އަމީކް ވިރްކް ލީޑް ރޯލުން ފެނިގެންދާ ޕަންޖާބީ ފިލްމު "ޖޫނިއާ" ފިލްމްގެ ފުރަތަމަ ޓީޒާ ދައްކައިލައިފިއެވެ.
ވަރަށް ޔުނިކް ޕްލޮޓް އަކަށް އުފައްދާ ފިލްމް އިއުލާނު ކުރި ހިސާބުން ފެށިގެން ގިނަ ބަޔަކު އިންތިޒާރު ކުރަމުން އަންނަނީ އެ ފިލްމު ބަލާލުމަށެވެ. ފިލްމް ރިލީޒް ކުރުމަށް ތާވަލް ކޮށްފައިވަނީ މި މަހުގެ 18 ވަނަ ދުވަހުގައިއެވެ.
ހަރްމަން ދިލޯން ޑައިރެކްޓްކުރާ މި ފިލްމުން އަމީކް ވިރްކް ގެ އިތުރުން ފެނިގެންދާނީ ޝްރިޝްތީ ޖެއިން، ކަބީރު ބޭދީ، ޕްރަދީޕް ރާވަތު، ޕަރްދީޕް ޗީމާ، ރާމް އައުޖްލާ، ޖަސްލީން ރާނާ، އަޖޭ ޖޭތީ، މަރިޔަމް ރޯއިނިޝްވިލީ، ރޯނީ ސިންގް، ކަރަން ގާބާ، ކަބީރު ސިންގް ފަދަ ތަރިންނެވެ.
