މި ވެރިކަމުގައި ސިފައިން ވަދެ ރައްޔިތުންގެ މަޖިލިސް ހުއްޓުމަކަށްވެސް ގެނެސްފައި ނުވާކަމަށާއި، ސިޔާސީ ލީޑަރުންނަށްވެސް ފުރިހަމަ މިނިވަންކަން އެބައޮތް ކަމުގައި ރައީސް ސާލިހު ވިދާޅުވެއްޖެއެވެ.
ރައީސް ސާލިހު މިހެން ވިދާޅުވީ "އުފާވެރި އަމާން ރާއްޖެ" ކެމްޕޭން ރަސްމީކޮށް ފެށުމުގެ ގޮތުން މިރޭ ފޯކައިދޫގައި، ކުރިޔަށް އޮތް ރިޔާސީ އިންތިޚާބުގެ އެމްޑީޕީގެ ފުރަތަމަ ކެމްޕޭން ޖަލްސާގައި ވާހަކަ ދައްކަވަމުންނެވެ.
މިރޭގެ ޖަލްސާގައި ވާހަކަ ދައްކަވަމުން ސިޔާސީ ލީޑަރުންނަށް ބިރެއްނެތި ސިޔާސީ ހަރަކާތްތަކުގައި ބައިވެރިވުމުރު ފުރުސަތު އޮތްކަން ފާހަގަ ކުރައްވަމުން ރައީސް ސާލިހު ވިދާޅުވީ، ނިމިދިޔަ ސަރުކާރުގައި ރައްޔިތުންގެ މަޖިލިހަށް އެމްނިކުފާނާއި، މިރޭގެ ޖަލްސާއަށް ހާޒިރުވެ އިންނެވި، މިހާރުގެ ފޮރިން މިނިސްޓަރު ޝާހިދުވެސް ހިމެނޭގޮތުން، މެމްބަރުން ވެންނެވުމުން އެމެންބަރުން ހިފާ ހައްޔަރުކޮށް އެބޭފުޅުންގެ މައްޗަށް ދައުވާވެސް އުފުލާފައި ވާކަމަށެވެ.
އެހެންނަމަވެސް އެހާރާއި މިހާރުގެ އެންމެ ބޮޑު ތަފާތެއްގެ ގޮތުގައި ރައީސް ސާލިހު ފާހަގަ ކުރައްވާފައިވަނީ ރައްޔިތުންގެ މަޖިލިސް ޚުދުމުޚްތާރުކޮށް މިހާރު ހިނގަމުން އައިނަމަވެސް، ސިފައިން ވަދެ މަޖިލިސް ހުއްޓުވާފައި ނުވާ ނުވުމެވެ.
ސިފައިން ވަދެ ނުހުއްޓުވާ.
ރައްޔިތުންގެ މަޖިލިހުގެ މިހާރުގެ ރައީސް މުހައްމަދު ނަޝީދު މަޖިލިސް ޚުދުމުޚްތާރުކޮށް ހިންގެވި ނަމަވެސް، މަޖިލިސް ބާރުގެ ބޭނުން ކޮށްގެން ހުއްޓުވާފައި ނުވާކަމަށް އިޝާރާތް ކުރައްވަމުން ރައީސް ވިދާޅުވިއެވެ.
ރައްޔިތުންގެ މަޖިލިސް މިނިވަންކަމާއެކު ހިންގުމަށް އެއްވެސް ބިރެއް ނެތްކަމަށް ރައީސް ސާލިހު ވިދާޅުވެފައިވާރު، މަޖިލިހުގެ ރައީސްގެ އިތުބާރު ނެތްކަމުގެ މައްސަލަ 54 މެމްބަރުންގެ ސޮޔާއެކު މަޖިލީހަށް ވަނީ ހުށަހަޅާފައެވެ. އޭގެ އިތުރުން މަޖިލިހުގެ ނާއިބު ރައީސްގެ އިތުބާރު ނެތްކަމުގެ މައްސަލަވެސް ވަނީ ގިނަ އަދަދެއްގެ މެމްބަރުން ތާއީދާއެކު ވަނީ ހުށަހަޅާފައެވެ.
އަދި މަޖިލިސް ރިޔާސަތުން، މަޖިލިސް ރައީސްއާއި ނާއިބު ރައީސްގެ އިތުބާރު ނެތްކަމުގެ މައްސަލަ އެއްފަހަރާ ކުރިޔަށް ގެންދަން ގަވާއިދު ތަން ނުދޭކަމަށްބުނެ ސަރުކާރާ އިދިކޮޅު ފަރާތްތަކުން ވަނީ މައްސަލަ ކުރިޔަށް ގެންދިއުމަށް ފުރުސަތު ނުދީފައެވެ.
އެމްޑީޕީން ބުނެފައިވަނީ މަޖިލިސް ރިޔާސަތުންނާއި އަދި އިދިކޮޅު މެމްބަރުން މައްސަލަ ކުރިޔަށް ގެންދަން ޖާގަ ނުދީފައިވަނީ މަޖިލިސް ގަވާއިދާ ޚިލާފަށް ކަމުގައެވެ.
ކޮމެންޓު ފޮނުވާ