ޓީވީ އެކްޓްރެސް އެއްގެ ގޮތުގައި މުނިފޫހިފިލުވުމުގެ ދާއިރާއަށް ނުކުތް މޯނީ ރޯއީ އަކީ މިއަދު ބޮޑުސްކްރީނުގައި ވެސް ކުރިއަރަމުން އަންނަ ތަރިއެކެވެ. އޭރުވެސް މިހާރުވެސް ރީތި ކަމުގެ އިތުރުން އޭނާގެ ހުނަވެރިކަމަށް ގިނަ ބައެއްގެ ތައުރީފް ލިބިފައިވާ ތަރިއެކެވެ.
އެކަމަކު މި ފަހަރު ދައްކަން މިއުޅެނީ މޯނީ ރޯއީގެ މަޤުބޫލުކަމުގެ ވާހަކައެއް ނޫނެވެ. އޭނާ އަޅާފައިހުރި ސާރީ އަކަށް ލިބުނު ބޮޑު ސަމާލުކަމެއްގެ ވާހަކައެވެ.
ދުބާއީގައި އޮތް މޯނިގެ ރަހުމަތްތެރިއެއްގެ ކައިވެނި ޕާޓީއަށް އޭނާ ތައްޔާރުވެ ނަގާފައިވާ ފޮޓޮތައް އިންސްޓަގުރާމުގައި ހިއްސާކުރުމާއެކު އޭނާގެ ފޭނުންގެ އިތުރުން ގިނަ ބަޔަކު މޯނީ އަޅައިގެން ހުރި ސާރީގެ ރީތިކަމާއި އެ ކުލައިގެ ޗާލުކަމުގެ އިތުރުން މޯނީއާ އެކުލަ ގުޅޭކަމުގެ ވާހަކަތަކުން މުޅި އިންޓަނެޓް ފުރާލިއެވެ.
އާންމުކޮށް ފެންނަ ރަތް ކުލައަށްވުރެ ރީތި ރަތްކުލައެއްގެ ސާރީއެއްގައި އޭނާ ނަގާފައިވާ މި ފޮޓޮތައް ހަމަ އަސްލުވެސް ވަރަށް ހިތްގައިމެވެ. އެސާރީގެ އިތުރުން އޭނާ ބެނުންކޮށްފައިވާ ރިހި ގަހަނާ އާއި ރަތް ލިޕްސްޓިކުން، މޯނީގެ ފުރިހަމަކަށް އިތުރަށް ދައްކުވައިދެއެވެ. ރިޕޯޓްތައް ބުނާގޮތުގައި މި ސާރީއަކީ އިންޑިއާގެ މަޝްހޫރު ފެޝަން ޑިޒައިނަރ ސަންޔާ ގުލާޓީ ޑިޒައިންކޮށް ތައްޔާރުކޮއްފައިވާ 30،000 ރުޕީސްގެ އަގުހުރި ސާރީއެކެވެ. މި ސާރީގައި ނަގާފައިވާ ފޮޓޯތަށް ހިއްސާކުރަމުން މޯނީ ލިޔެފައިވަނީ "ސާރީ ގަރލް ފޯއެވާރ" މިހެންނެވެ.
އިންޑިއާގެ ގިނަ ޑިޒައިނަރުން ދެކޭގޮތުގައި ކޮންމެ އަންހެނަކާވެސް ރަތްކުލައިގެ ކޮންމެވެސް އެއް ޝޭޑެއް ގުޅޭނެއެވެ. ބައެއް މީހުން މި ފޮޓޯތަކަށް ކޮމެންޓްކުރަމުން ވަނީ ޑިޒައިނަރުންގެ އެބަހަކީ ތެދެއްކަން މޯނީ ސާބިތުކޮށްދީފި ކަމަށް ބުނެފައެވެ.
View this post on Instagram
ފިލްމީ ދާއިރާގެ މަސައްކަތަށް ބަލާއިރު ދެން އެންމެ އަވަހަށް މޯނީ ފެނިގެންދާނީ އަޔާން މުކަރުޖީގެ "ބްރަހަމަސްތުރާ" ންނެވެ. މި ފިލްމުގެ ލީޑުން ރަންބީރު ކަޕޫރު އަދި އާލިޔާ ބަޓް ފެނިގެންދާއިރު، ކާސްޓުގެ ތެރޭގައި އަމީތާބު ބައްޗަން، ޑިމްޕަލް ކަޕާޑިއާ އަދި ނާގަރްޖުނާވެސް ފެނިގެންދާނެއެވެ. މޯނީ މި ފިލްމުގައި ފެންނާނީ ވިލެން އެއްގެ ގޮތުގަ އެވެ. ކަރަން ޖޯހަރްގެ ދަރްމާ ޕްރޮޑަކްޝަނުން ނެރޭ މި ފިލްމު ބެލުންތެރިންނާއި ހަމައަށް އަންނާނީ އަންނަ އަހަރު އެވެ.
މޯނީ ރޯއީގެ ފިލްމަކަށް އެންމެ ފަހުން ބޮޑު ސްކްރީނަށް އައީ ރާޖްކުމާރް ރާއޯ އާއި އެކު ފެނިގެންދިޔަ ފިލްމު "މޭޑް އިން ޗައިނާ" އެވެ.
