މިއަދާއި މާދަމާ ރާއްޖޭގެ ހުރިހާ ހިސާބަކަށް ވިއްސާރަ ކުރި ނަމަވެސް އާދިއްތަ ދުވަހުން ފެށިގެން ވިއްސާރަ އަލިވެ. ބޮޑުއީދަށް މޫސުން ރަނގަޅު ވާނެ ކަމަށް މޫސުމާ ބެހޭ ގައުމީ އިދާރާއިން ލަފާކޮށްފި އެވެ.
ހަފުތާ ބަންދުގައި އާންމުކޮށް ރާއްޖޭގެ ހުރިހާ ސަރަހައްދަކަށްވެސް ވިއްސާރަ ކުރާނެ ކަމަށް ލަފާކުރެވޭ ކަމަށާއި، ކަނޑުތައް އާދައިގެ ވަރަކަށް ގަދަވާނެ ކަމަށް ލަފާކުރެވޭ ކަމަށް މެޓް އޮފީހުން މަޢުލޫމާތުދެއެވެ.
އެހެން ނަމަވެސް އާދިއްތަ ދުވަހުން ފަށައިގެން ވިއްސާރަ އަލިވާން ފަށާނެ ކަމަށާއި ބުދަ ދުވަހު ފެށޭ އަލްހާ އީދަށް މޫސުން ރަނގަޅުވާނެ ކަމަށް ލަފާކުރެވޭ ކަމަށް އެ އިދާރާއިން ހާމަކުރެއެވެ. އާދިއްތައިން ފަށައިގެން ކަނޑުތައް މަޑުވާން ފެށި ނަމަވެސް ވިލާގަނޑުގައި އާދައިގެ ވަރަކަށް ކަނޑު ގަދަވާނެ ކަމަށް ލަފާކުރެވެއެވެ.
މެޓް އޮފީހުން ދިން މައުލޫމާތަށް ބަލާއިރު މިއަދާއި މާދަމާ ވައި ޖެހޭނީ 10 މޭލާއި 20 މޭލައި ދެމެދުގެ ބާރުމިނެއްގަ އެވެ. އަދި ވިލާގަނޑުގައި 30 މޭލަށް ވައިޖެހޭނެ ކަމަށް ބެލެވެ އެވެ.
