ކުރީގެ ނައިބް ރައީސް އަދީބާއި، ޒިޔަތަށްވެސް ގޯތި!

ކުރީގެ ނައިބް ރައީސް އަދީބާއި، ޒިޔަތަށްވެސް ގޯތި!

ސަރުކާރުން މާލޭން ހިލޭ ގޯތި ލިބޭ މީހުންގެ ވަގުތީ ލިސްޓް އާންމުކުރިއިރު، ކުރީގެ ނައިބު ރައީސް އަހުމަދު އަދީބާއި، އެމްއެމްޕީއާރުސީގެ ކުރީގެ މެނޭޖިން ޑިރެކްޓަރ ޒިޔަތުއަށް ވެސް ގޯތި ލިބިއްޖެއެވެ.

އަދީބުއަށް ގޯތި ލިބިފައި ވަނީ އާއިލާގެ މެންބަރަކާއިއެކު ހުށަހެޅި ފޯމަކަށް ޖޮއިންޓް ވެގެންނެވެ. ކުރީގެ ރައީސް ޔާމީންގެ ވެރިކަމުގައި އެމްއެމްޕީއާރްސީ ހިޔާނާތުން އެންމެ ބޮޑު މަންފާއެއް ލިބުނު އަދީބަށް ހިލޭ ގޯތި ލިބުނުއިރު އަދީބު މިހާރު ދިރިއުޅެމުން އަންނަނީ އަމީން އެވެނިއުގައި ހުންނަ ފްލެޓެއްގައެވެ. ރައީސް ސޯލިހް ވެރިކަމަށް ވަޑައިގެން އަދީބު 2019 ވަނަ އަހަރު ގޭބަންދަށް ބަދަލުކުރިފަހުން އޭނާ ދިރިއުޅެމުން އަންނަނީ އެ ފްލެޓްތައެވެ. ނަމަވެސް އެއީ އަދީބުގެ އަމިއްލަ ފްލެޓެއް ކަމެއް ނުވަތަ ނޫންކަމެއް ސާފެއް ނުވެއެވެ.

އެމްއެމްޕީއާރުސީގެ ކުރީގެ އެމްޑީ ޒިޔަތު އަށް ހިލޭ ގޯއްޗެއް ލިބިފައިވާއިރު، އޭނާ މިހާރު އަންނަނީ އެމްއެމްޕީއާރުސީގެ މައްސަލައެއްގައި ހުކުމެއް ތަންފީޒު ކުރައްމުންނެވެ. އެ މައްސަލަ އޭނާގެ މައްޗަށް ސާބިތުވުމުން ޖަލު ހުކުމެއް ވަނީ އިއްވާފައެވެ. ނަމަވެސް ރައީސް ސޯލިހުގެ ވެރިކަމުގައި ކުރީގެ ރައީސް ޔާމީނާއި ދެކޮޅަށް ހެކިބަސް ދޭން ހަދާފައިވާ އެއްބަސްވުމެއްގެ ދަށުން ޒިޔަތު 2019 ވަނަ އަހަރުން ފެށިގެން ހުންނަނީ ގޭގައެވެ.

މިދެބޭފުޅުންކީ ރާއްޖޭގައި ހިންގުނު އެންމެ ބޮޑު ޚިޔާނާތް ކަމުގައި މިސަރުކާރުން ބުނާ އެމްއެމްޕީއާރުސީގެ ޚިޔާނާތުގައި ބައިވެރިވެ އެކަމުގެ ކުށް ސާބިތުވެ ހުކުމް ތަންފީޒު ކުރަމުންދާ ދެބޭފުޅުންނެވެ. އަދި މިދެބޭފުޅުންނަކީ ރައީސް ޔާމީންނަށް ހުށަހެޅިފައިވާ ދައުވާތަކުގައިި ދައުލަތުން އެންމެ ބޮޑަށް ބޭނުން ކުރާ ދެ ހިކިންވެސްމެއެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *