އީދު ބަންދާއި ދިމާކޮށް މޯލްޑިވިއަން އެއަރލައިންއިން ބައިނަލްއަޤްވާމީ އަދި ރާއްޖޭގެ އެތެރޭގެ އުދުހުންތަކުގެ ދަތުރުތަކަށް އިތުރު ފްލައިޓްތަކެއް ބޭއްވުމަށް ނިންމައިފިއެވެ.
މޯލްޑިވިއަންއިން ވަނީ ކުރިއަށްއޮތް އީދު ބަންދުގައި އެ އެއަރލައިނުން ކުރާ ދަތުރުތައް އިތުރުކުރާނެކަމަށް ބުނެފައެވެ. އެގޮތުން ްކަމަށް އެ ކުންފުނިން ބުނެއެވެ.
މޯލްޑިވިއަންއިން އީދު ބަންދާއި ދިމާކޮށް އިތުރު ދަތުރުތައް ބާއްވަނީ މިމަހުގެ 22 އިން ފެށިގެން ޖުލައި 3 ގެ ނިޔަލަށެވެ. އިތުރު ދަތުރުތައް ބާއްވާ މަންޒިލްތަކުގެ ތެރޭގައި މާފަރު، ކައްދޫ، އިފުރު، ހޯރަފުށި، ފަރެސްމާތޮޑާ ފުވައްމުލައް، ފުނަދޫ، މާވަރުލު އަދި މަޑިވަރު ހިމެނެއެވެ.
ބައިނަލްއަޤްވާމީ ދަތުރުތަކަށް ބަލާއިރު އިންޑިއާގެ ޓްރިވެންޑްރަމް، ކޮޗިން އަދި ބަނގްލަދޭޝްގެ ޑާކާއަށްވެސް އީދު ބަންދާއި ދިމާކޮށް އިތުރު ދަތުރުތައް ކުރުމަށް ހަމަޖައްސައި މިހާރު ވަނީ ދުވަސްތައް އާންމުކޮށްފައެވެ.
ޢީދު ބަންދުގައި ބ. ފުޅަދުއަށް ސީ ޕްލޭން ދަތުރުތަކެއްވެސް ބޭއްވުމަށް މޯލްޑިވިއަނުން ވަނީ ނިންމާފައެވެ. އެ ދަތުރުތައް ބާއްވާނީ މިމަހުގެ 26، 27، 29 އަދި ޖުލައި އެއްވަނަ ދުވަހުގައެވެ.
