ކުރިއަށް އޮތް ރިޔާސީ އިންތިޚާބުގައި ވާދަނުކޮށް އިދިކޮޅު ޕްރޮގްރެސިވް ކޯލިޝަނުން އިންތިޚާބު ބޮއިކޮޓް ކުރުމަށް ރައީސް ޔާމީން އެންގެވި ނަމަވެސް، އިދިކޮޅު ޕްރޮގްރެސިވް ޖޮއިންޓް ސެނެޓުން އިންތިޚާބުގައި ވާދަކުރަން ނިންމި ނިންމުން ބަލައި ނުގަންނަން ރައީސް ޔާމީން ނިންމަވައިފިއެވެ.
އަންނަ މަހު އޮންނަ ރިޔާސީ އިންތިޚާބުގައި، ކުރީގެ ރައީސް ޔާމީނަށް ވާދަނުކުރެވޭނެކަމަށް ސުޕްރީމް ކޯޓުން ނިންމެވި ނިންމެވުމާއި ގުޅިގެން، އެމަނިކުފާނު ވަނީ އިންތިޚާބު ބޮއިކޮޓްކުރެއްވުމަށް ޕީޕީއެމް ލީޑަރޝިޕްގައި އެދިވަޑައިގެންފައެވެ. އެގޮތުން ރައީސް ޔާމީން އެދިވަޑައިގަތީ އެމަނިކުފާނުގެ އިންތިޚާބީ ހައްޤު ނިގުޅައިގަނެފައިވާކަމަށް ސެނެޓަށް ޤަބޫލުކުރެވޭނަމަ އިންތިޚާބު ބޮއިކޮޓްކުރުމަށެވެ.
ޕީޕީއެމް ޕީއެންސީގެ ސެނެޓުން ބޭއްވި ކުއްލި ބައްދަލުވުމުގައި ވަނީ އިންތިޚާބު ބޮއިކޮޓް ކުރުމަށް ފެންނަ ނުފެންނަ ވޯޓެއް ނަގާފައެވެ. އިންތިޚާބު ބޮއިކޯޓްކުރަން ނުފެންނަކަމަށް 67 މެންބަރަކު ވޯޓު ދިނެވެ. ބޮއިކޮޓްކުރަން ފެންނަކަމަށް ވޯޓު ދެއްވީ 46 މެންބަރުންނެވެ. އިންތިޚާބު ބޮއިކޮޓް ނުކުރުމަށް ގޮވާލާ ވޯޓު ދެއްވި ބޭފުޅުންގެ ތެރޭގައި ރައީސް ޔާމީންގެ ވަރަށް އަރިސް ބޭފުޅުންވެސް ހިމެނިވަޑައިގަންނަވައެވެ.
ސެނެޓުގެ ނިންމެވުމަށް ރައީސް ޔާމީންގެ ވިސްނުންފުޅު ހުރި ގޮތެއް ބެލުމަށް ވަނީ ރައީސް ޔާމީނަށް ފޮނުވުމުން އެމަނިކުފާނު ވަނީ ވިސްނުން ބަދަލު ނުކުރައްވާކަމަށް ވިދާޅުވެ، އިންތިޚާބު ބޮއިކޮޓް ނުކޮށް ކުރިއަށް ގެންދިއުމަށް ނިންމި ނިންމުން ގަބޫލު ނުކުރައްވާފައެވެ. އަދި ވަނީ އެކަން މިހާރު ސެނެޓަށް އަންގަވާފައެވެ.
ރައީސް ޔާމީންގެ މި ނިންމުމާއި ގުޅިގެން އިދިކޮޅު ކޯލިޝަންގެ ލީޑަރޝިޕްގެ އިސްވެރިން ގެންދަނީ މަޝްވަރާކޮށް ހައްލު ހޯދުމަށް މަސައްކަޔް ކުރަމުންނެވެ. ރައީސް ޔާމީންގެ ނިންމުން ބަދަލު ނުކުރައްވާއިރު، ޕީޕީއެމްގެ ގޮފިތަކާއި، ކައުންސިލްތަކާއި، ސްޓިއަރިން ކޮމެޓީތަކާއި، ދާއިރާތަކުގެ ރައީސުންވެސް ދަނީ އިންތިޚާބު ބޮއިކޮޓް ނުކުރުމަށް ގޮވާލާފައެވެ.
އަންނަ ރިޔާސީ އިންތިޚާބުގައި ވާދަކުރެއްވުމަށް ރައީސް ޔާމީން ޝަރުތު ފުރިހަމަނުވާކަމަށް ސުޕްރީމްކޯޓުން ނިންމަވާފައިވަނީ، ރައީސް ޔާމީންގެ ކެންޑިޑަސީ ފޯމް އިލެކްޝަންސް ކޮމިޝަނުން ބަލައި ނުގަތުމުން އެމަނިކުފާނު ހުށައެޅި މައްސަލާގައި މިއަދު އިއްވެވި ޙުކުމުގައެވެ. އެ މައްސަލަ ބެއްލެވި ހަތް ފަނޑިޔާރުންގެ އިއްތިފާގުން ނިންމެވި، ރައީސް ޔާމީންގެ ކެންޑިޑެސީ ބަލައިނުގަންނަން އީސީން ނިންމީ ރަނގަޅަށް ކަމަށެވެ.
ރިޔާސީ އިންތިޚަބުގައި ވާދަކުރެއްވުމަށް ކެންޑިޑެސީ ފޯމް ހުށައެޅުމުގެ ސުންގަޑި މާދަމާ މެންދުރުފަހު 14:00އަށް ހަމަވާނެއެވެ.
4 Responses
ހޭބަލިވެގެން ފާޑުފާޑު ހަބަރު ހަދަހަދައިގެން ލިޔުމުގެ ބޭނުމެއް ދެންނެތް މިކަން މިނިމުނީ ޗޭރޭ އައުޓްކޮށްލާން މިތިބީ ނުކުމެ މުއިއްޒު މިކަން ނިންމާނެ އިނަޝާﷲ
ތިވާގޮތުން ބާކީވުމަށް މަގުފަހިވެދާނެ.
މިހާ އަވަހަށް 67 ވޯޓް އިދިކޮޅަށް ލިބުނީމާ، މުއިޒަށް ބާރު ލިބޭ ހިސާބުން ބާކީ 46 ވެސް އިދިކޮޅަށް އެބުރޭނެއެވެ. ދެން މުއިޱުވެސް ބޭނުންވާނީ ޖަލުގައި ބާއްވާފާ ޕާރޓީވެސް އަތުލާށެވެ. އެ އެއްޗެއް ހޯދި ގޮތަކަށް އެއެއްޗެއް ގެއްލަޭނެއެވެ.
ޔާމީނަކީ ޑިމޮކްރަސީ ދަންނަ މީހެއްނޫނެވެ. ޑިމޮކްރެޓިކް ވެރިކަމެކޜ ކިޔަސް ވެރިކަން ކުރީވެސް ޚުދްމުހްތާރުކޮށް ސީދާ ރަސްކަމެއް ހިންގާގޮތަށެވެ. އިދިކޮޅަށް މީހަކު ބަލާލިޔަސް އެމީހެއްގެ ނިމުން އަންނާނީ ޖަލުންނެވެ. ކައިރީގައި ތިބެވޭނީ ހަމައެކަނި މަސާހިބު ކިޔާ އަޅުންނަށެވެ. ސެނެޓަކާއި ސެނެޓެކެވެ. ހަމަޖެހޭނީ ވިދާޅުވިގޮތަށް ބޯއިކޮޓް ކުރާށެވެ.