ރައްޔިތުންގެ މަޖިލީހުގެ ނައިބް ރައީސްކަމުގެ މަޤާމުން ވަކި ކުރެއްވުމަށް މަޖިލީހުގެ 50 މެމްބަރުންގެ ސޮޔާއިއެކު ހުށަހަޅުއްވާފައިވާ ގަލޮޅު އުތުރު ދާއިރާގެ މެމްބަރު އީވާ މަޤާމުން ވަކި ކުރެއްވުމަށް ހުށަހަޅުއްވާފައިވާ ޤަރާރުގެ މަސައްކަތް މަޖިލީހުގެ ނިޒާމުގެ ތެރެއިން ނުހުއްޓި ކުރިއަށް ދެވޭނެ ގޮތެއް ހަމަޖެއްސުމަށް މަޖިލީހުގެ ރައީސްގެ ކިބައިން މަޖިލީހުގެ އަމީން އާންމު އެދިވަޑައިގެންފިއެވެ.
އީވާގެ މައްސަލަ މިއަދު އެޖެންޑާ ކުރައްވާފައި ވަނިކޮށް މަޖިލީހުގެ ރައީސް މުހައްމަދު ނަޝީދު ވަނީ އެމަނިކުފާނުގެ އިތުބާރު ނެތްކަމުގެ މައްސަލައެއްވެސް މަޖިލީހަށް ހުށަހަޅާފައިވާތީ މަޖިލީހުގެ ރިޔާސަތަށް ވަޑައިގެންނެވުމަށް އުޒުރުވެރިވާކަމަށް ވިދާޅުވެފައެވެ. މަޖިލީހުގެ ނައިބް ރައީސް އީވާގެ އިތުބާރު ނެތް މައްސަލަ ކުރިއަށް ގެންދެވިދާނެ ލަފާތައް އަމީން އާންމު ފޮނުއްވި ވަނީ ހިމަނުއްވާފައެވެ.
މަޖިލީހުގެ ގަވާއިދުގައި ބުނާ ގޮތުން، މަޖިލީހުގެ ނައިބު ރައީސްގެ އިތުބާރު ނެތް ކަމުގެ މައްސަލައެއް ކުރިއަށް ގެންދެވޭ ޖަލްސާއެއްގެ ރިޔާސަތުގައި އިންނަވާނީ މަޖިލީހުގެ ރައީސެވެ. އެ އާއެކު އީވާގެ އިތުބާރު ނެތް ކަމުގެ މައްސަލަ ކުރިއަށް ގެންދެވޭނެ ގޮތަކާމެދު ވަނީ ސުވާލު އުފެދިފައެވެ.
މަޖިލީހުގެ އަމީން ޢާންމު ވިދާޅުވީ މަޖިލީޙުގެ ކޮމެޓީތައް އެކުލަވާނުލެވި އޮތުމަކީ މިމައްސަލަ މަޖިލީހުގައި ކުރިއަށް ނުދާންވީ ސަބަބެއް ނޫންކަމަށެވެ. އަމީން ޢާންމު ވަނީ މަޖިލީހުގެ ދާއިމީ ކޮމިޓީތަކުގައި ތިއްބަވާ މެމްބަރުންގެ ނިސްބަތަށް އައި ބަދަލު، ޕާޓީތަކުގެ މެދުގައި އެއްބަސްނުވެވުނަސް، އެކަމާ ގުޅޭގޮތުން މަޖިލީހުން ގޮތެއް ކަނޑައެޅުމަށްޓަކައި އެ މައްސަލަ ދެން އެންމެ އަވަހަށް އޮންނަ މަޖިލީހުގެ އާންމު ޖަލްސާއަކަށް އެޖެންޑާކޮށް ދެއްވުމަށް އެ ސިޓީގައި ނަޝީދުގެ އަރިހުން އެދިވަޑައިގެންފައެވެ.
މީގެ އިތުރުން މިސިޓީގައި މަޖިލީހުގެ ރިޔާސަތު ބެލެހެއްޓެވުމުގެ މަސްއޫލިއްޔަތު މަޖިލީހުގެ ގަވާއިދާ އެއްގޮތްވާ ގޮތުގެމަތިން މަޖިލީހުގެ ރައީސް ކަނޑައެޅިގެން އެހެން ފަރާތަކާ ހަވާލުކުރައްވައ،ި އެ ޖަލްސާގައި މަޖިލީހުގެ ގަވާއިދުގެ 205 ވަނަ މާއްދާގެ (ކ) ގައި ބުނާ ބަހުސްގެ ވަގުތުތަކާއި އަދަދުތައް މަޖިލީހުން ކަނޑައަޅައި، އެ ގަރާރުގެ މަސައްކަތް ކުރިއަށް ގެންދިއުމަކީވެސް އޮތް ޖާގައެއް ކަމަށް ވަނީ ވިދާޅުވެފައެވެ.
ރިޔާސަތު ބެލެހެއްޓެވުމުގެ މަސްއޫލިއްޔަތު މަޖިލީހުގެ ގަވާއިދާ އެއްގޮތްވާ ގޮތުގެމަތިން މަޖިލީހުގެ ރައީސް ކަނޑައެޅިގެން އެހެން ފަރާތަކާ ހަވާލުކުރައްވައ،ި އެ ޖަލްސާގައި މަޖިލީހުގެ ގަވާއިދުގެ 205 ވަނަ މާއްދާގެ (ކ) ގައި ބުނާ ބަހުސްގެ ވަގުތުތަކާއި އަދަދުތައް މަޖިލީހުން ކަނޑައަޅައި، އެ ގަރާރުގެ މަސައްކަތް ކުރިއަށް ގެންދިއުން.
ނިއުޝާ ހުށަހެޅުވި ހައްލު ތެރޭގައި ހިމެނެއެވެ.
އީވާގެ މައްސަލަ މަޖިލީހުގައ ކުރިއަށް ގެންދެވޭނެ އިތުރު ލަފައެއްގެ ގޮތުގައި މަޖިލީޙުގެ ޢާންމު ޖަލްސާއެއް ބާއްވައި، ޖަލްސާގައި ބަހުސްގެ ވަގުތު ކަނޑައެޅުމަށްވެސް ވަނީ އެދިވަޑައިގެންފައެވެ.
މަޖިލީޙުގެ އަމީން އާންމު ވަނީ މަޖިލީހުގެ މަސައްކަތްތައް ހުއްޓުމަކަށް އަޔަ ނުދެއްވުމަށްޓަކައި، މަޖިލީހަށް ހުށަހެޅިފައިވާ މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް މައްސަލަ ވެއްދި ހިސާބުން މަޤާމުން އެއްފަރާތްވެ ދެއްވި ޔަގީންކަމާއި އެއްގޮތަށް މަޖިލީހުގެ މަސައްކަތް ކުރިއަށް ގެންދެވޭނެ ގޮތްތަކެއް ފަހިކޮށްދެއްވުމަށް މަޖިލީހުގެ ރައީސްގެ ކިބައި އެދިވަޑައިގެންފައެވެ.
މަޖިލީހުގެ ނައިބު ރައީސްގެ މަޤާމުން ގަލޮޅު އުތުރު ދާއިރާގެ މެންބަރު އީވާ ވަކިކުރުމަށް ހުށަހަޅާފައިވާ ގަރާރުގެ މަސައްކަތް މަޖިލީހުގެ ނިޒާމްގެ ތެރޭގައި ނުހުއްޓި ކުރިއަށް ގެންދެވޭނެ ގޮތެއް ހަމަޖައްސަވައި ދެއްވުމަށް އަދަބުވެރިކަމާއެކު ދަންނަވަން.
– އަމީން އާންމު ވިދާޅުވިއެވެ.
އީވާގެ މައްސަލަ މިހާތަނަށްވެސް އެޖެންޑާ ނުކުރެވި ވަނީ، މަޖިލީހުގެ ކޮމެޓީތައް އެކުލަވާނުލެވި، ޢާންމު ކޮމެޓީން ކަނޑައަޅަންޖެހޭ ވަގުތު ކަނޑައެޅިފައި ނެތުމުންނެވެ. މަޖިލީހުގެ ކޮމެޓީތައް އެކުލަވާލުމުގައި މިހާތަނަށްވެސް ދޭންޖެހޭ އެންމެ ބޮޑަކަށް ދޫދެއްވާފައިވާނެ ކަމަށް މަޖިލީހުގެ މެޖޯރިޓީ ޕާޓީން ވަނީ ބުނެފައެވެ.
