ޒުވާނުންގެ ތާއީދު އޮތީ ޑރ.މުއިއްޒަށްކަން ހާމަކޮށްދިނުމަށާއި، މުއިއްޒަށް ތާއީދު އިތުރު ކުރުމަށް ޒުވާނުން އިސްނަގައިގެން މިއަދު ހަވީރު މާލޭގައި ބޭއްވުމަށް މަސައްކަތްކުރި ސައިކަލު ބުރު މޫސުން ގޯސްވުމުގެ ސަބަބުން ޕީޕީއެމްގެ ސައިކަލު ކެންސަލް ކޮށްފިއެވެ.

މިއަދު ހެނދުނުން ފެށިގެން މާލެ ސަރަހައްދުގެ މޫސުން އޮތީ ގޯސްކޮށެވެ. މިއަދުގެ ހަވީރުގެ ނިޔަލަށް މޫސުން ކުރިއަށް ލަފާކޮށް މެޓް އޮފީހުން ބުނީ، ހުޅަނގާއި ހުޅަނގުއުތުރުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެ ކަމަށެވެ. އަދި ވިލާގަނޑުގައި ގަޑިއަކު ގާތްގަނޑަކަށް 45 މޭލަށް ވައި ގަދަވުން އެކަށީގެން ވާ ކަމަށްވެސް ބުނެފައި ވެއެވެ. އަދި އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ ކަަމަށްވެސް ލަފާ ކޮށްފައި ވެއެވެ.

ބައެއް ސަރަހައްދު ތަކަށް ބޯކޮށް ވާރޭ ވެހުމާއިއެކު ގުގުރުން އެކަށީގެންވާ ކަމަށް މޫސުމާއި ބެހޭ ޤައުމީ އިދާރާއިން ވަނީ ލަފާކޮށްފައެވެ.

މޫސުން ގޯސްވުމުގެ ސަބަބުން މިއަދުގެ ސައިކަލް ބުރު ކެންސަލްކުރި ވާހަކަ ދަންނަވަން. https://t.co/8FWiws3PWw

— Progressive Party of Maldives (@ProgressPartyMV) September 2, 2023

މިއަދު ބާއްވަން އުޅުނު ސައިކަލް ބުރުގައި މާލޭގެ ބޮޑެތި މަގުތަކުގައި މުއިއްޒުއަށް އޮތް ތާއީދު ދައްކާލައި ދުއްވުމަށް އޮތީ ހަމަޖެހިފައެވެ. މިއަދު މާލޭގައި ސައިލު ބުރެއް ބާއްވަން މަސައްކަތް ކުރިއިރު، އިއްޔެ ހަވީރު ހުޅުމާލޭގައި ވަނީ ބޮޑު ސައިކަލު ބުރެއް ބާއްވާފައެވެ. މިސައިކަލު ބުރަކީ މިހާތަނަށް މާލެ ސަރަހައްދުގައި މިހާ ގިނަ އަދެއްގެ ޒުވާނުން ބައިވެރިވެގެން ބޭއްވި ފުރަތަމަ ސައިކަލު ބުރެވެ. މިސައިކަލު ބުރުގައި އެތައް ސަތޭކަ ޒުވާނުން ބައިވެރިވިއިރު، މިސައިކަލު ބުރުގައި މުއިއްޒުގެ ރަނިންމޭޓް ހުސެއިން މުހައްމަދު ލަތީފް ބައިވެރިވިއެވެ.

ކުރިއަށް އޮތް ރިޔާސީ އިންތިހާބު ކާމިޔާބުކޮށް، ވެރިކަމަށް ވަޑައިގެންފި ނަމަ، ރާއްޖޭގެ ތިން ސަރަހައްދެއްގައި ބައިނަލްއަގުވާމީ ރޭސިން ޓްރެކަކާއި ޑްރިފްޓިން ސްޓޭޑިއަމެއް އަޅުއްވައި ދެއްވާނެ ކަމަށް އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވަނީ ވިދާޅުވެފައެވެ.