މަޝްހޫރު ޓީވީ ހޯސްޓް އަދި ލަވަކިޔުންތެރިއެއްކަމަށް ވާ އަދިތިޔާ ނާރަޔަން ވަނީ މިމަހުގެ 2 ވަނަ ދުވަހު އޭނާގެ ލޯބިވެރިޔާ ޝްވެތާ އަގަރްވާލް އާއި ކައިވެނިކޮށްފައެވެ.

ސޯޝަލް މީޑިއާގައި އެކްޓިވް މި ތަރި ވަނީ  ކައިވެނީގެ ހަފްލާގައި ނަގާފައިވާ "ލޯބި" ފޮޓޯ ގަނޑެއް ފޭނުންނަށް ދޫކޮށްލާފައެވެ. އަދިތިޔާ މިފޮޓޯގައި ފެންނަނީ ކައިވެނީގެ ހެދުމުގައި އޭނާގެ އަނބިމީހާ، ޝްވެތާގެ ކޮލަށް ދޮނެއް ދެނިކޮށެވެ. އަދި ފޮޓޯގައި ޝްވެތާ ފެނިގެންދަނީ ވަރަށް ލަދުން ހުއްޓާއެވެ.

ދެމީހުންވެސް ލައިގެން ތިބީ އާންމުކޮށް އިންޑިއާގައި ކައިވެނި ތަކުގައި ލާކަހަލަ ސަޤާފީ ހެދުމެވެ. އަދިތިޔާ ލައިގެން ހުރީ ރަން ކުލައިގެ ޝޭރްވާނީއެކެވެ. އަދި ޝްވެތާ ލައިގެން ހުރީ ފިޔާތޮށި ކުލައިގެ ލެހެންގާއެކެވެ. އަދި މި ފޮޓޯގައި ލިޔެފައިވަނީ ލިއަމް ނީސަންގެ ފިލްމް "ޓޭކެން" ގެ ވަރަށް މަޝްހޫރު ޑައިލޮގެކެވެ.

 

View this post on Instagram

 

A post shared by Aditya Narayan (@adityanarayanofficial)

މި ފޮޓޯއަށް މަޝްޙޫރު ލަވަކިޔުންތެރިޔާ ނޭހާ ކައްކަރުވެސް ކޮމެންޓުކޮށްފައިވެއެވެ. މި އަހަރު ކުރީ ކޮޅު ނޭހާ އާއި އަދިތިޔާ ކައިވެނިކުރަން އުޅޭ ޚަބަރު ވަނީ ފެތުރިފައެވެ. ނަމަވެސް މިކަންވީ އެމީހުންގެ ޝޯވ އިންޑިއަން އައިޑޮލް އަދި އެދެމީހުންގެ ލަވައެއް ކަމަށްވާ "ގޯއާ ބީޗް"ގެ މާކެޓިންގ ސްޓަންޓަކަށެވެ. މި ދެމީހުންގެ މީހުންގެ މައިންބަފައިންވެސް ޝޯވ އަށް އައިސް މިކަމަށް ޤަބޫލުވިއެވެ.

ނަމަވެސް ފަހުން ނޭހާ ވަނީ އަދިއްތިޔާ ކައިވެނި ކުރަނީ ޝްވެތާއާއި ކަމަށް ބުނެފައެވެ. އަދި ނޭހާ ވަނީ މިފަހުން ރޯހަން ޕްރީތު ސިންގްއާއި ކައިވެނިކޮށްފައެވެ.

އަދިއްތިޔާ އާއި ޝްވެތާގެ ކައިވެނީގެ ފޮޓޯ އާއި ވީޑިއޯތަށް ވެގެން ދިޔައީ ފާއިތުވި ހަފްތާގައި ބޮލީވުޑްގައި އެންމެ ހިނގި ޚަބަރުތަކަުގެ ގޮތުގައެވެ. އެގޮތުން ހިންދޫއިންގެ ކައިވެނި ތަކުގައި ފުރިހަމަކުރަންޖެހޭ އެކި ކަންކަން ގެންދިޔަ ގޮތުގެ ވީޑިއޯއެއްވެސް މަޖާ ގޮތަކަށް އަދިއްތިޔާ ވަނީ އިންސްޓަގްރާމަށް ދޫކޮށްލާފައެވެ.

 

View this post on Instagram

 

A post shared by Aditya Narayan (@adityanarayanofficial)

ކައިވެނި ހަފްލާއަށް ބޮލީވުޑްގެ މަޝްހޫރު ތަރިންނާއި ދެމީހުންގެ ރައްޓެހިން ވަނީ އައިސްފައެވެ. އޭގެތެރޭގައި ގޯވިންދާގެ ދެމަފިރިން ނާއި ކޮމޭޑިއަން ބާރަތީގެ ދެމަފިރިން ހިމެނެއެވެ. އަދި އަދިއްތިޔާގެ ބައްޕަ އުދިތު ނާރަޔަން ވަނީ އޭނަގެ ރަންޒަމާނުގައި މަޝްހޫރުވި ބައެއް ލަވަތަކަށް އަދިއްތިޔާގެ މަންމަޔާވެސް އެކު ނަށާފައެވެ. މި ވީޑިއޯތައްވެސް އަދިއްތިޔާގެ ބައެއް ރައްޓެހިންނާއި ފޭނުން ސޯޝަލް މީޑިއާގައި ޕޯސްޓްކޮށްފައި ވެއެވެ.

 

View this post on Instagram

 

A post shared by Aditya Narayan? (@adityanarayanki_crazyfan_madhu)

އަދިއްތިޔާ އާއި ޝްވެތާ ރައްޓެހިވެގެން އުޅޭތާ 12 އަހަރު ވެފައިވާއިރު، މި ދެމީހުން ފުރަތަމަ ބައްދަލުވީ ފިލްމް "ޝާޕިތު"ގެ ސެޓުންނެވެ. އަދި މިފަހުން އަދިއްތިޔާގެ ބައްޕަ އުދިތު ވަނީ އެދެމީހުން 10 އަހަރު ލިވިން ރިލޭޝަންޝިޕްގައި އުޅުނުކަން ހާމަކޮށްފައެވެ.