ޅ.ހިންނަވަރުން ގިނަބަޔަކު ޑރ.މުއިއްޒުއަށް ތާއީދުކޮށް ޕީޕީއެމްއާއި ގުޅިއްޖެއެވެ.
ހިންނަވަރުގައި މިއޮތް ބައްދަލުވުމުގައި ޕީޕީއެމްއާއި ގުޅުނު މެމްބަރުންގެ ފޯމު ހަވާލުކުރީ ޕީއެންސީގެ ރިޔާސީ ކެންޑިޑޭޓް ޑރ.މުއިއްޒުއާއި ޕްރޮގްރެސިވް ކޮންގްރެސް ކޯލިޝަަން ހިނެގެވުމާއި ހަވާލުވެ ހުންނެވި އަބްދުއްރަހީމާއިއެވެ. ސޮއިކުރި މީހުންގެ ތެރޭގައި އެރަށުގެ އިސް ރަށްވެހިންނާއި، އެމްޑީޕީގެ ބައެއް ބޭފުޅުންވެސް ހިމެނެއެވެ.
ސޮއިކުރު މީހުން ބުނީ އެމީހުން ޕީޕީއެމްއާއި ގުޅި މުއިއްޒުއަށް ތާއީދުކުރީ މިފަސްއަހަރު އުންމީދުކުރި އެއްވެސް ކަމެއް ހާސިލް ނުވެ ރަށުގެ ތަރައްޤީ ފަހަތަށް ދިއުމުންކަމަށެވެ.
މިއިންތިޚާބުގައި ވާދަކުރާ ކެންޑިޑޭޓުންގެ ތެރެއިން ޑރ.މުއިއްޒަކީވެސް ހިންނަވަރު ބޭފުޅެއްކަމަށް އެބޭފުޅުން ވިދާޅުވިއެވެ. ރައީސް ޞާލިހަކީ ހިންނަވަރު މީހަކަށް ވެފައި ވޯޓުދޭނަމަ މުއިއްޒަކީވެސް ހިންނަވަރު މީހަކަށް ބަލައި ވޯޓު ދޭންޖެހޭކަމަށް މިއަދު ސޮއިކުރި މީހުން ވަނީ ބުނެފައެވެ.
