އިދިކޮޅު ލީޑަރު ރައީސް ޔާމީން ޖަލުގައި އޮންނަތާ 1،000 ދުވަސް މާދަމައަށް ވާތީ، އެކަމާއި ދެކޮޅަށް އަޑުއުފުލުމަށް ބާއްވާ ސައިކަލު ބުރެއް މާދަމާ ބޭއްވުމަށް ހަމަޖެހިއްޖެއެވެ.
މާދަމާ މިސައިކަލް ބުރު ފެށުމަށް ހަމަޖެހިފައިވަނީ މާލޭގެ، ޕީޕީއެމް އޮފީސް ހިމެނޭ ސަރަހައްދުންނެވެ. މިސައިކަލު ބުރުގައި ރައީސް ޔާމީނަށް ތާއީދުކުރާ ވީހާވެސް ގިނަ ބަޔަކު ބައިވެރިވުމަށް އެކޯލިޝަނުން ވަނީ އެދިފައެވެ.
މިސަރުކާރުން ވެރިކަމަށް އައިފަހުން މިދައުރުގެ ގިނަ ދުވަސްތަކުގައި ރައީސް ޔާމީން ހުންނަވަން ޖެހުނީ ޖަލުގައެވެ. ރައީސް ޔާމީން ޖަލުގައި އޮންނަން ޖެހުމަކީ އިދިކޮޅު ކޯލިޝަނުން އެންމެ ބޮޑަށް ކުށްވެރި ކުރާ އަދި އެންމެ ގިނަ އަޑު އުފުލުންތައްވެސް ބާއްވާ މައްސަލައެވެ.
ރައީސް ޔާމީން ނުހައްގުން ޖަލުގައި ގައިދުކޮށްފައިވާތާ 1000 ދުވަސް ހަމަވުމުން އެކަމާ ދެކޮޅަށް ބާއްވާ ޒުވާނުންގެ ސައިކަލި ބުރު🇲🇻
ތަން : ޕީޕީއެމް އޮފީސް ކުރިމަތިން📍
ގަޑި : ހަވީރު 04:00 🕝
ދުވަސް : 12 އޯގަސްޓް 2023 🗓#FreePresidentYameen #Muizzu2023 #MuizzuSembe2023 pic.twitter.com/9X3WuuSueu— Hussain Mohamed Latheef (@HucenSembe) August 11, 2023
ރައީސް ޔާމީނަކީ ޕީޕީއެމްގެ ރިޔާސީ ކެންޑިޑޭޓް ކަމަށް އެޕާޓީން ނިންމި ނަމެސް އެމަނިކުފާނަށް އިންތިޚާބުގައި ވާދަކުރުމުގެ ފުރުސަތު ގެއްލުނީ ރައީސް ޔާމީންގެ ކެންޑިޑެސީއާއި ގުޅިގެން ސްޕްރީމް ކޯޓުން އެމަނިކުފާނަށް ވާދަ ނުކުރެވޭނެކަމަށް ނިންމުމާއި ގުޅިގެންނެވެ. ނަމަވެސް އިދިކޮޅު ކޯލިޝަނާއި ޚުދު އެމަނިކުފާނުވެސް ގެންދަވަނީ މިއީ ސީދާ ސަރުކާރުން ޖުޑީޝަރީ ބޭނުންކޮށްގެން ހިންގި ބޮޑު ޖަރީމާއެއް ކަމަށް ބުނެފައެވެ.
ރައީސް ޔާމީނަކީ ސިޔާސީ ލީޑަރުންގެ ތެރެއިން އެންމެ ގިނަ ދުވަހު ޖަލުގައި އޮންނެވި ބޭފުޅާއެވެ. އިދިކޮޅު ޕްރޮގްރެސިވް ކޯލިޝަންގެ ރިޔާސީ ކެނޑިޑޭޓް ޑރ.މުއިއްޒުގެ އެންމެ ފުރަތަމަ ވައުދަކީވެސް ރައީސް ޔަމީން މިނިވަން ކުރުމެވެ.
