ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއަށް ތާއީދު އިތުރުކޮށް ތާއީދު ދައްކާލުމަށް ގިނަ އަދަދެއްގެ ޒުވާނުން އިސްނަގައިގެން މިއަދު ހަވީރު ހުޅުމާލޭގައި ބޮޑު ސައިކަލް ބުރެއް ބޭއްވުމަށް ނިންމައިފިއެވެ.
މިއަދު ހަވީރު ހުޅުމާލޭ ފޭސް އެކެއްގެ ފެރީޓާމިނަލް ސަރަހައްދުން ފަށާ މިސައިކަލް ބުރަކީ ޕްރޮގްރެސިވް ކޮންގްރެސް ކޯލިޝަނާއި، ރޭސިންގ އެސޯސިއޭޝަން އަދި މާލެ ހުޅުމާލޭ ޒުވާނުން ގުޅިގެން ހުޅުމާލޭ ގައި ކުރިއަށް ގެންދާ ސައިކަލް ބުރެކެވެ. މިސައިކަލް ބުރުގައި ބައިވެރިވާން ބޭނުންވާ ވީހާވެސް ގިނަ ޒުވާނުންނަށް އެފުރުސަތު އޮންނާކެމަަށް އެކޯލިޝަނުން ބުނެއެވެ.
މިސައިކަލް ބުރުގައި ހުޅުމާލޭ ބޮޑެތި މަގުތަކުގައި މުއިއްޒުއަށް އޮތް ތާއީދު ދައްކާލައި ދުއްވުމަށް ވަނީ ހަމަޖެހިފައެވެ. ހުޅުމާލޭގައި މިއަދު ސައިކަލް ބުރެއް ބާވާއިރު، މާދަމާ ހަވީރު މާލޭގައިވެސް ޕްރޮގްރެސިވް ކޮންގްރެސް ކޯލިޝަންގ ވަނީ ބޭއްވުމަށް ނިންމާފައެވެ.
ކުރިއަށް އޮތް ރިޔާސީ އިންތިހާބު ކާމިޔާބުކޮށް، ވެރިކަމަށް ވަޑައިގެންފި ނަމަ، ރާއްޖޭގެ ތިން ސަރަހައްދެއްގައި ބައިނަލްއަގުވާމީ ރޭސިން ޓްރެކަކާއި ޑްރިފްޓިން ސްޓޭޑިއަމެއް އަޅުއްވައި ދެއްވާނެ ކަމަށް އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވަނީ ވިދާޅުވެފައެވެ.
