ޕީޕީއެމްގައި އިސްކޮށް އުޅުނު އަހުމަދު އަޒީލް އާއި އިތުރު ގިނަ ބަޔަކު އެމްޑީޕީ އަށް ސޮއިކޮށްފިއެވެ.
އަލަށް އެމްޑީޕީ އާ ގުޅުނު 500 އެއްހާ މީހުންގެ ފޯމްތަކާއި ހަވާލުވެލެއްވީ އެމްޑީޕީގެ ޗެއަރޕަރސަން ފައްޔާޒް އިސްމާއިލެވެ. އަލަށް އެމްޑީޕި އާ ގުޅުނު މީހުންގެ ފޯރމުތައް ހަވާލުކުރުން އޮތީ މިރޭ ހުޅުމާލޭގައި ބޭއްވި ޖަލްސާ އެއްގައެވެ.
އަލަށް ގުޅުނު މެމްބަރުންނަށް ރައްޔިތުންގެ މަޖިލީހުގެ ހުޅުމާލޭ ދާއިރާގެ މެމްބަރު އަލީ ނިޔާޒް ވަނީ މަރުޚަބާ ވިދާޅުވެފައެވެ. އެމްޑީޕީ އާއި ގުޅުނު އަޒީލް އަކީ ޕީޕީއެމްގެ އިސް ބައެއް މަޤާމުތަކާއި މަސްޢޫލިއްޔަތުތައް އަދާކުރައްވާފައިވާ ބޭފުޅެކެވެ.
ރައީސް އިބޫގެ ރަނިންމޭޓް @aslamdp ބައިވެރިވެވަޑައިގަންނަވާ، ހަފްލާ ހުޅުމާލެ ފޭސް 2 ޖަގަހައިގަ ކުރިއަށްދަނީ.
އަލަށް ގުޅުނު މެމްބަރުންގެ ފޯމްތަކާއި ހަވާލުކުރެއްވުން ޗއަރޕަސަން @faya_i @ali_niya #IbuAslam2023 #UfaaveriAmaanRaajje pic.twitter.com/HMNc2hSonk
— waddey (ވައްޑެ) 🎈 (@WaddeyAli) August 25, 2023
އަލަށް އެމްޑީޕީ އާއި ގުޅުނު ގިނަ މީހުންނަކީ ޒުވާނުންނެވެ. ހުޅުމާލޭގައި މިރޭ އޮތް ފޯރިގަދަ އިވެންޓުގައި ފައްޔާޒު ވަނީ މިއިންތިޚާބު އެއްބުރުން ކާމިޔާބު ކުރާނެކަމަށް ވިދާޅުވެފައެވެ.
