ހުރިހާ މަސައްކަތެއް ނެތި ސިނަމާ ތަކުގައި އެޅުވުމުގެ އިންތިޒާރުގައި އޮތް ފިލްމް "ނޮވެމްބަރ" ރިލީޒްކުރާ ތާރީހު އިއުލާން ކުރަން ތައްޔާރުވެއްޖެ އެވެ.
ފިލްމުގެ ޓީޒާއަކާ އެކީ މިކަން އެ ސްޓޫޑިއޯ އިން އިއްޔެ ހިއްސާކޮށް ބުނީ ރިލީޒްކުރާ ތާރީހު ވަރަށް އަވަހަށް ހާމަކުރާނެ ކަމަށެވެ. ޑާކް ރެއިން އެންޓަޓެއިންމެންޓުން އުފައްދައި ހުރިހައި މަސައްކަތެއް ނިންމާލާއިފައި ވިޔަސް އަދިވެސް މިފިލްމް އަކީ އަޅުވާނެ ތާރީހެއް އިއުލާން ކޮށްފައިވާ ފިލްމް އެއް ނޫނެވެ.
"ނޮވެމްބާ" އަކީ ކުރިން 2020 ގެ ޖުލައި މަހުގެ 6 ގައި ސިނަމާތަކަށް ގެންނަން ނިންމި ފިލްމެއް ނަމަވެސް ކޮވިޑްގެ ސަބަބުން ފިލްމް ލަސްކޮށް، އަދި ގެެނެސްދޭނެ އިރެއް ނޭގޭ ފިލްމްއެކެވެ.
View this post on Instagram
މި ފިލްމް ގެ ސްކްރީންޕްލޭ ލިޔުނީ ޢާއިޝަތު ފުއާދު އާއި ޢަހްމަދު ޠަލާލް އެވެ. ޑައިރެކްޓްކޮށް ކެމެރާކުރީ ޝިފާއު (ޗިއްޕެ) އެވެ. ކޯ-ޑައިރެކްޓަރެއްގެ ގޮތުގައި ހަރަކާތެރިވެފައިވަނީ އާއިޝަތު ފުއާދެވެ. ޗިއްޕެއާއެކު ކެމެރާކުރުމުގައި އަޙްމަދު ޝިނާން ވެސް ހަރަކާތެރިވިއެވެ.
މީގެ މަންޒަރުތައް ސިންގަޕޫރުގެ އިތުރުން އައްޑު އާއި ލ. އަތޮޅާއި މާލޭގެ އިތުރުން ކ. އަތޮޅުގެ ބައެއް ރަށްރަށުގައި ވެސް ނަގާފައިވެ އެވެ. މަޖުދާ (މަޖޫ) އާއި ޖުމައްޔިލް ނިމާލު (ޖުމަލް) ލީޑް ރޯލު ކުޅެފައިވާ ފިލްމްގެ ރޯލަކުން ކުރީގެ އެކްޓަރު އިސްމާއީލް ވަޖީހު ވެސް ފެންނާނެ އެވެ.
