މި އަހަރަކީ މުޅި ދުނިޔެއަށްވެސް ކޯވިޑް-19ގެ ޕެންޑަމިކްގެ އުނދަގޫ ކުރިމަތިވި އަހަރެކެވެ. އެހެންނަމަވެސް ބޮލީވުޑްގެ މަޝްހޫރު ގިނަ ތަރިންގެ ކައިވެނި މިއަހަރު ފެނިގެންދިޔައެވެ. ގިނަ ތަރިން ބާއްވާފައިވަނީ ލޮކްޑައުން ވެޑިންތަކެވެ. އެހެންކަމުން ވަރަށް ގިނަބަޔަކު ތިބީ މި ތަރިން ކައިވެނީގައި ފެނިގެން ދިޔަގޮތް ބަލާލާހިތުންނެވެ. އާންމުންގެ މެދުގައި ބޮޑު މަގުބޫލުކަމެއް ހޯދި ބައެއް ކައިވެނިތަަކަށް ބަލާލާނަމެވެ.
- ސަނާ ހާން
ސަނާ ހާން ކައިވެނީގެ ހަފްލާތަކުގައި ލައިގެން ހުރީ ހުދުކުލައިގެ ވެޑިންގްޑްރެސް އަކާއި ރަތް ކުލަ އަދި ފެހި ކުލައިގެ ލެހެންގާއެކެވެ. އަދި އޭނާ އަޅާފައިވާ ގަހަނާ ތަކާއި މޭކަޕް ވަރަށް ވެސް ފުރިހަމައެވެ.
- ނޭހާ ކައްކަރު
ނޭހާ ކައްކަރުގެ ކައިވެނީގެއެކި ހަފްލާތަކުގައި ފެނިގެންގޮސްފައިވަނީ އެކިގޮތްގޮތަށެވެ. އަދި ނޭހާގެ މި ޝާހީ ފެނިލުންތަކުގެ އެތައް ފޮޓޯތަކެއް ސޯޝަލް މީޑިޔާގައި ދައުރުވަމުން ދިޔައިރު، ފޭނުންނަށް މި ފޮޓޯތައް ވަރަށް ކަމުދިޔައެވެ.
- ނިތީ ޓޭލާރ
"އިޝްޤްބާޒް" އިން ފެނިގެންދިޔަ އެކްޓްރެސް ނިތީ ޓޭލާރ ފެނިގެންދިޔައީ ފިޔާތޮށި ކުލައިގެ ލެހެންގާއެއްގައި ރަންކުލައިން ޖަރީކޮށްފައިވާ އިންޑިޔާގެ ސަޤާފީ ވައްތަރަކަށް ތައްޔާރުކޮށްފައިވާ ހެދުމެއްގައެވެ.
- ސަންގިތާ ޗޯހަން
"އޭކް ޝްރިންގާރް ސުވަބިމާން" އިން ފެނިގެން ދިޔަ ތަރި ސަންގީތާ ވަނީ މަނިޝް ރާއިސިންގާން އާއި މި ލޮކްޑައުންގައި ވަނީ ކައިވެނިކޮށްފައެވެ. އޭނާ ލައިގެން ހުރީ ގަދަ ފިޔާތޮށި ކުލައިގެ ޕަޓިއާލާ ސޫޓެކެވެ. އަދި މި ސޫޓާއި ގުޅޭ މާސްކެއްވެސް އަޅާފައިވެއެވެ.
- ކާމިޔާ ޕަންޖާބީ
މިހާރުވެސް ކަލާސް އިން ގެނެސދޭ ޑުރާމާ "ޝަކްތީ"ގެ އެކްޓަރެސް ކައިވެނީގައި ލައިގެން ހުރީ ގަދަ ރަތްކުލަ، އޮރެންޖު އަދި ރަން ކުލައިގެ ލެހެންގާއެކެވެ. އަދި ކައިވެނީގެ ރިސެޕްޝަންގައި ފެނިގެންގޮސްފައިވަނީ ގަދަ ފެހިކުލައިގެ ލެހެންގާ އަކައިއެކު އިސްތަށިގަނޑު ބުޅިކޮށްފައެވެ.
- ނެއްހާ ޕެންޑްސޭ
މިދިޔަ ނޮވެމްބަރު ހަމު ނެރުނު ފިލްމް "ސޫރަޖްޕޭ މަންގަލް ބާރީ" އިން ފެނިގެންދިޔަ ނެއްހާ ޕެންޑްސޭ ކައިވެނިކޮށްފައިވަނީ މިއަހަރުގެ ޖެނުއަރީގައެވެ. ކައިވެނީގައި ލައިގެންހުރީ ނައުވަރީ ސާރީއެވެ. ކައިވެނީގެ ދުވަހު ލައިގެން ހުރީ މަޑު ފިޔާތޮށި ކުލައިގެ ސާރީ އެކެވެ. އަދި ރިސެޕްޝަން ގައި ފެނިގެންދިޔައީ ނޫކުލައިގެ ސާރީއެއްގައެވެ.
