ރިޔާސީ އިންތިޚާބުގައި އެމްޑީޕީ ތެރެއިން އުފެދުނު ޚިޔާލް ތަފާތުވުމުގައި އުފެއްދި ޑިމޮކްރެޓްސްގެ ރިޔާސީ ކެންޑިޑޭޓް އިލްޔާސް ލަބީބްގެ ކެންޑިޑެސީ ފޯމް އިލެކްޝަންސް ކޮމިޝަނަށް ހުށަހަޅުއްވައިފިއެވެ.
އިލްޔާސާއި، ރަނިންމޭޓް އަމްރުވެސް ބައިވެރިވި މިހަފްލާފައި ފޯމާއި ހަވާލުވީ އިލެކްޝަންސް ކޮމިޝަންގެ ރައީސް ފުއާދު ތައުފީގުއެވެ. ފޯމު ހަވާލުކުރުމަށް ބޭއްވި ރަސްމިއްޔާތުގައި ޑިމޮކްރެޓްސްއަށް ތާއީދު ކުރާ ގިނަ ބަޔަކުވެސް ބައިވެރިވެފައިވެއެވެ.
މިއީ ރިޔާސީ ރޭހުގައި ވާދަކުރުމަށް މިއަދު އިލެކްޝަނަށް ހުށަހެޅި 3 ވަނަ ކެންޑިޑެސީ ފޯމެވެ. މިއަދު ރައީސް ޞާލިހުގެ ދެވަނަ ދައުރަކަށް ކުރިމަތިލުމަށް ފޯމު ހުށަހަޅުއްވާފައިވާއިރު، އެމްއެންޕީގެ ފަރާތުން ނާޒިމްވެސް ވަނީ ކެންޑިޑެސީ ފޯމު ހުށަހަޅުއްވާފައެވެ. މިހާތަނަށް ވާދަކުރައްވާނެކަމަށް ވިދާޅުވި ބޭފުޅުންގެ ތެރެއިން ފޯމު ހުށަ ނާޅަނީ، ޤާސިމް، ފާރިސް އަދި އުމަރެވެ.
ވަރަށް ފޯރިގަދަ 💙💙💙
މަރުހަބާ މަރުހަބާ 👏👏👏@ilyas_labeeb @HusenAmr #Live #WeTheDemocrats#WhyTheDemocrats pic.twitter.com/YwPQmpfJvh— Sim (@Simwarr) August 6, 2023
މީގެ އިތުރުން އިދިކޮޅު އެންމެބޮޑު ޕާޓީ ޕީޕީއެމްއިން ވާދަކުރާނެ ކެނޑިޑޭޓެއް އަދި ނެތެވެ. ނަމަވެސް ޕީއެންސީން ވާދަކުރާނެ ކެނޑިޑޭޓަކީ ޑރ.މުއިއްޒު ކަމަށް ނިންމި ނަމަވެސް ފޯމު އިލެކްޝަނަށް ހުށަހަޅާފައި ނުވެއެވެ.
ދަ ޑިމޮކްރަޓްސްއަކީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އިސްވެ ހުންނަވައިގެން އުފެއްދެވި ސިޔާސީ ޕާޓިއެކެވެ.
