ނ. މާފަރުގެ އެމްޑީޕީ ކައުންސިލަރު އަތޫފް ޖުމްހޫރީ ޕާޓީ (ޖޭޕީ) އަށް ސޮއިކުރިތާ 48 ގަޑިރު ނުވަނީ އޭނާ އެމްޑީޕީއާއިއެކު ކޯލިޝަން ހަދާފައިވާ އެމްޑީއޭއަށް ސޮއިކޮށްފިއެވެ.
އަތޫފް ޖޭޕީއަށް ސޮއިކުރީ އިއްޔެ ޤާސިމް މާފަރަށް ވަޑައިގެންނެވުމުން އެކަމަށްޓަކައި ބޭއްވި ޚާއްސަ ރަސްމިއްޔާތުގައެވެ. އޭނާއާއިއެކު އިތުރު 7 މީހަކުވެސް ރޭވަނީ ސޮއިކޮށްފައެވެ. ނަމަވެސް އޭނާ ސޮއިކުރިތާ 48 ގަޑިއިރު ނުވަނީސް އޭނާ ވަނީ ނިންމުން ބަދަލުކޮށް އެމްޑީޕީއާއިއެކު ކޯލިޝަންގައި އޮތް އެމްޑީއޭއަށް ސޮއިކޮށްފައެވެ.
އަތޫފްއާއިއެކު ބައެއް ޒުވާނުންވެސް ވަނީ މިރޭ މާލޭގައި ބޭއްވި ރަސްމިއްޔާތުގައި އެމްޑީއޭއަށް ސޮއިކޮށްފައެވެ. ބޮޑަށް ބެލެވޭ ގޮތުގައި މި ޒުވާނުންނަކީ ޖޭޕީއަށް ވެސް ސޮއިކުރި ޒުވާނުންނެވެ.
N.Maafarun Miyadhu JP ah Soiy kuri Maafaru Council Member Athoof Abdulla Dhaadhi Dhenme Aku MDA Ah Soiy kurahvaafi…Meege Ithurun gina Adhadheh ge zuvaanun Maafarun MDA ah soiy kurahvaafi @SecretariatMDA @MDPSecretariat @Abbasvelidhoo @NazeeNazeera @VMookey @AhmedMahloof pic.twitter.com/2eiCTJE5kL
— AHMED REEHAN (@reekhan999) August 24, 2023
އޭނާ ސޮއިކޮށް ފޯމު ހަވާލުކުރީ ވެލިދޫ އައްބަސް އާއިއެވެ. ނ.އަތޮޅަކީ އެމްޑީެއޭގެ ތާއީދު ބޮޑު އަތޮޅެކެވެ. ރިޔާސީ އިންތިޚާބާއި ދިމާކޮށް ކައުންސިލަތަކުގެ ބައެއް ކައުންސިލަރުންނާއި ޢާންމު ބައެއް ބޭފުޅުން ޕާޓީ ބަދަލު ކުރުމަކީ ޢާންމު ކަމަށްވަނީ ވެފައެވެ.
ރިޔާސީ އިންތިޚާބުގައި ޖުމްހޫރީ ޕާޓީން ނ.އަތޮޅަށާއި، އުތުރުގެ ބައެއް އަތޮޅުތަކަށް ކުރެއްވި ދަތުރުފުޅު ނިންމަވާލައްވާ ޤާސިމް ވަނީ މިރޭ މާލެ ވަޑައިގެންފައެވެ.
