އިނޑިއާ ސިނަމާއަށް މިހާރު އުފައްދަންވީ ޝާހްރުކް ޚާންގެ ކުރިއަށް އޮތް ފިލްމު "ޖަވާން" ކަހަލަ ފިލްމުތައް ކަމަށް ޝާހުރުކް ގެ ގާތް ރަހުމަތެރިއާ ސަލްމާން ހާން ބުނެފިއެވެ.
ސެޕްޓެމްބަރު 7 ގައި ސިނަމާތަކަށް ގެންނަ ފިލްމުގެ ޓްރެއިލާ ސޯޝަލް މީޑިއާގައި ޕޯސްޓްކޮށް ސަލްމާން ބުނީ ޓްރެއިލާ ވަރަށް ކަމުގޮސްފި ކަމަށެވެ. އަދި ސިނަމާ ތަކަށް ގެންނަންވީ އެކަހަލަ ފިލްމް ތަށް ކަމަށް އޭނާ ވަނި ބުނެފައިއެވެ.
"ޕަތާން" އަށް ލިބުނު ބޮޑު ކާމިޔާބީއަށް ފަހު ޝާހްގެ ކުރިއަށް އޮތް ފިލްމް "ޖަވާން" ގެ ޓިޒާ އާއި އެކުގައި ގިނަބައެއްގެ ސަމާލުކަން އޭނާ ވަނީ ހޯދައިފައިއެވެ. ޝާހްރުކް، 57، ޑަބަލް ރޯލެއް ކުޅެފައިވާ ފިލްމުން އޭނަ ވަރަށް ޒުވާންކޮށް ވެސް ފެންނާނެ އެވެ. ޓްރެއިލާ އިން އެކަން ދައްކުވައި ދީފައިވެ އެވެ.
View this post on Instagram
ޝާހްރުކްގެ "ޖަވާން" އަށް ސަލްމާން ތައުރީފު ކުރި އިރު، "ޕަތާން" ގެ ހާއްސަ ފެނިލުމަކުން ސަލްމާން ފެންނާނެއެވެ. ރެޑް ޗިލީސް އެންޓަޓެއިންމަންޓްގެ އުފެއްދުމެއް ކަމައްވާ ޖަވާން އަކީ އެޓްލީ ޑައިރެކްޓް ކޮށްފައިވާ ފިލްމެކެވެ.
ލީޑުން ޝާހު އާއި އެކުގައި ސައުތުގެ މަޝްހޫރު ބަތަލާ ނަޔަންތަރާ ފެނިގެންދާ މި ފިލްމް ޕްރޮޑިއުސްކޮށްފައިވަނީ ގައުރީ ޚާން އަދި ކޯ ޕްރޮޑިއުސްކޮށްފައިވަނީ ގައުރަވް ވަރްމާ އެވެ. ދުނިޔޭގެ އެކި ގައުމުތަކުގެ ސިނަމާތަކުގައި ޖަވާން ޕްރިމިއާ ކުރާނީ މި އަހަރުގެ ސެޕްޓެމްބަރު މަހުގެ ހަތްވަނަ ދުވަހު ހިންދީ، ތަމަޅަ އަދި ޓެލަގޫ ބަހުންނެވެ.
