މާޗް މަހުގެ ތެރޭގައި އެމެޒޯން ޕްރައިމް އަށް ދޫކޮށްލި ޝާހުރުކް ހާން ލީޑުން ފެނިގެންދާ ކާމިޔާބު ފިލްމް "ޕަޓާން" މިރޭ ސްޓާ ގޯލްޑަށް ދޫކޮށްލާނެވެ.
އެގޮތުން މިރޭ ރާއްޖެ ގަޑިން 7:30 ގައި ސްޓާ ގޯލްޑް އެޗްޑީން "ޕަތާން" ޕްރީމިއާކުރަން ވަނީ ހަމަޖެހިފަ އެވެ. މިއީ ފިލްމް ބަލާލަން ބޭނުން ވާ ފަރާތްތަކަށް އުފާވެރި ހަބަރަކަށް ވެގެންދާނެ ކަމާއި މެދުގައި ޝައްކެއް ނެތެވެ.
View this post on Instagram
ބޮކްސް އޮފީހުގައި އާ ރެކޯޑްތަކެއް ހެދި މި ފިލްމަކީ ޔާޝްރާޖް ފިލްމްސް (ވައިއާރްއެފް) އަށް ސިދާތު އާނަންދު ޑައިރެކްޓްކުރި އެކްޝަން ތުރިލާއެކެވެ. ބެލުންތެރިންގެ ބޮޑު މަގުބޫލު ކަމެއް ހޯދި މި ފިލްމް އަކީ އަަހރުގެ މިހާތަނަށް އެންމެ ކާމިޔާބު ފިލްމްވެސް މެއެވެ.
"ޕަތާން" ގެ ކާސްޓްގައި ދީޕިކާ ޕަދްކޯނާއި ޖޯން އަބްރަހަމް ވެސް ހިމެނެއެވެ. މި ފިލްމް ވަނީ ތިން ބަހަކުން ނެރެފައިއެވެ. އެއީ ހިންދީ ބަހުގެ އިތުރުން ޓެމިލް އަދި ޓެލުގޫ ބަހުންނެވެ.
