ޝާހްރުކް ޚާންގެ އާ ފިލްމު "ޖަވާން" ގެ ޓީޒާ ޓްރެއިލާ ފޭނުންނަށް ދޫކޮށްލައިފި އެވެ. މި ޓީޒާ އިން ޝާހުގެ ތަފާތު ލުކް ތަށް ވަނީ ފެނިގެން ގޮސްފައިއެވެ. މި ޓީޒާ ވަނީ ގިނަ ބަޔަކަށް ވަރަށް ކަމުގޮސްފައިއެވެ.
2 މިނެޓާއި 13 ސިކުންތުގެ މި ޓީޒާގައި ޝާހުގެ ވަރަށް ތަފާތު ލުކްތަކެއް ފެނުނެވެ. މީގެ ކުރިން ފިލްމެއްގައި އޭނާ ނުފެންނަ ގޮތްގޮތަށް މި ފިލްމްގައި ވަނީ ފެނިގެން ގޮސްފައިއެވެ. އެގޮތުން އޭނާ ވަރަށް ޒުވާން ކޮށް ހުއްޓައި އާއި މުސްކުޅިކޮން ހުއްޓައިވެސް ފެނިގެންދެއެވެ. އަދި މި ޓީޒާ ނިމެންދަނިކޮށް ދެން ފެނުނީ އޭނާގެ ބޯ ތަލަކޮށް ހުއްޓަ އެވެ. ޓީޒާގެ ހައިލައިޓް އަކީވެސް އެއެވެ.
"ޖަވާން" ގައި ޝާހްރުކްގެ ޑަބަލް ރޯލެއް ފެނިގެން ދާނެ އެވެ. މީއީ ތަމަޅަ ޑައިރެކްޓަރު އެޓްލީ ހަދާފައިވާ އެކްޝަން ތުރިލާއެކެވެ. ޓީޒާގައި ވެސް ވަރަށް ގިން އެކްޝަން މަންޒަަރުތަށް ވަނީ ހިމަނާފައިއެވެ.
މި ފިލްމް އަކީ ވަރަށް އުންމީދީ ފިލްމްއެކެވެ. ދެފަހަރެއްގެ މަތިން ފިލްމް އަޅުވާ ދުވަސް ބަދަލު ކޮށްފައިވާ މި ފިލްމް އަކީ ލީޑުން ޝާހުރުކް އާއި ސައުތުގެ މަޝްހޫރު ބަތަލާ ނަޔަންތަރާ ފެނިގެންދާ ފިލްމްއެކެވެ. މި ފިލްމް އަކީ ނަޔަންތަރާގެ ބޮލީވުޑް ޑެބިއު ވެސް މެއެވެ.
"ޖަވާން" އަކީ ޖެނުއަރީގައި ރިލީޒްކުރާ "ޕަތާން" އާ އެއްގޮތަށް އެކްޝަން ތުރިލާއެކެވެ. އަދި ގިނަ ބަޔަކު އެންމެ ބޮޑަށް ބަލަން ބޭނުން ވަނީ ބޮލީވުޑްގެ ބޮކްސް އޮފީހުގައި އާ ރެކޯޑްތަކެއް ހެދި ފިލްމުގެ ރެކޯޑް "ޖަވާން" އަށް މުގުރައިލެވޭނެތޯ ބެލުމެވެ.
View this post on Instagram
ޝާހްރުކް ޑަބަލް ރޯލަކުން ފެންނާނެ "ޖަވާން" ސިނަމާތަކަށް ގެންނަން ނިންމާފައި އޮތީ ސެޕްޓެމްބަރު 7 ގަ އެވެ. އޭނަގެ ރެޑް ޗިލީޒް އެންޓަޓައިންމަންޓުން ޕްރޮޑިއުސްކޮށްފައިވާ ފިލްމުގެ ޑައިރެކްޓަރަކީ އެޓްލީ އެވެ. "ޖަވާން" ގެ ކާސްޓްގައި ވިޖޭ ސެތުޕަތީ، ސާނިއާ މަލްއުތުރާ، ސުނިލް ގްރޯވާ، ޕްރިޔާމަނީ، ޔޯގީ ބާބޫ، ރިދިމާ ޑޮގްރާ އަދި އާސްތާ އަގަރްވާލް ހިމެނެ އެވެ.
