ކަލާސް ޗެނަލް އިން ގެނެސްދޭ ކާމިޔާބު ރިއަލިޓީ ޝޯވ ""ހަތުރޯން ކޭ ކިލާޅީ" ގެ 13ވަނަ ސީޒަންގެ ޕްރޮމޯތަކެއް ދައްކާލައިފި އެވެ.
ޖުލައި 17 ގައި ގެނެސްދިނުމަށް ނިންމާފައިވާ މި ޝޯވ އަކީ މަޝްހޫރު ޑައިރެކްޓަރު ރޯހިތު ޝެޓީ ހޯސްޓްކުރާ ވަރަށް ވަރުގަދަ ޝޯވ އެކެވެ. މި ޝޯވ ގައި ފެނިގެން ދާނީ ސެލެބްރިޓީންނެވެ.
ކޮންމެ އަހަރަކު ވެސް ތަފާތު ގައުމެއްގައި ޝޫޓްކުރާ މި ޝޯވ ގައި ވަރުގަދަ ސްޓަންޓު ތަކެއް ފެނިގެންދާނެއެވެ. މީ ގިނަ ބައެއްގެ މެދުގައި ވަރަށް މަގުބޫލު ޝޯވ އެކެވެ.
މި ޝޯ އަކީ އަބަދުވެސް އިންޑިއާގެ ޓީވީ އިންޑަސްޓްރީގެ މަޝްހޫރު މޫނުތައް ބައިވެރިކޮށްގެން ކުރިއަށް ގެންދާ ޝޯއެކެވެ. މިދިޔަ އަހަރު ގެނެސްދިން "ހަތުރޯން ކޭ ކިލާޅީ" ގެ އެންމެ ފަހުގެ ސީޒަން ކާމިޔާބުކޮށްފައި ވަނީ ކޮރިއޮގްރާފަރެއް ކަމަށްވާ ތުޝާރް ކާލިއާ އެވެ.
ކޮމެންޓު ފޮނުވާ