ގޯތި ކެނޑުމުގެ މަސައްކަތް ފަށާނީ 'ބިންވެރިޔާ' ސްކީމްގެ ދަށުން ގޯތި ލިބޭ މީހުންގެ ދާއިމީ ލިސްޓުގައި ހިމެނިފައިވާ 18،955 ފަރާތުގެ މެދުގައި ގުރު ނަގައި ނިމުމުން ކަމަށް ހައުސިން މިނިސްޓްރީން މިއަދު ބުނެފި އެވެ.
މިނިސްޓްރީން ފުރަތަމަ ބުނެފައިވަނީ، ހުޅުމާލެއިން ގޯތި ލިބޭ މީހުންގެ ގޯތި ކެނޑުމުގެ މަސައްކަތް، ގުރު ނަގަން ފެށި ދުވަސް ކަމަށްވާ އަންގާރަ ދުވަހުގެ ހަވީރު ކަމަށެވެ. އެކަން ފަސްކޮށް، ދެން މިނިސްޓްރީން ބުނެފައިވަނީ އިއްޔެ އެ މަސައްކަތް ފަށާނެ ކަމަށެވެ.
ހައުންސިން މިނިސްޓްރީއިން ހާމަކޮށްފައިވާ ގޮތުގައި ގޯތި ކެނޑުމުގެ ކަންކަން ފެށޭނީ "ގުރު ނެގުން ނިމުނީމަކަމަށާއި މިކަމަށް އަދި ވަކި ދުވަހެއް ހަމަޖައްސާފައި ނުވާކަމަށް ބުނެފައިވެއެވެ.
މާލޭ ސަރަހައްދުން ގޯތި ލިބުނު މީހުންގެ މެދުގައި ގުރު ނެގުން އަންގާރަ ދުވަހުން ފެށިގެން ގަލޮޅު ދަނޑުގައި ކޮންމެ ދުވަހަކު ދަނީ ކުރިއަށެވެ. ނަމަވެސް، ގުރު ނަގާ ނިމޭނެ ސީދާ ދުވަހެއް މިހާތަނަށް މިިނިސްޓްރީން ބުނެފައެއްނުވެއެވެ.
ހައުސިން މިނިސްޓްރީން އިއުލާނުކޮށްފައިވާ ގޯތި ލިބޭ މީހުންގެ ދާއިމީ ލިސްޓުގައި 18،955 މީހުން ހިމެނެ އެވެ.
