އިދިކޮޅު ޕީޕީއެމް، ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު މިއަދު ހަވީރު ފުވައްމުލަކު ސިޓީއަށް ވަޑައިގެންނެވުމަށް ހަމަޖެހިއްޖެއެވެ.
ރާއްޖޭގެ ތިންވަނައަށް އެންމެ އާބާދީ ބޮޑު ސިޓީއަށް ޑރ.މުއިއްޒު އާއި އެމަނިކުފާނު ޓީމު ކުރައްވާ ދަތުރުފުޅުގައި ދީނީ އިލްމުވެރިޔާ ޑރ.މުހައްމަދު ޝަހީމް ޢަލީ ސައީދާއި، ޑރ. މުހައްމަދު ޖަމީލް އަހުމަދާއި، ކޯލިޝަން ހިންގުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމްވެސް ބައިވެރިވެ ވަޑައިގަންނަވާނެއެވެ.
ޑރ. މުއިއްޒުއާއި ކެމްޕޭން ޓީމުން ފުވައްމުލަކަށް ވަޑައިގަންނަވާނީ މިއަދު ހަވީރު 16:55 ގައެވެ. ފުވައްމުލަކަށް ވަޑައިގެން ޢާންމުންނާއި ސަލާންކޮށް ބައްލަދަލު ކުރުމަށްފަހު މިރޭ ފުވައްމަލަކުގައި އެސިޓީއަށް މުއިއްޒުގެ ވެރިކަމެއްގައި ގެނެސްދެއްވާނެ ތަސައްވަރާއި، ސިޔާސަތުތައް ހަމާކުރުމަށް ބާއްވާ ބޮޑު ޖަލްސާ އޮންނާނެއެވެ.
ޖަލްސާއަށްފަހު ފުވައްމުލަކު ސިޓީގެ ދާއިރާ ރައީސުންނާއި، ސްޓިއަރިން ކޮމެޓީތަކާއި ބައްދަލު ކުރުމަށް ވަޏީ ހަމަޖެހިފައެވެ.
ފުވައްމުލަކު ދަތުރުފުޅަށްފަހު ޑރ.މުއިއްޒު ހުވަދު އަތޮޅަށް ކުރައްވާ ދަތުރުފުޅު ފައްޓަވަނީ މިމަހުގެ 27 ވަނަ ދުވަހު ހެނދުނު ގައްދޫއިންނެވެ. އެދުވަހު، ގައްދޫގެ އިތުރުން މަޑަވެލި، ހޯޑެއްދޫ، އަދި ތިނަދޫއަށް ވަޑައިގަންނަވާނެއެވެ. އެރޭ ޖަލްސާ ބޭއްވުމަށް ހަމަޖެހިފައިވަނީ ތިނަދޫގައެވެ.
މުއިއްޒުގެ މިދަތުރުފުޅުގައި މިމަހުގެ 28 ވަނަ ދުވަހު ހެދުނު ވަޑައި ގަންނަވާނީ ގެމަނަފުއްޓަށެވެ. އެދުވަހު ދާންދޫ، އަދި ވިލިގިއްޔަށް ވަޑައި ގަންނަވާނެއެވެ. ބޮޑު ޖަލްސާ އޮންނާނީ އެރޭ ވިލިނގިލީގައެވެ. މިދަތުރުފުޅު ނިންމަވާލެއްވުމަށްފު ޑރ. މުއިއްޒު 28 ވަނަ ދުވަހުގެރޭ މާލެ ވަޑައި ގަންނަވާނެއެވެ.
