ކައިވެންޏާއި މެދުގައި ވަރަށް ސީރިއަސްކޮން ވިސްނަމުން އަންނަ ކަމަށާއި މިހާރު ކައިވެނި ކުރާނެ ކުއްޖަކުވެސް ހޯދަމުން އަންނަ ކަމަށް ސައުތުގެ ޒުވާން އެކްޓަރު ވިޖޭ ދެވަރަކޮންޑާ ބުނެފިއެވެ.
View this post on Instagram
ވިޖޭގެ ކުރިއަށް އޮތް ފިލްމް "ކުޝީ" ގެ ޕްރޮމޯޝަނަލް އިވެންޓެއަގައި މީޑިއާ އާއި ވާހަކަ ދައްކަމުން އޭނާ މިވާހަ ދެއްކި އިރުގައި އޭނާގެ ފިލްމްގެ ވާހަކަ ވެސް ބިނާވެފައި ވަނީ އަލަތު ކައިވެންޏެއް ކޮށްގެން އުޅޭ ދެމަފިރިއަކަށް ދިމާވާ ކަންތައްތަކެެއްގެ މައްޗަށްށެވެ.
އެހެން ކަމުން މީ ފިލްމް ޕްރޮމޯޓް ކުރުމުގެ ގޮތުން ދެއްކި ވާހަކަ އެއް ކަން ނުވަތަ ހަމަ އަސަލުގައިވެސް އޭނާ ކައިވެންޏެއް ކުރަން ބޭނުން ވާތީ ދެއްކި ވާހަކައެއް ކަމާމެދުގައި ތޯ މީ ފޭނުން ކުރާ ސުވާލެކެވެ.
ވިޖޭ ބުނީ އޭނާގެ ދަންނަ ގިނަ މީހުން، އާއިލާ އަދި ރައްޓެހިންވެސް ކައިވެނި ކުރަމުން އަންނާތީ އޭނާވެސް މިހާރު ކައިވެނި ކުރަން ބޭނުން ވާކަމަށެވެ. އަދި މިއީ ކުރިން އޭނާ ދައްކަން ބޭނުންވާ ޒާތުގެ ވާހަކައެއް ނޫން ކަމަށްވެސް އޭނާ ވަނީ ބުނެފައިއެވެ.
ކައިވެންޏާއި ގުޅޭ ގޮތުން ވާހަކަތަކެއް ވިޖޭ ދެއްކި އިރު، އޭނާ އާއި ދެކުނު ސިނަމާގެ މަޝްހޫރު އެކްޓްރެސް ރަޝްމިކާ މަންދަނާ ލޯބީގެ ގޮތުން ގުޅިގެން އުޅޭ ކަމަށް ބުނާ އަޑުތަކެއް ވަނީ ފެތުރިފަ އެވެ.
