ކުރިޔަށް އޮތް ރިޔާސީ އިންތިޚާބަށް ރައީސް ސާލިހާއެކު ކޯލިޝަން ހަދާފައިވާ އަދާލަތު ޕާޓީއާއި އެމްޑިއޭ ކޯލިޝަންގައި ތިބީ ހެޔޮ ނިޔަތުގައި ކަމަށާއި އެޕާޓީތަކުން ރައްޔިތުންނަށް ދެރަ ގޮތެއް ނުހައްދަވާނެ ކަމުގައި ރައީސް ސާލިހު ވިދާޅުވެއްޖެއެވެ.
ރައީސް ސާލިހުގެ "އުފާވެރި އަމާން ރާއްޖެ" ކެމްޕޭން ރަސްމީކޮށް ފެށުމުގެ ގޮތުން މިރޭ ފޯކައިދޫގައި، ކުރިޔަށް އޮތް ރިޔާސީ އިންތިޚާބުގެ އެމްޑީޕީގެ ފުރަތަމަ ކެމްޕޭން ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވީ ފާއިތުވެދިޔަ އެއްވެސް ރިޔާސީ އިންތިޚާބުގައި ފުރަތަމަ ބުރުގައި، ވެރިކަމުގައި އޮތް އެއްވެސް ޕާޓީއަކާއި ކޯލިޝަން ހަދާނެ ޕާޓީއެއް ނުވި ކަމަށާއި، އެހެންނަމަވެސް މިފަހަރު އެމްޑީޕީ ފުރަތަމަ ބުރުގައި ރިޔަސީ އިންތިޚާބަށް ނިކުމެ އޮތީ ކޯލިޝަންއަކާއެކު ކަމަށެވެ.
މިއީ ހެޔޮ ނިޔަތެއްގައި ތިއްބެވި ބޭފުޅުން. އެ ބޭފުޅުން ދެރަ ގޮތެއް ނުހައްދަވާނެ. މިއީ ރާއްޖޭގައި އުފެދޭ މެމްބަޝިޕް އެންމެ ބޮޑު ކޯލިޝަން.
ގިނަ އަދަދެއްގެ އެމްޑީޕީގެ މެމްބަރުން ހާޒިރުވި ކެމްޕޭން ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވިއެވެ.
ރައީސް ސާލިހު ވިދާޅުވީ ފާއިތުވި، 2018ގެ ރިޔާސީ އިންތިޚާބުގައިވެސް ފުރަތަމަ ބުރުގައި ވެރިކަމުގައި އޮތް ޕާޓީއާއެކު އޭރު ކޯލިޝަން ހަދާނެ ބަޔަކު ވެފައި ނުވާއިރު، އެހެން ހުރިހާ ފަހަރަކުވެސް ހުރިހާ ޕާޓީތަކެއް އެކައްޗެއް ކިޔާފައިވަނީ ވެރިކން ބަދަލު ކުރުމަށް ކަމަށެވެ.
އެހެންނަމެސް މިފަހަރު އެމްޑީޕީ ރިޔާސީ އިންތިޚާބާއި ކުރިމަތި ލަނީ ކޯލިޝަންއަކާއެކު ކަން ފާހަގަ ކުރައްވަމުން ރައީސް ސާލިހު ވިދާޅުވީ އޭރު ވެރިކަން ބަދަލުވާން ޖެހުނު ސަބަބަކީ ޕީޕީއެމްއާ ބައިވެރިވާނެ ބަޔަކު ނެތިގެން ކަމަށެވެ.
އޭރު ވެރިކަން ބަދަލުވީ ބައިވެރިވާނެ ބަޔަކު ނެތީމަ. ކޯލިޝަނަކާ އެކުގައި މި ނުކުންނަނީ މިއީ މުޅިން އަލަށް ކުރެވޭ ކަމެއް.
2018 ވަނަ އަހަރު ބޭއްވުނު އެހެން ރިޔާސީ އިންތިޚާބުން ޕީޕީއެމްއަށް ކުރިމަތިވި ނާކާމިޔާބީއަށް އިޝާރާތް ކުރައްވަމުން ރައީސް ސާލިހު ވިދާޅުވިއެވެ.
ރައީސް ސާލިހު ކުރިޔަށް އޮތް ރިޔާސީ އިންތިޚާބުގައި ވާދަކުރައްވަނީ މިހާރުވެސް ވެރިކަންކުރާ އަދާލަތު ޕާޓީއާއި އޭގެ އިތުރުން އެމްޑީއޭއާއެކު ކޯލިޝަނެއް ހައްދަވައިގެންނެވެ.
ކޮމެންޓު ފޮނުވާ