ރާއްޖޭގެ މަޝްހޫރު ޒުވާން ލަވަކިޔުންތެރިޔާ ބަތޫލް އަހްމަދު ވެރިކަން ކުރާ މައި ޕާޓީ އެމްޑީޕީއާއި ގުޅިއްޖެއެވެ.
ޒުވާން ލަވަކިޔުންތެރިޔާ، ބަތޫލްއާއި، އެކު އިތުރު ޒުވާނަކު އެމްޑީޕީއާއި ގުޅުމަށްފަހު ފޯމު ހަވާލު ކޮށްފައިވަނީ އެމްޑީޕީގެ ރިޔާސީ ކެނޑިޑޭތް ރައީސް އިބްރާހިމް މުހައްމަދު ޞާލިހާއިއެވެ. ސޮއި ކުރުމުގެ މިހަރަކާތް ކުރިއަށް ގެންގޮސްފައިވަނީ ރައީސް ޞާލިހުގެ އުފަންރަށް ހިންނަވަރުގައި އެމަނިކުފާނުގެ ގޭގައެވެ.
ބަތޫލް އާއްމުންގެ ތެރޭގައި ބޮޑަށް މަގުބޫލުވާން ފެށީ ސްކޫލް ދައުރުގައި ހުށަހަޅައިދިން ލަވަތަކުންނެވެ. އޭގެ ފަހުން އޭނާ ވަނީ ބައެއް ޝޯވތަކުގައިވެސް ލަވަ ކިޔާފައެވެ. އޭނާއަކީ ތަފާތު އަޑެެއްގެ ވެރިއެއް ކަމަށް ގިނަބަޔަކު ބުނެއެވެ. ބަތޫލްވަނީ މިފަހަރުގެ އީދާއި ގުޅިގެން ހިންނަވަރުގައި ބޭއްވި ޝޯގައިވެސް ޕާފޯމްކޮށްފައެވެ.
Welcome to MDP @MekhaelMohamed @BathoolAhmed @MDPSecretariat pic.twitter.com/MlH3apB2R6
— Ali Niyaz 🎈 (@ali_niya) July 1, 2023
އަންނަ ސެޕްޓެމްބަރު މަހުގެ 9 ވަނަ ދުވަހު ބާއްވާ ރިޔާސީ އިންތިޚާބުގައި ވެރިކަން ކުރާ މައި ޕާޓީ އެމް.ޑީ.ޕީގެ ފަރާތުން ވާދަކުރައްވާ އެޕާޓީގެ ރިޔާސީ ކެނޑިޑޭޓް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ކެމްޕެއިން ދަތުރުތައް އީދު ބަންދަށްފަހު ފަށްޓަވާނެކަމަށް އެމްޑީޕީން ވަނީ ބުނެފައެވެ.
ރިޔާސީ އިންތިޚާބުގައި އެމްޑީޕީގެ ފަރާތުން ވާދަކުރައްވާނެ ކެނޑިޑޭޓެއް ކަނޑައަޅުއްވާފައިވަނީ އެޕާޓީގެ ތެރޭގައި ބޭއްވު ރިޔާސީ ޕްރައިމަރީއަކުންނެވެ. މިއީ މިފަހަރުގެ ރިޔާސީ އިންތިޚާބުގައި އެތެރޭގެ ޕްރައިމަރީއަކުން ރިޔާސީ ކެނޑިޑޭޓަކު ކަނޑައެޅި ފުރަތަމަ ޕާޓީވެސް މެއެވެ.
އެމްޑީޕީގެ ކެމްޕެއިން ދަތުރުތައް ރޭވިފައިވާ ގޮތާއި ގުޅޭގޮތުން އެމްޑީޕީގެ ޗެއަރޕާސަންގެ ނާއިބް އިބްރާހީމް ވަޙީދު ވިދާޅުވީ، ދަތުރުތައް މިހާރުވެސް ހުއްޓުމެއްނެތި ކޮންމެ ހަފްތާއަކުވެސް ކުރަމުންދާކަމަށެވެ. ނަމަވެސް ކުރިއަށް އޮތް ޢީދު ބަންދަށްފަހު އެމްޑީޕީގެ ރިޔާސީ ކެނޑިޑޭޓާއިއެކު ރާއްޖޭގެ ހުރިހާ ރަށަކަށް ކެމްޕެއިން ދަތުރުތައް ކުރަން ހަމަޖެހިފައިވާކަމަށެވެ.
ރައީސްގެ ޢަމާޒަކީ ރިޔާސީ އިންތިޚާބުގެ ކުރިން ރާއްޖޭގެ މީހުން ދިރިއުޅޭ ހުރިހާ ރަށަކަށް ވަޑައިގެން ކެމްޕެއިން ހަރަކާތްތައް ކުރިއަށް ގެންދިއުންކަމަށް އިބުރާހިމް ރަޝީދު ވިދާޅުވިއެވެ.
ކޮމެންޓު ފޮނުވާ