ކުރީގެ މަޝްހޫރު ބަތަލާ ތަނުޝްރީ ދައްތާ އަކީ ލެސްބިއަން އެއް ކަމަށާއި އޭނާ ރޭޕް ކުރި ކަމަށް "އައިޓަމް ގާލް" ގެ ގޮތުގައި ބޮލީވުޑްގައި މަޝްހޫރު ރާކީ ސާވަންތު ބުނެފިއެވެ.
ރާކީ ބުނި ގޮތުގައި ތަނުޝްރީ އަކީ މީގެ 12 އަހަރު ކުރިން އޭނާގެ އެންމެ ގާތް އެކުވެރިޔާ ކަމަށާއި އެހެންކަމުން އެކި އެކި ރޭރޭ ޕާޓީތަކަށް އޭނާއާއެކު ދާ ކަމަށެވެ. ރާކީ ތުހުމަތު ކުރާ ގޮތުގައި ތަނުޝްރީ އޭނާގެ ޕްރައިވެޓް ޕާޓްސްގައި ނުހައްގުން އަތްލި ކަމަށް އޭނާ ވަނީ ތުހުމަތު ކޮށްފައިއެވެ. އަދި ރާކީ ތުހުމަތު ކުރި ގޮތުގައި ތަނުޝްރީ ވަނީ އޭނާ އެތައް ފަހަރަކު ރޭޕް ކޮށްފައިއެވެ.
މީގެ އިތުރުން ތަނުޝްރީ އަކީ މަސްތުވާތަކެތި ބޭނުންކުރާ މީހެއް ކަމަށާއި އަދި އެ ތަކެތި ވެސް ބޭނުން ކުރަން މަޖުބޫރު ކުރާ ކަމަށް ވެސް ރާކީ ވަނީ ތުހުމަތު ކޮށްފައިއެވެ. ރާކީ އަކީ އަބަދުވެސް ހުރިހާ ކަމަކަށް އޭނާ ދެކޭގޮތް ހާމަ ކުރާ މީހެކެވެ. އަދި އަބަދުވެސް ކޮންމެވެސް މައްސަލަ ގަނޑެއްގެ ތެރޭގައި އަބަދުވެސް އުޅޭ މީހެކެވެ.
ރާކީގެ ވާހަކަތާއި ގުޅިގެން ފަހުން ތަނުޝްރީ ވަނީ ރާކީއާ ދެކޮޅަށް 10 ކްރޯޑް ރުޕީސްގެ އަބުރުގެ މައްސަލައެއް ހުށަހަޅައި ފައިއެވެ. މި މައްސަލަތަށް މިހާރު ބަލަމުން އަންނަ ކަމަށްވެއެވެ.
ތަނުޝްރީ ވަނީ ބޮލީވުޑްގައި ޖިންސީ ފުރައްސާރަ ވަރަށް ބޮޑު ކަމަށް ބުނެ އޭނާ އަށް ދިމާވެފައިވާ ހާދިސާ ތަކުގެ ވާހަކަ ހިއްސާ ކޮށްފައިއެވެ. އަދި މި ކަންތަށް ގަނޑުގެތެރޭގައި ނަން މަޝްހޫރު ތަރިން ތަނުޝްރީ ވަނީ އެކްސްޕޯސް ކޮށްފައިއެވެ. އަދި އޭނާ ވަނީ "މީ ޓޫ" ގެ ހޭޝްޓެގް ގެ ދަށުން ކެމްޕެއިންގ އެއް ފަށައި އެފަދަ ފަރާތްތަށް އެވާހަކަ ދެއްކުމަށް ހިއްވަރުދީފައިއެވެ. އެއާއި އެކުގައި ޖިންސީ ފުރައްސާރައިގެ ބޮޑެތި ތަރިންނާއި ނޫސްވެރިންނާއި މަޝްހޫރު ފަރާތްތަކުގެ މައްޗަށް ވަނީ ޖިންސީ ފުރައްސާރައިގެ ތުހުމަތުކޮށްފައެވެ.
One Response
ރާއްޖޭގެ ރާކީ އަކީ ޓިކްޓޮކް ސަމާ