މޫސުން ގޯސްވުމުގެ ސަބަބުން ރައީސް އިބްރާހިމް މުހައްމަދު ސޯލިހް ދ. އަތޮޅަށް ކުރައްވަން އޮތް ކެމްޕެއިން ދަތުރު ފަސްކޮށްފިއެވެ.
ރައީސް ސޯލިހް ދ. އަތޮޅަށް ވަޑައިގަތުމަށް ކުރެއްވުމަށް ހަމަޖެހިފައިވާ ދަތުރުފުޅު ފައްޓަވަން އޮތީ މިއަދު ހެނދުނެވެ. އެކަމަކު، އެ ދަތުރުފުޅު ރައީސް ފަހު ވަގުތު ކެންސަލް ކުރެއްވީ މޫސުން ގޯސްވުމުގެ ސަބަބުންނެވެ.
ނަމަވެސް ގދ. އަދި ގއ. އަތޮޅަށް ކުރައްވާ ދަތުރުފުޅު ޝެޑިއުލާ އެއްގޮތަށް ކުރިއަށްދާނެ ކަން އެނގިފައިވެއެވެ. އެ ދަތުރުފުޅު ރައީސް ފެއްޓެވުމަށް ހަމަޖެހިފައި ވަނީ މާދަމާއެވެ.
ރިޔާސީ އިންތިހާބުގެ ކެމްޕެއިނުގައި ރައީސް އެންމެ ފަހުން ވަޑައިގަތީ ހއ. އަދި ހދ. އަތޮޅަށެވެ.
ރައީސް މިއަދު ވަނީ އެމަނިކުފާނުގެ ކެންޑިޑެސީ ފޯމް އިލެކްޝަންސް ކޮމިޝަން (އީސީ) އަށް ހުށަހަޅުއްވައިފައެވެ.
