އަންހެނުންގެ ތަރައްޤީއަށް މަސައްކަތް ކުރާ ކޮމެޓީތަކުގެ ބައި-އިލެކްޝަން އަހަރަކު އެއްފަހަރު ބާއްވާ ގޮތަށް ޤާނޫނަށް ގެނައި އިސްލާހާއިއެކު މިއަހަރު ބާއްވާ ބައި އިލެކްޝަންތަކުގެ ވޯޓުލުން ފަށައިފިއެވެ.
ބައި-އިލެކްޝަންގެ ވޯޓުލުން ކުރިއަށްދަނީ ހދ. ފިނޭ، ރ. އަނގޮޅިތީމު، ކ. ދިއްފުށި، އއ. ފެރިދޫ، މ. ވޭވަށް، ތ. ގާދިއްފުށި، ލ. މާމެންދޫގެ އިތުރުން ގދ. ހޯނޑެއްދޫގައެވެ.
މީގެ މި އަށް ރަށުގެ މީހުންގެ ތެރެއިން މާލޭގައި ދިރިއުޅޭ މީހުން ވޯޓުލުމަށް މާލޭގައި ދެ ވޯޓު ފޮށި ވަނީ ބަހައްޓާފަ އެވެ. މާލޭގައި ވޯޓު ފޮށިތައް ބަހައްޓާފައިވަނީ ދަރުބާރުގެ ރަންނަބަނޑޭރި މާލަމުގައެވެ.
ޤާނޫނުގައި ކުރިން އޮތްގޮތުން އަންހެނުންގެ ކޮމެޓީތަކުގެ މެމްބަރުން އިސްތިއުފާދީފިނަމަ 60 ދުވަހުގެ ތެރޭގައި އިންތިޚާބު ބާއްވަންޖެހެއެވެ. ނަމަވެސް ޤާނޫނަށް މިހާރު ގެނެސްފައިވާ ބަދަލާއިއެކު އަންހެނުންގެ ތަރައްޤީއަށް މަސައްކަތް ކުރާ ކޮމެޓީތަކުގެ އިންތިޚާބެއް ބާއްވަން ޖެހޭނީ 365 ދުވަހުގެ ތެރޭގައެވެ.
މި އިންތިޚާބުތަކުގެ ވޯޓުލުން ކުރިއަށްދާނީ މިއަދު ހެނދުނު 8:00 އިން ހަވީރު 4:00 އަށެވެ. މިރަށްތަކުގެ އިތުރުން ވޮޓު ފޮށިތައް މާލޭގައި ބަހައްޓާފައިވަނީ އިލެކްޝަންސްގެ އިންތިޚާބީ މައި އިދާރާ ދަރުބާރުގޭގައެވެ. އިލެކްޝަންސް ކޮމިޝަނުން ބުނި ގޮތުގައި މި ބައި-އިލެކްޝަންތަކަށް ޖުމްލަ 4.985 ވޯޓު ކަރުދާސް ޕްރިންޓްކޮށްފައިވެ އެވެ.
