ފެނަކައިގެ މުވައްޒިފުން ހިމެނޭހެން ހއ.ބާރަށު ގިނަ އަދަދެއްގެ އެމްޑީޕީ ޒުވާނުން އިދިކޮޅު ޕީޕީއެމްއާއި ގުޅިއްޖެއެވެ.
މިރޭ ބާރަށުގައި ބޭއްވި ޚާއްސަ ހަފްލާގައި ޕީޕީއެމްއާއި ގުޅުނު ޒުވާނުންގެ ފޯމްތަކާއި ހަވާލުވީ އެދާއިރާގެ ކުރީގެ މެމްބަރު އަދި ހުޅުމާލެ ދާއިރާގެ ކައުންސިލަރު އިބްރާހިމް ޝުޖާއެވެ. ޝުޖާ ގެންދަވަނީ ހއ.އަތޮޅުގައި ޑރ.މުއިއްޒުގެ ރިޔާސީ ކެމްޕޭންގެ ގިނަ ހަރަކާތްތަކެއް ހިންގަމުންނެވެ.
މިހަރަކާތްތަކުގެ ތެރެއިން މިރޭ ބާރަށުގައި ބޭއްވި ޖަލްސާގައި ސޮއިކުރި މީހުންނަށް ޝުޖާއާއި ޕީޕީއެމްގެ ބާރަށު ރައްޔިތުން ވަނީ ވަރަށް ހޫނު މަރުހަބާއެއް ދަންނަވާފައެވެ. ސޮއިކުރި ޒުވާނުންގެ ތެރޭގައި ފެނަކައިގެ ވަޒީފާ އަދާކުރަމުންދާ ޒުވާނުންވެސް ހިމެނެއެވެ.
PPM/PNC Candidate Dr.Muizzu/Sembe ah Thaaeedhu Hoadhumuge Gothun Baarashugai Baahvvaa Jagaha Jalsa.
Gina Adhadhehgge MDP Zuvaanun Vanee Mi Jalsa gai PPM aai Alah Gulhi Vadaigenfa.Meege Thereygai FENAKA Muvazzafeh Himeney. pic.twitter.com/bfDCq9u1jO— KEVIN (@kevincosna) August 18, 2023
ރިޔާސީ ކެމްޕޭންގައި ހއ.އަތޮޅުން ބޮޑު މެޖޯރިޓީއެއް ނެގުމަށް ޕީޕީއެމް، ޕީއެންސީން ދަނީ މަސައްކަތް ކުރަމުންނެވެ. ރިޔާސީ އިންތިޚާބުގެ ކެމްޕޭނަށް ޑރ.މުއިއްޒު ވަނީ ބޮޑު ތިލަދުންމަތީގެ ރަށްތަކަށްވަޑައިގެންފައެވެ. މިދަތުރުތަކުގައި ގިނަ ވައުދުތަކެއްވެ އެކަންކަން ކޮށްދެއްވާނެ ކަމުގެ ޔަގީކަން މުއިއްޒުވަނީ އެރައްތަކުގެ ރައްޔިތުންނަށް ދެއްވާފައެވެ.
