ބޮލީވުޑްގެ އޭ ލިސްޓްުގެ ދެ ތަރިން ކަމުގައިވާ ރިތިކް ރޯޝަން އާއި ދީޕިކާ ޕަދުކޯން އެކުގައި ފެނިގެންދާ ފުރަތަމަ ފިލްމް، ފެންނާނެ ގޮތުގެ ފަސްޓްލުކް ބެލުންތެރިންނަށް ދޫކޮށްލައިފިއެވެ.
އިންޑިއާގެ 76 ވަނަ މިނިވަން ދުވަހާ ގުޅުވައި ރިތިކް އާއި ދީޕިކާ ގެ ފިލްމު "ފައިޓާ" ގެ ފަސްޓްލުކް ދައްކައިލައިފައި ވަނީ އިންޑިއާގެ ވައިގެ އަސްކަރިއްޔާ އަށް ޓްރިބިއުޓެއްގެ ގޮތުގައިއެވެ.
ފަސްޓްލުކް ދައްކައިލީ މީގެ މައިގަނޑި ތިން ތަރިން ފިލްމުން ފެންނާނެ ގޮތުގެ މޯޝަން ޕޯސްޓަރާ އެކީގަ އެވެ. ރިތިކް އާއި ދީޕިކާގެ އިތުރުން ފިލްމްގެ މުހިންމު ރޯލަކުން ފެނިގެންދާ އަނިލް ކަޕޫރުވެސް މި ޕޯސްޓަރުގައި ފެނިގެންދެއެވެ. މީ ގިނަ ބަޔަކު އިންތިޒާރު ކުރަމުން އަންނަ އަދި ވަރަށް އުންމީދީ ފިލްމްއެކެވެ.
View this post on Instagram
ޑައިރެކްޓަރ ސިދާތު އާނަންދުގެ މި ފިލްމުގެ މުހިންމު ރޯލަކުން އަނިލް ކަޕޫރު ވެސް ފެނިގެން ދާނެއެވެ. ފިލްމުގެ ވާހަކަ ލިޔެފައި ވަނީ ވެސް ސިދާތެވެ. ފިލްމު ގެނެސްދެނީ އޭނަގެ ފިލްމު ކުންފުނި މާފްލިކްސް ޕިކްޗާސް އާއި ވަޔަކޮމް 18 ގުޅިގެންނެވެ.
މީގެ ކުރިންވެސް ދެފަރެއްގެ މަތިން ޕްރިމިއާކުރާ ތާރީހު ފަސްކޮށްފައިވާ ފިލްމް މިހާރު ތާވަލް ކޮށްފައިވަނީ އަންނަ އަހަރުގެ ޖެނުއަރީ 25 ގަ އެވެ.
