚާބުގައި ވޯޓުލުން ކުރިއަށް ދިޔަ ބައެއް ވޯޓު ފޮށިތައް ބަންދުކޮށް ގުނުމަށް ތައްޔާރު ވެއްޖެ.

މިއަދު ހެނދުނު 8 ޖެހުމާއެކު މާލެއާއި އަތޮޅުތަކުގައި ވޯޓުލުމުގެ ކަންކަން ވަނީ ފަށާފަ. ރިޔާސީ އިންތިޚާބުގެ ވޯޓުލުން މިއަދު ހެނދުނު 8 ފެށިގެން ހަވީރު 4 ޖެހުމާއި ހަމައަށް ކުރިއަށްދިޔައީ ވަރަށް އަމާން ކަމާއިއެކުގަ.

ގިނަ ރަށްތަކުގަ މިހާރުވަނީ ވޯޓު ފޮށިތައް ބަންދު ކޮށްފަ. ގިނަ ރިސޯޓުތަކުގަވެސް މިހާރުވަނީ ވޯޓު ފޮށިތައް ބަންދު ކޮށްފަ.

ގިނަ ބަޔަކަށް ވޯޓުލާން ފުރުސަތު ނުލިބި، ވޯޓުލުން ބަންދު ކޮށްފި. އައްޑު އަތޮޅު ބައެއް ރަށްރަށުގައި ގިނަ ބަޔަކު ދަނީ ވޯޓުލން ފުރުސަތު ދޭން ޖެހޭނެކަމަށް ބުނެ އަޑު އުފުލަމުން.

4:00 ޖެހުމާއެކު، ގިނަ ރަށްރަށުގެ ވޯޓު ފޮށިތައް ބަންދުކުރަން ފަށައިފި.

ވޯޓު ފޮށިތައް ބަންދުކުރަން ފަށައިފި.

ރިޔާސީ އިންތިހާބު 2023ގެ ވޯޓުލުން ހަވީރު 4:00 ގައި ނިމޭނެ. 4 ގެ ކުރިން ކިއޫގައި ތިބި މީހުންނަށް ވޯޓުލުމުގެ ފުރުސަތު ލިބޭނެ. 4 ގެ ފަހުން ކިޔޫ އަށް ނޭރޭނެ.
ވޯޓުލުމުގެ ވަގުތު އިލެކްޝަންސް ކޮމިޝަނުން އިތުރު ނުކުރާނެ.#visnun23 @ElectionsMv @psmnewsmv

— Ismail Habeeb (@IsmailHabeeb) September 9, 2023

ރިޔާސީ އިންތިހާބު 2023ގެ ވޯޓުލުން ހަވީރު 4:00 ގައި ނިމޭނެ ކަމަށް އިލެކްޝަންސް ކޮމިޝަނުން ބުނެފި. އިލެކްޝަންސް ކޮމިޝަންގެ ނާއިބު ރައީސް ހަބީބު ވިދާޅުވީ 4 ގެ ކުރިން ކިއޫގައި ތިބި މީހުންނަށް ވޯޓުލުމުގެ ފުރުސަތު ލިބޭނެ ކަމަށާއި، 4 ގެ ފަހުން ކިޔޫ އަށް ނޭރޭނެ ކަމަަށް. ވޯޓުލުމުގެ ވަގުތު އިލެކްޝަންސް ކޮމިޝަނުން އިތުރު ނުކުރާނެ ކަމަަށްވެސް ހަބީބު ވިދާޅުވި.

އެންމެ ފަހު ވަގުތު ގިނަބަޔަކު ވޯޓުލާން ނިކުމެ ކިއުތައް ދަމާލައިފި.

މިއަދު ކުރިއަށްދާ ރިޔާސީ އިންތިހާބުގައި މިއަދު މެންދުރު ފަހު2 ޖެހުމާއި ހަމައަށް 58 އިންސައްތަ މީހުން ވޯޓުލާފައިވާ ކަމަށް އިލެކްޝަންސް ކޮމިޝަން (އީސީ) ގެ ނައިބް ރައީސް ވިދާޅުވެއްޖެ.

ވޯޓު ފޮށިތައް ކައިރީގައި ވޯޓު ކަރުދާހުގައި ޖަހާ ފާހަގަ ދެއްކުމާއި، ފޮޓޯ ނެގުން ފަދަ ކަންކަން ހުއްޓުވާދިނުމަށް އިދިކޮޅު ޕްރޮގްރެސިވް ކޯލިޝަނުން ގޮވާލައިފި.

ޕްރޮގްރެސިވް ކޮންގްރެސް ކޯލިޝަނުން ނެރުނު ބަޔާނުގައި ބުނެފައިވަނީ ރިޔާސީ އިންތިޚާބުގެ ވޯޓުލުން މިއަދު ކުރިއަށްދާއިރު ވޯޓު ފޮށިތައް ކައިރީގައި ގަވައިދާ ޚިލާފަށް ބައެއް ކަންކަން ހިނގަމުންދާކަން ފާހަގަކުރެވޭ ކަމަށް. އެގޮތުން ވޯޓު ކަރުދާހުގައި ފާހަގަ ޖަހާފައި ދެއްކުމާއި އެކިކަހަލަ އާލާތްތައް ބޭނުންކޮށްގެން ފޮޓޯ އާއި ވީޑިއޯ ނެގުންފަދަ ކަންކަން ބައެއް ފަރާތްތަކުން ކުރަމުން ދާކަމަށް. މިކަމަކީ އެއްގޮތަކަށްވެސް ބަލައިގަންނަ ކަމެއް ނޫންކަމަށް ވަނީ ބުނެފަ.

ރިޔާސީ އިންތިޚާބު 2023 ގެ 14:00 އާ ހަމައަށް ވޯޓުލާފައިވާ މީހުންގެ ނިސްބަތް.

#ފޮޓޯ | އިނދިކޮޅު ކެނޑިޑޭޓް ޑރ. މުއިއްޒުގެ އަނބިކަބަލުން ވޯޓު ލައްވައިފި.

2:00 އާ ހަމަޔަށް % 58 ވޯޓުލައިފި.

2:00 އާ ހަމަޔަށް % 58 ވޯޓުލައިފި.#visnun23 @ElectionsMv

— Ismail Habeeb (@IsmailHabeeb) September 9, 2023

މިއަދުގެ ވޯޓުލުން ކޮންމެ ގޮތަކަށް ނިމުނު ނަމަވެސް ރައްޔިތުން ނިންމާ ކޮންމެ ނިންމުމަށް އިޚުތުރާމުކޮށް ޤައުމު ކުރިއަށް ގެންދަން ޖާގަ ދޭންޖެހޭނެ ކަމަށް ރައީސުލްޖުމްހޫރިއްޔާގެ ނައިބު ފައިސަލް ނަސީމް ވިދާޅުވެއްޖެ.

ނައިިބް ރައީސް މިހެން ވިދާޅުވީ ރިޔާސީ އިންތިޚާބުގެ ވޯޓުލުމަށް ވަޑައިގެންނެވުމަށްފަހު ނޫސްވެރިންނާއި ވާދަހަކަ ދައްކަވަމުން. ނައިބް ރައީސް ވިދާޅުވީ އިންތިޚާބުގެ ކަންކަން ކުރިއަށް ދަނީ ވަރަށް އަމާން ކަމާއި އޮމާން ކަމާއިއެކުގައި ކަމަށާއި، އަދި އުންމީދަކީ ވޯޓުލުން ނިމިގެން ދާނީވެސް ހަމަ މިއެކުވެރި ކަމާއިއެކުގައި ކަމަށް ގަބޫލު ކުރާކަމަށް.

ވޯޓާސް ލިސްޓުގައި ދިރި ހުރި މީހަކު، މަރުވެފައިވާ މީހެއް ކަމަށް ނިންމާފައި އޮތުމުން އޭނާއަށް ވޯޓުލުމުގެ ހައްގުން މަހުރޫމް ވެއްޖެ.

މިކަން ހިނގާފައިވައިނީ ކ. މާފުށީގަ. މިކަން ހިނގާފައިވަނީ އެއް ނަން ކިޔާ ދެ މީހެއްގެ ނަން ލިސްޓްގައި އޮތުމުން. މަރުވެފައިވާ ކަމަށް ކަނޑަޅައި ލިސްޓުން އުނިކޮށްފައި ވަނީ ދިރިހުރި މީހާގެ ނަން. އަނެއް މީހާގެ ނަން ލިސްޓްގައި އެބަ އޮތް.

#ފޮޓޯ | އެމްޑީއޭގެ ރައީސް އަހުމަދު ސިޔާމް މުހައްމަދު ވޯޓު ލެއްވުން.

ރިޔާސީ އިންތިޚާބުގައި ވާދަކުރައްވާ ކެންޑިޑޭޓުންގެ ތެރެއިން އަމިއްލަ ގޮތުން ވާދަކުރައްވާ އުމަރު ނަސީރު ވޯޓު ލައްވައިފި.

މިއަހަރުގެ ރިޔާސީ އިންތިޚާބުގައި ޖުމްލަ 282،395 މީހަކަށް ވޯޓުލުމުގެ ހައްޤު ލިބިފައިވޭ. މީގެ ތެރޭގައި އަލަށް ވޯޓުލާ 27،000 އަށްވުރެ ގިނަ މީހުން ހިމެނޭ. އަދި ޤާނޫނަށް ގެނެވުނު އިސްލާޙާއެކު މިފަހަރުގެ އިންތިޚާބުގައި ލޯފަން މީހުންނަށް އިތުރު މީހެއްގެ އެހީއަކާއި ނުލާ، އަމިއްލައަށް ވޯޓުލުމުގެ ފުރުޞަތު ވަނީ ލިބިގެންގޮސްފަ.

ވޯޓުލުމުގެ ޕްރޮސެސް އަވަސްކުރުމަށް ޓަކައި އީސީން ވަނީ އެއް ފޮއްޓަށް ވޯޓުލާ މީހުންގެ އަދަދު މީގެ ކުރިން ބޭއްވި އިންތިހާބުތަކަށް ވުރެ މަދުކޮށްފަ. ކުރީގެ އިންތިހާބުތަކުގައި އެއް ފޮއްޓަށް 1200 މީހުން ވޯޓު ލި ކަަމަށާއި މިފަހަރު އެއް ފޮށްޓަށް އެންމެ ގިނަވެގެން ވޯޓުލާނީ 750 މީހުން ކަމަށް ކޮމިޝަނުންވަނީ ބުނެފަ. ބައެއް މަރުކަޒުތަކުގައި ކުދިކުދި ހާދިސާތައް ހިނގި ނަމަވެސް، ވޯޓުލުން ކުރިއަށް ދަނީ އަމާންކަމާ އެކުގައި ކަމަށް ހަބީބް ވިދާޅުވި.

އެ ކޮމިޝަނުން ހާމަކޮށްފައިވާ ތަފާސްހިސާބުތަކުން ދައްކާ ގޮތުގައި 135،422 މީހުން ވަނީ ވޯޓުލާފަ. އެއީ ވޯޓުލުމުގެ ހައްގު ލިބިފައިވާ މީހުންގެ 47.95 ޕަސެންޓު. އޭގެ ތެރެއިން 24.53 ޕަސެންޓު މީހުންނަކީ ފިރިހެނުން. އަދި, އަންހެނުންގެ ނިސްބަތަކީ 23.43 ޕަސެންޓް.

މިއަދު ކުރިއަށްދާ ރިޔާސީ އިންތިހާބުގައި މިވަގުތާ ހަމައަށް ވޯޓުލާ މީހުންގެ ތެރެއިން 47 ޕަސެންޓު މީހުން ވޯޓުލާފައިވާ ކަމަށް އިލެކްޝަންސް ކޮމިޝަން (އީސީ) ގެ ތަފާސްހިސާބުތަކުން ދައްކައިފި.

ރިޔާސީ އިންތިޙާބުގެ ވޯޓުލުމުގެ ކަންކަން ޖަލުތަކުގައި ކުރިއަށްދަނީ ވަރަށް އަމާންކަމާއިއެކު، މިހާތަނަށް ގިނަ އަދަދެއްގެ ޤައިދީންނާއި ބަންދުމީހުން ވޯޓް ލާފަ.

މިއަދު ކުރިއަށްދާ ރިޔާސީ އިންތިހާބުގައި، ވޯޓް ލައްވަން ކުރީގެ ރައީސް އަބްދުﷲ ޔާމީން ރަޖިސްޓަރީ ނުކުރައްވާކަން ހާމަވެއްޖެ.

ގައިދީން ވޯޓުލާން ހަތަރު ޖަލެއްގައި ފަސް ވޯޓް ފޮށި އިލެކްޝަން ކޮމިޝަނުން ވަނީ ބަހައްޓާފަ. މާފުށީ ޖަލުގައި ދެ ވޯޓް ފޮއްޓެއް ހުންނައިރު، ޖަލުގައި ބަހައްޓާ ފޮއްޓަށް ޔާމީން ރަޖިސްޓަރީ ނުކުރައްވާތީ އިލެކްޝަން ކޮމިޝަނުގެ ވޯޓާސް ލިސްޓްގައި އެ މަނިކުފާނިގެ ނަންފުޅު އޮތީ މައްޗަންގޮޅި އުތުރު ދާއިރާގެ ދެވަނަ ވޯޓް ފޮށީގެ ލިސްޓުގަ.

ހުޅުމާލޭ ޖަލުގައި ޙުކުމް ތަންފީޛުކުރަމުން ދިޔަ ގއ. ކަނޑުހުޅުދޫ އަންނާރުމާގޭ ޙަސަން މޫސާ ދީދީ (85 އަހަރު) މިއަދު ނިޔާވެއްޖެ.

ބ. ތުޅާދޫގައި ކެމެރާ ހަރުކޮށްފައިވާ ގަލަމަކުން ވޯޓު ކަރުދާސްކޮޅެއްގެ ފޮޓޯ ނެގި މައްސަލައެއް ފެންމަތިވެއްޖެ.

އިލެކްޝަންސް ކޮމިޝަނުން ބޭއްވި ނޫސްވެރިންގެ ބައްދަލުވުމުގައި އިލެކްޝަންސް ކޮމިޝަންސްގެ ނައިިބް ރައީސް އިސްމާއިލް ހަބީބު ވިދާޅުވީ ކެމެރާ ހަރުކޮށްފައިވާ ގަލަމަކުން ވޯޓު ކަރުދާހުގެ ފޮޓޯ ނެގިކަން އެގުމާއިއެކު ވޯޓުލުން ހުއްޓާލައި އެމައްސަލަ ބަލަން ފަށާފައިވާކަމަށް.

މި އަހަރުގެ ރިޔާސީ އިންތިހާބުގައި ޖުމްހޫރީ ޕާޓީގެ ފަރާތުން ވާދަ ކުރައްވާ ކެނޑިޑޭޓް ގާސިމް އިބްރާހީމްގެ ހަގު އަނބިކަނބަލުން ރާނިޔާ ވޯޓު ލައިފި.

ރައީސުލްޖުމްހޫރިއްޔާގެ ނައިބު ފައިސަލް ނަސީމް ރިޔާސީ އިންތިޚާބުގައި ވޯޓު ދެއްވައިފި.

އެމްއެންޕީގެ ރަނިންމޭޓް ޑރ. އަދީލް ވޯޓު ލައްވައިފި.

މަހުޖަނު އުއްޗު ވޯޓު ލައްވައިފި.

ރިޔާސީ އިންތިހާބުގެ ވޯޓާ ދިމާކޮށް އެމްޑީޕީން ފައިސާ ބަހާ ކަމަށް ދައްކާ ވާހަކަތައް ރައީސް އިބްރާހިމް މުހައްމަދު ސޯލިހު ދޮގު ކުރައްވައިފި.

ރައީސް އެގޮތަށް ވިދާޅުވީ ރިޔާސީ އިންތިހާބުގައި މިއަދު ވޯޓުލެއްވުމަށް ފަހު ނޫސްވެރިންނާ ވާހަކަފުޅު ދައްކަވަމުން. ރައީސް ވިދާޅުވީ ވޯޓު ގަންނަން އެމްޑީޕީން ފައިސާ ބަހާ ވާހައަކީދޮގެއް ކަމަށް.

ރައީސް މައުމޫން ވޯޓު ލައްވައިފި.

ރައީސް ސާލިހު ވޯޓު ލައްވައިފި.

🛑‫#ފޮޓޯ‬ | އެމްއެންޕީގެ ރިޔާސީ ކެނޑިޑޭޓު ކާނަލް ނާޒިމް ވޯޓު ލެއްވުން.

🛑⁧‫#ފޮޓޯ‬⁩ | ރައީސް ސާލިހު ވޯޓު ލެއްވުން.

ރިޔާސީ އިންތިޚާބުގައި މިހާތަނަށް ވޯޓު ލާފައިވަނީ %12.81 މީހުން. އެއީ 36،163 މީހުން.

ފޮޓޯ | އިދިކޮޅު ކެނޑިޑޭޓް ޑރ. މުއިއްޒު ވޯޓުލެއްވުން.

🛑 ޖުމުހޫރީ ޕާޓީގެ ރިޔާސީ ކެނޑިޑޭޓް ގާސިމް އިބުރާހިމް ވޯޓު ލެއްވުން.

⚡ތަފްސީލު: https://t.co/gOOOU2L2LP pic.twitter.com/XDVhwLBcZT

— Khabaru Online (@KhabaruOnline) September 9, 2023

🛑 އިނދިކޮޅު ޕީއެންސީގެ ރިޔާސީ ކެނޑިޑޭޓް ޑރ. މުއިއްޒު ވޯޓު ލެއްވުން. @MMuizzu

⚡ތަފްސީލު: https://t.co/9upumUcj6b pic.twitter.com/CAhIxyKooW

— Khabaru Online (@KhabaruOnline) September 9, 2023

އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ވޯޓު ލައްވައިފި.

ހަވީރަށް މަޑު ނުކޮށް އަވަހަށް ވޯޓު ދެއްވުމަށް އިދިކޮޅު ކެނޑިޑޭޓް އެދިވަޑައިގެންފި.

🛑#ފޮޓޯ | ރިޔާސީ އިންތިޚާބުގައި ވޯޓު ލުން, މާލެއާއި ރާއްޖޭގެ އެކި ކަންކޮޅުތަކުގައި ފެށިގެން ކުރިޔަށް.

ލަންޑަން، އަބޫދާބީ ފިޔަވައި، އެހެން ހުރިހާ ތަނެއްގައި ވޯޓުލުން ފެށިގެން ކުރިޔަށް އެބަދޭ.

ލަންޑަން، އަބޫދާބީ ފިޔަވައި، އެހެން ހުރިހާ ތަނެއްގައި ވޯޓުލުން ފެށިގެން ކުރިޔަށް އެބަދޭ.#visnun23 @ElectionsMv

— Ismail Habeeb (@IsmailHabeeb) September 9, 2023

ޖޭޕީގެ ރިޔާސީ ކެނޑިޑޭޓް ގާސިމް އިބުރާހިމް ވޯޓު ލައްވައިފި

JP ge riyaasee candidate Hon Qasim ibrahim vote lahvavaifi pic.twitter.com/EZ8t51TU4Y

— JP Secretariat (@JPSecretariat) September 9, 2023

ބޭރުގެ އޮބްޒާވަރުން ދަނީ ވޯޓުލާ ސަރަހައްދުތަކުގައި ހަރަކާތްތެރި ވަމުން.

ޑރ. މުއިއްޒުގެ ރަނިންމޭޓް ސެމްބެ ވޯޓު ލައްވައިފި.

ރާއްޖޭގައި ހުރިހާ ކަންކޮޅުތަކެއްގައި ރިޔާސީ އިންތިހާބުގެ ވޯޓުލާން ފަށައިފިއެވެ.

ރިޔާސީ އިންތިހާބު 2023 ގެ ވޯޓުލުން ފެށޭނީ، ހެނދުނު 8:00 ގައި.
ވޯޓުލުން ނިމޭނީ ހަވީރު 4:00 ގައި.
ހެނދުނު 7:30 ން ފެށިގެން،
ކިޔޫ ގައި މަޑުކުރެވޭނެ.
ވޯޓުލާން ފުރަތަމަ އަންނަ 2 މީހުންގެ ހާޒިރުގައި ސެކިޔުރިޓީ އުރަ ކަނޑާލުމަށްފަހު، 8 ޖަހާއިރު ވޯޓުލުން ފެށިގެން ދާނެ.
ހަވީރު 4…

— Ismail Habeeb (@IsmailHabeeb) September 9, 2023

މާލޭގެ ގިނަ ވޯޓުފޮށި ތަކަށް ވޯޓުލާން ފަށައިފި.

ރިޔާސީ އިންތިހާބު 2023 ގެ ވޯޓުލުން ފެށޭނީ، ހެނދުނު 8:00 ގައި.
‏ވޯޓުލުން ނިމޭނީ ހަވީރު 4:00 ގައި.
‏ހެނދުނު 7:30 ން ފެށިގެން،
‏ކިޔޫ ގައި މަޑުކުރެވޭނެ.
‏ވޯޓުލާން ފުރަތަމަ އަންނަ 2 މީހުންގެ ހާޒިރުގައި ސެކިޔުރިޓީ އުރަ ކަނޑާލުމަށްފަހު، 8 ޖަހާއިރު ވޯޓުލުން ފެށިގެން ދާނެ.
‏ހަވީރު 4 ޖަހާއިރު ވޯޓުލުމަށް ކިއޫގައި މީހަކު ނެތްނަމަ، ކިޔޫ ބަންދު ކުރާނެ.
‏ވޯޓު ގުނަން ފަށާނީ އާންމު ގޮތެއްގައި،
‏ހަވީރު 4:30 ގައި.
‏މިހާރު ހުރިހާ ވޯޓުލާ މަރުކަޒުތަކުގައި
‏އޮފިޝަލުން ތިބީ ތައްޔާރަށް.
‏ވޯޓުލާން ފެށުމާއެކު ވީހާވެސް އަވަހަކަށް
‏ވޯޓުލުމުގެ ޙައްގު އަދާކުރައްވާ!

މާލޭގެ ފޮށިތައް ބެހެއްޓިފައިވާ ސަރަހައްދުތަކުގައި ވޯޓު ލުމަށް ދިގު ކިއުތައް ދަމާލާއިފި.

ބައެއް ރަށްރަށުގައި ވޯޓުލާގަޑި ޖެހުމުގެ ކުރިން ވޯޓުލާން ކިއު ހަދަން ފަށައިފި.

ވޯޓު ގަތުމަށް ރިޝްވަތު ހުށަހަޅާނަމަ، އެކަމެއް ބަލައި ފިޔަވަޅު އަޅާނަން: އޭސީސީ

ބައެއް ޓީވީތަކުން ކެމްޕެއިން ކުރާ ކަމުގެ ޝަކުވާ ވަނީ ލިބިފައި: އީސީ

ރިޔާސީ އިންތިޚާބުގެ ވޯޓުލުން ކުރިއަށްގެންދިއުމަށް ހަމަޖެހިފައި ވަނީ ހެނދުނު 08:00 އިން ހަވީރު 04:00 އަށެވެ. އިނގިރޭސި ވިލާތް ފިޔަވާ، ވޯޓުފޮށި ބަހައްޓާ އެހެނިހެން ގައުމުތަކުގައިވެސް ރާއްޖޭ ގަޑިން 08:00 ގައި ވޯޓުލުން ފަށަން އިލެކްޝަންސް ކޮމިޝަނުން ވަނީ ކަނޑައަޅާފައެވެ.

ޖަގަހަތަކުގެ އެތެރޭގައި އިދާރީ މީހުންނަށް ތިބުމަށް ހުރަހެއް ނެތް