މޯލްޑިވްސް ނެޝެނަލް ޕާޓީ (އެމްއެންޕީ)ގެ ސަރުކާރެއްގައި ހދ. ކުޅުދުއްފުށި ސިޓީ ވަރަށް ރަނގަޅު ފެންވަރެއްގައި ތަރައްގީއަށް ކުރާނެ ކަމުގެ ވައުދުތަކާއިއެކު އަތޮޅުތެރޭގެ އެމްއެންޕީގެ ކެމްޕެއިން ފަށައިފިއެވެ.
މިރޭ ކުޅުދުއްފުށީގައި ބޭއްވި ޚާއްސަ ހަފްލާއެއްގައި ކެމްޕެއިން ރަސްމީކޮށް ފައްޓަވައި ދެއްވީ އެޕާޓީގެ ރިޔާސީ ކެނޑިޑޭޓް ކާނަލް ނާޒިމްއެވެ. އެމްއެންޕީން ވަނީ މިރޭގެ ޖަލްސާގައި ކުޅުދުއްފުށި ސިޓީގެ ރައްޔިތުންނަށް އުންމީދީ މެސެޖުތަކެއް ދެއްވާފައެވެ. އެގޮތުން އެ ސިޓީގެ ޖަލާލުއްދީން ސްކޫލް އިތުރަށް ތަރައްގީކޮށް، ސާނަވީ ތައުލީމު ދެވޭނެ ގޮތަށް ޖަލާލުއްދީން ކޮލެޖް ދަނާލާއެކު ހުޅުވުމާއި، ޒަމާނީ ލަގްޒަރީ ޝޮޕިންގ ސެންޓަރެއް ހެދުމާއި، ބަނދަރު ތަފާތު ހިދުަމަތްތަކާއެކު ތަރަައްގީ ކުރުމާއި، އެއާޕޯޓް އިންޓަނޭޝަނަލް ކުރުމާއެކު އެ ފެންވަރުގައި ލިބޭނެ ހުރިހާ ހިދުމަތެއް ގާއިމް ކުރުމާއި، ހޮސްޕިޓަލް އިތުރަށް ތަރައްގީކޮށް، ބޮޑެތި ބަލިތަކަށް ހާއްސަ ޑިޕާޓްމެންޓްތައް އުފައްދާ ހިދުމަތްތައް ޔަގީން ކުރުން ހިމެނެއެވެ.
މީގެ އިތުރުން، ޒަމާނީ ކުޅިވަރު އެކުވެނިއެއް ގާއިމް ކުރުމާއި، ލޯކަލް ޓޫރިޒަމް އާއި އެޑްވެންޗަރ ޓޫރިޒަމް ގާއިމް ކުރުންވެސް ހިމަނާފައި ވެއެވެ.
އެމްއެންޕީ "އުޖާލާ ޒަމާން" ޖަލްސާގައި ވާހަކަދައްވަމުން ނާޒިމް ވިދާޅުވީ، އެކަކު އަނެކަކަށް ތަފާތު ކުރުމަކީ އޭނާ ގަބޫލު ކުރައްވާ ކަމެއް ނޫން ކަަމަށެވެ. އޭގެ ތެރޭގައި ބޭސްފަރުވާގެ ކަންކަމާއި، ތައުލީމީ ކަންކަމާއި އަދި ގެދޮރުވެރިކަން ފަދަ ކަންކަން ފާހަގަކުރެއްވިއެވެ. އެގޮތުން އޭނާގެ ސަރުކާރެއްގައި "ހަމަހަމަ ކަމަކީ" ހުރިހާ ކަމެއްގައި ގެންގުޅޭނެ އެންމެ އިސް ފަލްސަފާ ކަމަށް ނާޒިމް ވިދާޅުވިއެވެ.
ނާޒިމް ވިދާޅުވީ، ދިވެހި ރައްޔިތުންނަށް ހަމަހަމަކަން ގާއިމް ކުރުމުގެ ފަލްސަފާގެ ތެރެއިން، ހުރިހާ ރައްޔިތުންނަށް ބޭސް ފަރުވާގެ ކަންކަން އެއް ހަމައެއްގައި ގެންގުޅޭނެ ކަަމަށެވެ.
މިހާރު މި އޮންނަ މަޖިލީހުގެ މެންބަރުން ބެންކޮކް އަށާއި، ސިންގަޕޫރަށް ބޭސް ފަރުވާކޮށްފައި، އާދައިގެ މީހާ އާސަންދައިގެ އެއްބައި، އެންސްޕާއިން އަދި ފޭސްބުކްގައި ފަންޑް ރައިޒިންގ ކޮށްގެން ލާރި ހޯދުމަކީ އަޅުގަނޑަށް ގަބޫލު ކުރެވޭނެ ކަންކަމެއް ނޫން.
– ނާޒިމް ވިދާޅުވިއެވެ.
އެމްއެންޕީގެ ރިޔާސީ ކެންޑިޑޭޓް މުޙައްމަދު ނާޒިމް ހދ.ކުޅުދުއްފުއްޓަށް ކުރެއްވި ދަތުރުފުޅުގައި މިރޭ ކުރިއަށްދާ “އުޖާލާ ޒަމާން ހދ.ކުޅުދުއްފުށި ޖަލްސާ” ގެ ތެރެއިން#nazim2023 #ujaalaazamaan pic.twitter.com/gGTxV3WSxd
— Nazim2023 (@nazim2023mv) July 7, 2023
އަދި މި ވިސްނުން ބަދަލު ކުރަން ޖެހޭ ކަން ފާހަގަކުރަައްވަމުން ނާޒިމް ވިދާޅުވީ، ހުރިހާ އެންމެންނަށް މެޑިކަލް އިންސުރެންސް ޕޮލިސީއެއް އޮންނަން ޖެހޭ ކަމަށެވެ. ނާޒިމް ވިދާޅުވީ، މި ރާއްޖެއަކީ ކުދިކުދި ރަށްތަކެއްގެ މައްޗަށް އާބާދުވެފައިވާ ދުނިޔޭގެ ނިސްބަތުން މީސްކޮޅު މަދު ގައުމެއް ކަމަށެވެ. އަދި ކާބަފައިން މި ގައުމު މިހިސާބަށް ގެނެސްފައި ވަނީ ގަދަ ކަނޑުތަކުގައި މަސްވެރިކަން ކޮށްގެން ކަަމަށް ނާޒިމް ވިދާޅުވިއެވެ.
