ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު އުފަން ރަށް ޅ.ހިންނަވަރަށް ވަޑައިގެންފިއެވެ.
ރައީސް ޞާލިހު ހިންނަވަރަށް ވަޑައިގެންފައިވަނީ ޢީދު ބަންދުގައި ޢާއިލާގެ ގިނަ ބޭފުޅުންވެސް ރަށުގައިި ތިއްބެވުމާއިއެކު ޢާއިލާއާއިއެކު ވަގުތުކޮޅެއް ހޭދަކޮށްލުމަށް ކަމަށް ބެލެވެއެވެ. ރައީސް ހިންނަވަރަށް ވަޑައިގެންނެވުމުން މަރުހަބާ ދެންނަވުމަށް އެދާއިރާގެ މެމްބަރު ޖީހާން މަހުމޫދާއި، ޢާއިލީ ބޭފުޅުންނާއި ހިންނަވަރުގެ ގިނަ ބަޔަކު ބަނދަރަށް ނިކުމެފައިވެއެވެ.
ރައީސް ކަމާއި ހަވާލުވެ ވަޑައިގެންނެވުމަށްފަހު، ރައީސް ޞާލިހު ވަރަށް ގިނައިން ހިންނަވަރަށް ވަޑައިގަންނަވައެވެ. ރައީސްގެ މިދަތުރުފުޅާއި ގުޅޭގޮތުން އެމްޑީޕީން ބުނީ މިއީ ރައްޔިތުންނާއިއެކު ޢީދު ފާހަގަ ކުރުމަށް ރައީސް ކުރައްވާ ނުރަސްމީ ދަތުރުފުޅެއް ކަމަށެވެ.
ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙް، ރައްޔިތުންނާއެކު އީދު ފާގަހަކުރެއްވުމަށް ނުރަސްމީ ދަތުރުފުޅެއްގަ އުފަންރަށް ހިންވަރަށް މިއަދު ވަޑައިގެންފި. pic.twitter.com/xywyf2V2F8
— MDP Secretariat (@MDPSecretariat) June 30, 2023
މިއަހަރުގެ އަޟުޙާ ޢީދު ފާހަގަ ކުރުމަށް ރައީސް ޞާލިހު ވަޑައިގެންނެވީ އއ.ތޮއްޑޫއަށެވެ. ތޮއްޑޫގައި މިފަހަރުގެ ޢީދުގައި ޝަޤާފީ ކުޅިވަރުގެ ގިނަ ހަރަކާތްތަކެއް ކުރިއަށް ގެންދެއެވެ. އޭގެތެރޭގައި ޢީދު ވެދުމާދިއުމާއި، ބޮޑު މަސް ބޭނުމާއި، މާލި އަދި ޢީދު ޝޯވ ކުރިއަށް ގެންދިއުމަށް ވަނީ ހަމަޖެހިފައެވެ.
ޢީދު ބަންދަށްފަހު ރައީސް ޞާލިހު ތައްޔާރު ވަނީ ރިޔާސީ ކެމްޕެއިންގައި ރަށްތަކަށް ދަތުރު ކުރުމަށް ނިންމަވާފައެވެ. ކެމްޕެއިންގައި ރާއްޖޭގައި މީހުން ދިރިއުޅޭ ހުރިހާ ރަށަކަށް ވަޑައިގެންނެވުމަށް ރައީސް ޞާލިހު ވަނީ ނިންމަވާފައެވެ.
