އައްޑޫ ސިޓީގައި އައްސޭރި ޓޫރިޒަމް ތަޢާރަފްކޮށް 6،000 އެނދު ޤާއިމްކޮށް ސީޕްލޭން ހަބެއް ތަރައްޤީ ކޮށްދެއްވާނެ ކަމުގެ އުފާވެރި ޚަބަރު އައްޑޫ ރައްޔިތުންނަށް ޑރ.މުއިއްޒު ދެއްވައިފިއެވެ.
ރިޔާސީ ކެމްޕޭންގައި އައްޑޫ ސިޓީ ހިތަދޫގައި ގިނަ އަދަދެއްގެ ބަޔަކާއިއެކު ބޭއްވި ޖަލްސާގައި ވާހަކަ ދައްކަވަމުން ޑރ.މުއިއްޒު ވިދާޅުވީ އައްޑޫ ސިޓީގެ ތަރައްގީއަށް މިސަރުކާރުން ވަރަށް ބޮޑަށް އިހުމާލު ވެފައިވާކަމަށެވެ. އައްޑޫއަށް އެންމެ ބޮޑަށް ބޭނުންވާ ބޯހިޔާ ވަހިކަމާއި، ވަޒީފާގެ ފުރުސަތުތަކަށް މިސަރުކާރުން އިހުމާލު ވެފައިވާކަމަށް މުއިއްޒު ވިދާޅުވިއެވެ.
މިއަދު މިވަނީ ރާއްޖޭގެ ތަރައްޤީ އެތައް ގުނައެއް ސޮއްސާލާފަައިވާތަން. ނަމަވެސް ރައްޔިތުން އަޅުގަނޑުމެންނާއިއެކު ތިބިއްޔާ ތަރައްޤީގެ ރަންޒަމާނެއް ގެނެސްދޭނަން. އައްޑޫ ރައްޔިތުންނަކީ ތަރައްޤީ އަށް ބޭނުން ވެފައިވާ ތަރައްޤީގައި ކުރިއަށް ދާން އެދޭ ރައްޔިތުން ތިބި ސިޓީއެއް.
– މުއިއްޒު ވިދާޅުވިއެވެ.
މުއިއްޒު ވިދާޅުވީ ބޯހިޔާ ވަހިކަމަށް ބޭނުންވާ އައްޑޫ ސިޓީގެ ރައްޔިތުންނަށް އެކަން ކަށަވަރު ކޮށްދެއްވާނެކަމަށެވެ. މީގެ އިތުރުން އައްޑޫ ސިޓީގައި އެތައް ޒުވާނުން ވަޒީފާ ނެތި މަގުމަތިވެފައިވާތަން ފެންނަ ކަމަށާއި، އެކަން އެހެންވީ މިސަރުކާރަށް އައްޑޫގައި ތަރައްްޤީގެ އެވަރުގެ މަސައްކަތެއް ކޮށް ނުދެވުމުން ކަމަށް މުއިއްޒު ވިދާޅުވިއެވެ.
އައްޑޫ ސިޓީގެ ތަރައްޤީއާއި ވަޒީފާގެ ފުރުސަތު އިތުރު ކުރުމަށް ދެން އުފެދޭވެރިކަމެއްގައި 6،000 ޓޫރިސްޓް އެނދު ޤާއިމްކޮށްދެއްވާނެ ކަމަށް މުއިއްޒު ވިދާޅުވިއެވެ. މިއާއެކު 10،000 ވަޒީފާ އުފެދިގެންދާނެކަމަށް މުއިއްޒު ވިދާޅުވިއެވެ. މި މަޝްރޫޢާއިއެކު އައްޑޫ ސިޓީއަށް ސީޕްލޭން ހަބެއް ގެނެސް ދެއްވާނެ ކަމަށާއި، މިއާއިއެކު ހުވަދުއާއި، އައްޑޫ ސިޓީގެ ޓޫރިޒަމަށް އިތުރަށް ފުޅާވެ، އިތުރު ގިނަ ވަޒީފާތަކެއް އުފެދިގެން ދާނެކަމަށް މުއިއްޒު ވިދާޅުވިއެވެ.
ގެދޮރުވެރިކަމުގެ ޔަގީނަކަން އައްޑޫ ސިޓީގެ ރައްޔިތުންނަށް ގެނެސްދޭނަން. އައްޑޫ ސިޓީގައި ޓޫރިޒަމް ތަރައްޤީ ނުކޮށް ވަޒީފާ އިރުތު ނުވާނެ. އައްސޭރި ޓޫރިޒަމް މަޝްރޫއު ތަޢާރަފްކޮށް، 6،000 އެނދު ގާއިމްކޮށް ކާމިޔާބު ކަމާއިއެކު ހާސިލްކޮށްދޭނަން. އެމަޝްރޫއުން 10،000 ވަޒީފާ އުފެދިގެންދާނެ.
– މުއިއްޒު ވިދާޅުވިއެވެ.
PPM PNC ge Riyaasee Candidate Dr. Mohamed Muizzu adhi Running Mate Hussein Mohamed Latheef baiverive vadaigannavaa Jalsaa .
📍 Addu city Hithadhoo
@MMuizzu @HucenSembe#Vote4Muizzu #DrMuizzuSembe2023#DhiveheengeRaajje #FreePresidentYameen pic.twitter.com/Eyx76kVVqB— Progressive Party of Maldives (@ProgressPartyMV) August 21, 2023
މުއިއްޒު ވިދާޅުވީއައްޑޫ ސިޓީގެ ރައްޔިތުންގެ ތާއީދާއިއެކު ރައީސް ޔާމީން މިނިވަން ކުރައްވާނެ ކަމަށެވެ. ވެރިކަމާއި ހަވާލުވެ އެންމެ ފުރަތަމަވެސް ޤާނޫނީ ހަމަތަކުގެ މަތީން ކުރާނެ ކަމަކީ އެއީކަމަށް މުއިއްޒު ވިދާޅުވިއެވެ. މުއިއްޒު ވިދާޅުވީ އައްޑޫ ރައްޔިތުން މިއަދު ޕީޕީއެމް، ޕީއެންސީއަށް ކުރާ ތާއީދަކީ ރައީސް ޔާމީން އައްޑޫ ސިޓީއަށް ގެނެސްދެއްވި ތަރައްޤީ ކަމަށެވެ. މުއިއްޒު ވަނީ ރައީސް ޔާމީންގެ އެތަރައްޤީ އިޔާދަ ކޮށްދެއްވާނެ ކަމުގެ ޔަގީންކަން ދެއްވާފައެވެ.
