ޖުމްހޫރީ ޕާޓީގެ ލީޑަރޝިޕާއި އެޕާޓީގެ ސްލޮޓްގައި ނިމިދިޔަ ސަރުކާރުގައި ވަޒީރުކަން ކުރެއްވި މުހައްމަދު މަލީހު ޖަމާލު ދިމާކޮށްލުމުން، ލީޑަރޝިޕްގެ ގިނަ ބޭފުޅުން މަލީހަށް ބަހުގެ ހޫނު ހަމަލާތަކެއް ދެއްވައިފިއެވެ.

މަލީހު ވަނީ ޖުމްހޫރީ ޕާޓީގެ ރިިޔާސީ ކެނޑިޑޭޓް ޤާސިމް އިބްރާހިމަށް އެންމެ ރަނގަޅުވާނީ އިންތިޚާބު ނިމެންދެން ތިޖޫރީގައި އިތުރުތަޅެއް އެޅުވާފަ ބެހެއްޓެވުން ކަމުގައި ވިދާޅުވެފައެވެ. މަލީހު ވިދާޅުވީ ޤާސިމްގެ ވާތާއި، ކަނައަތް ފަރާތުގައިވެސް ޤާސިމްގެ ތިޖޫރީ ހުޅުވާއިރަށް ބަލަބަލާ ތިބި ބަޔަކު ތިބިކަމަށެވެ. އެމީހުންނަށް ތިޖޫރީ ނުހުޅުވޭނެހެން އިތުރު ތަޅެއް އެޅުވުމަކީ ޤާސިމަށް އޮތް އެންމެ ރަނގަޅު ގޮތްކަމަށް މަލީހު ވިދާޅުވިއެވެ. ޚަރަދު ކުޑަކޮށް، ޤާސިމަށް ދިމާވެފައިވާ މާލީ ހާލަތުން އަރައި ގަތުމަށްވެސް އެނެމް ރަނގަޅު ގޮތަކީ ތިޖޫރީގައި އިތުރު ތަޅެއް އެޅުވުން ކަމަށް މަލީހު ވިދާޅުވިއެވެ.

ޖޭޕީގެ ލީޑަރަށް, ބުއްދިވެރިވާނީ ތިޖޫރީގައި އިތުރު ތަޅެއް އަޅުއްވައި އިންތިޚާބު ނިމެންދެން ބެހެއްޓެވިއްޔާ. ކަނާތާއި ވާތް ފަރާތުގައިވެސް ބިޔަ ޓައިގާރ ޝާކު (ފެމުނު) ހޭރިޔާ އެބަ ކަނޑާ. ތިޖޫރީ ނުހުޅުވައިގެން އެވާހަކަ އެބަދައްކަވާ. ޚަރަދު ނުކުރައްވާ ވޯޓް ހޯއްދަވާ ފަހަރަކަށް ހައްދަވާ. މަލީހު ވިދާޅުވިއެވެ.

މަލީހުގެ ވާހަކަތަކަށް ރައްދު ދެއްވައި ކުރީގެ ޔޫތު މިނިސްޓަރ އިރުތިޝާމް އާދަމް ވިދާޅުވީ މަލީހަށްވެސް އަދި އެހެން ބޭފުޅުންނަށް ޖޭޕީގެ ލީޑަރޝިޕް އޮތް ބަދަހިކަމާއި، ޤާސިމަށް ވެރިކަން ހޯދަން ކުރާ މަސައްކަތަކީ ކާމިޔާބު މަސައްކަތަކަށް ވާނެކަަން ޔަގީންވާކަމަށެވެ. ރާއްޖޭގެ ހުރިހާ ސިޔާސީ ލީޑަރުންވެސް އެއްބަސްވާ އެއްކަމަކީ މިއަދު ޤާސިމް ނޫނީ ޤައުމު ހަމަޔަކަށް އެޅުވޭ ވަރުގެ ލީޑަރެއް ނެތްކަމަށް ޑރ.އިރުތިޝާމް ވިދާޅުވިއެވެ.

Mi faharakee JP ge Riyaasee candidate Hon. Qasim @qasimibrahim ge faharu ! 🙏🇲🇻🇲🇻🇲🇻✅✅✅
JP ge leader dhevvi Minister kan adhaa kurevvi Kureege @maleehjamal Minister Maleeh ah ves JP ge candidate ge Winning formula adhi arihugai Is safugai thibbevi varugadha team fenivadaigenfi…

— Dr. Iru ( Iruthisham) Adam (@IruthishamAdam) June 16, 2023

ޖޭޕީގެ ނައިބް ލީޑަރު އިގުބާލް އާދަމް ވިދާޅުވީ މަލީހު އިއްޔެ ދައްކަވާ ވާހަކައާއި މިއަދު ދައްކަވާ ވާހަކަ ދިމާނުވާ ކަމަށާއި، މާދަމާ ދައްކަވާނެ ވާހަކައެއް އެނގިވަޑައިނުގަންނަވާ ކަމަށެވެ. އަދި، އެފަދަ ވާހަކަތައް ދައްކަވައިގެން އާންމުންގެ ކުރިމަތީގައި މަލީހުގެ އަގު އަމިއްލައަށް ވައްޓާލެއްވީ ކަމަށެވެ. އިގްބާލް ވިދާޅުވީ، އެ ވާހަކައަކީ ގާސިމް އިބްރާހީމާ ގުޅުން ހުރި ވާހަކަތަކެއް ވެސް ނޫން ކަމަށާއި، އެފަދަ ވާހަކަތައް ދެއްކެވުމުގެ މަގްސަދަކީ މީހުންގެ ތެރޭގައި ފިތުނަ ފަސާދަ އުފެއްދުން ކަމަށެވެ.

މަލީހު، މަނިކުފާނު އިއްޔެ އެހެން ވާހަކަފުޅެއް، މިއަދުގެ ވާހަކަފުޅު ވަކިގޮތަކަށް، މާދަމާ އަނެއްކާ ވިދާޅުވާނެ އެއްޗެއް ނޭނގެ! އެހެން ނުހައްދަވާ ރަންކޮޅާ. އެކިއިރު އެކިތަނުގަ ހުންނެވުމަކީ މައްސަލައެއް ނޫން. އެހެންނަމަވެސް ދައްކާވާ ވާހަކަފުޅުގެ މިސްރާބު އަބަދުވެސް އެއްދިމާލެއްގައި ބެހެއްޓެވުމާއި، އެ ވާހަކަފުޅެއްގައި އޮއްޓަރު ހުރުމަކީވެސް ނުހަނު މުހިންމު ކަމެއް. އަދި ތެދުވެރިކަމުގެ އަގު މިހުރިހާ ކަމަކަށްވުރެ މާބޮޑު. ފާސާދަ އުފެދޭ ގޮތަށް ކަންކަން ކުރެއްވުން ރަނގަޅެއް ނޫން! އެއީ ޙަރާމް ކަމެއް. މަނިކުފާނަށް ހެޔޮ ވިސްނުން ދެއްވާށި.

– އިގުބާލް ވިދާޅުވިއެވެ.

މަލީހު 2013ގަވެސް ޓީވީއަށް އަރާ ޤާސިމު އިބްރާހިމް އަށް ނުގޮވާއެއްޗެއްނެތް ދެއްތޯ ! އަދި މަލީހަށް މިނިސްޓަރކަންވެސް ލިބުނީ ގާސިމު ޕީޕީއެމް އާއި އެކު ކޯލިޝަންހެދީމަ ދެއްތޯ! ވިސްނާލައްވާ !!! ސުވާލަކީ

ރައީސް ޔާމީން މަލީހު ކަނޱާލީ ކީއްވެބާއޭ ؟ މިވެރި ކަމުގަވެސް މިނިސްޓަރުކަން… https://t.co/z9DGll3lte pic.twitter.com/zsb7aA0uIZ

— Hinna Khalid (@hinnal) June 16, 2023

މީގެ އިތުރުން ޖޭޕީގެ އަންހެނުންގެ ލީގުގެ ރައީސާ ހިންނާ ޚާލިދު ވެސް ވަނީ މަލީހަށް ރައްދު ދެެއްވާ ވާހަކަ ދައްކަވައިފައެވެ. އޭނާ ވިދާޅުވީ 2013 ވަނަ އަހަރު ވެސް ގާސިމް އިބްރާހީމަށް ނިސްބަތްކޮށް މަލީހުގެ ޓީވީ ޗެނަލްތަކުގައި ވާހަކަ ދައްކަވާފައިވާ ކަމަށެވެ. ނަމަވެސް ރައީސް ޔާމީން އަބްދުލްގައްޔޫމްގެ ވެރިކަމުގައި މަލީހަށް މިނިސްޓަރުކަން ލިބުނީ ވެސް އެ ފަހަރު ޕީޕީއެމާ އެކު ކޯލިޝަން ހެއްދެވުމަށް ގާސިމް ނިންމެވުމުން ކަމަށް ވެސް ހިންނާ ވަނީ ވިދާޅުވެފައެވެ.