ކުރިޔަށް އޮތް ރިޔާސީ އިންތިޚާބު 2023 ފަސްކުރުމަށް އިދިކޮޅު ޕީޕީއެމް ހިންގެވުމާއި ހަވާލުވެ ހުންނެވި، ޕީއެންސީގެ ރައީސް އަބުދުއްރަހީމް ގޮވާލައިފިއެވެ.
އަބުދުއްރަހީމް ކުރެއްވި ޓުވީޓެއްގައި ވިދާޅުވެފައިވަނީ ރައީސް ސޯލިހު ބާރާ ނުފޫޒުގެ ބޭނުންކޮށްގެން އިދިކޮޅު ލީޑަރ އަދި ދިވެހީންގެ ރިޔާސީ ކެނޑިޑޭޓް ރައީސް ޔާމީންޖަލުގައި ބާއްވައިގެން ބާއްވާ ރިޔާސީ އިންތިޚާބެއް އިންސާފުވެރިއެއް ނުވާނެ ކަމުގައެވެ. އަދި ރައީސް ޔާމީނަށް އިންޞާފު ލިބެންދެން ރިޔާސީ އިންތިޚާބު ފަސްކުރުމަށް ގޮވާލާކަމަށް އަބުދުއްރަހީމް ވަނީ ގޮވާލައްވާފައެވެ.
ރައީސް ސޯލިހު ބާރާ ނުފޫޒުގެ ބޭނުންކޮށްގެން އިދިކޮޅު ލީޑަރ އަދި ދިވެހީންގެ ރިޔާސީ ކެނޑިޑޭޓް ރައީސް ޔާމީންޖަލުގައި ބާއްވައިގެން ބާއްވާ ރިޔާސީ އިންތިޚާބެއް އިންސާފުވެރިއެއް ނުވާނެ.ރައީސް ޔާމީނަށް އިންޞާފު ލިބެންދެން ރިޔާސީ އިންތިޚާބު ފަސްކުރުމަށް ގޮވާލަން
— Abdul Raheem Abdulla (@Banafsaa) July 17, 2023
ކުރިޔަށް އޮތް ރިޔާސީ އިންތިޚާބު ފަސްކުރުމަށް އަބުދުއްރަހީމް ގޮވާލައްވާފައިވާއިރު، އަންނަ ސެޕްޓެމްބަރުމަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި އިދިކޮޅު ޕީޕީއެމްގެ ރިޔާސީ ކެނޑިޑޭޓް ޔާމިނަށް ވާދަކުރެވޭނެކަމުގެ އުއްމީދުތައް ވަނީ ވަރަށް ބޮޑަށް ފަނޑުވެފައެވެ. އޭގެ އެއް ސަބަބެއްގެ ގޮތުގައި ފާހަގަ ވެފައިވަނީ، ހައި ކޯޓުގައި މިހާރު ކުރިޔަށްދާ، ޔާމީނުގެ އިސްތިއުނާފްގެ މައްސަލަ، ބެންޗުގެ ބައެއް ފަނޑިޔާރުން ޗުއްޓީއަށް ވަޑައިގަތުމާއި ގުޅިގެން، މިމަސްތެރޭގައި ނުނިމޭނެކަމަށް މިހާރު ބެލެވެމުވެ.
ރިޔާސީ އިންތިޚާބުގައި ވާދަކުރުމަށް ބޭނުންވާ ފަރާތްތަކުން ފޯމު ހުށަހެޅުމަށް ހުޅުވާލާނީ މިމަހުގެ 23 ވަނަ ދުވަހުން އަންނަ އޯގަސްޓުމަހުގެ 7 ވަނަ ދުވަހާއި ހަމައަށެވެ. މިމުއްދަތުގައި ޔާމިން ޖަލުން މިނިވަން ނުވެއްޖެނަމަ، ރިޔާސީ އިންތިޚާބުގައި ވާދަކުރުމުގެ ޝަރުތު ޔާމިންގެ ކިބާގައި ފުރިހަމައެއް ނުވާނެއެވެ.
އެހެންކަމުން މިހާރު ބެލެވޭގޮތުގައި، ޔާމިންގެ ކެނޑިޑަސީއާއި ގުޅޭގޮތުން ދެން ގޮތް ނިންމާނީ ސުޕްރިމް ކޯޓުންނެވެ. ޔާމިން މިހާރު ތަންފީޒު ކުރަމުންދާ ހުކުމަށް ބަލާއިރު، ޔާމިނަށް ރިޔާސީ އިންތިޚާބުގައި ވާދަ ކުރުމުގެ ފުރުސަތު ސުޕްރިމް ކޯޓުން ފަހިވެދާނެކަމަކަށް ގިނަ ގާނޫނީ ބޭފުޅުން އުއްމީދެއް ނުކުރައްވައެވެ. އަދި ޔާމިނަށް ރިޔާސީ އިންތިޚާބުގައި ވާދަކުމުގެ ފުރުސަތު ދިނުމަށް ބޭރުގެ އެއްވެސް ގައުމަކުންވެސް އަދި ޖަމިއްޔާ ޖަމާއަތަކުންވެސް މިހާތަނަށް ގޮވާލާފައެއްވެސް ނުވެއެވެ.
ކޮމެންޓު ފޮނުވާ