ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހަކީ އަބަދުވެސް ދީނީ އިލްމުވެރިންގެ އަޑު އައްސަވާ ބޭފުޅެއް ކަމުގައި ދީނީ އިލްމުވެރިޔާ ޑރ.އިޔާޒު ވިދާޅުވެއްޖެއެވެ.

ޑރ.އިޔާޒު މިހެން ވިދާޅުވީ އަދާލަތު ޕާޓީގެ އިލްމުވެރިންގެ މަޖިލިހުގެ ބޭފުޅުން ރައީސް އިބްރާހިމް މުހައްމަދު ސޯލިހު ބޭއްވި މަޝްވަރާ ބައްދަލުވުމާއި، އަދި މީގެ ކުރިން އެމަނިކުފާނާއި ސިޔާސީ ވިސްނުން ތަފާވެފައިވާ ދީނީ އިލްމުވެރިންނާއި ބައްދަލު ކުރައްވި ފޮޓޯތަކާއިއެކު ކުރެއްވި ޓުވީޓުގައެވެ.

ރައީސް ޞާލިހު ވަނީ ޗާގޯސް މައްސަލާގައި ޢިލްމުވެރިންގެ ގުޅުމުގެ ބައެއް ޢިލްމުވެރިންނާއިވެސް ވަރަށް ފަހުން ބައްދަލު ކުރައްވާފައެވެ. އަދި މިއަދު އަދާލަތު ޕާޓީގެ ޢިލްމުވެރިންނާއި ވަނީ ބައްދަލު ކުރައްވާފައެވެ. ޑރ.އިޔާޒު ވިދާޅުވީ މިއީ ވަރަށް ކާމިޔާބު ވައްދަލުވުމެއް ކަމަށެވެ.

Raeesul Jumhooriyyaa @ibusolih akee siyaasee visnumaa fikuru dhimavias adhi nuvias dheenee ilmuveringe adu assava beyfulheh. pic.twitter.com/SxdlLyfLDD

— Dr.Mohamed Iyaz (@dr_iyaz) May 31, 2023

ޢަދާލަތުު ޕާޓީން ކުރި ޓުވީޓެއްގައި ބުނީ، އެއީ މި އަހަރުގެ ސެޕްޓެމްބަރު 9 ގައި ބާއްވާ ރިޔާސީ އިންތިޚާބުގައި، އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހަށް ތާއީދު ކުރަން ނިންމާފައި ވާތީ އެ މަނިކުފާނުގެ ސަމާލުކަމަށް ގެންނަން އިލްމުވެރިން ބޭނުންވާ ކަންކަމާ މެދު މަޝްވަރާ ކުރުމުގެ ބައްދަލުވުމެއް ކަމަށެވެ. އެކަމަކު، ބައްދަލުވުމާ ގުޅޭ ތަފްސީލެއް 2018 އިން ފެށިގެން މި ސަރުކާރާ އެކު ކޯލިޝަން ހަދާފައިވާ އަދާލަތު ޕާޓީން ބުންޏެވެ.

މި އަހަރުގެ ރިޔާސީ އިންތިހާބުގައި އެމްޑީޕީއާ އެކު ކޯލިޝަން ހަދަން މިހާތަނަށް ނިންމީ އަދާލަތު ޕާޓީ އާއި އެމްޑީއޭ އިންނެވެ. މި ސަރުކާރު ހިންގަން އެމްޑީޕީއާ އެކު ކޯލިޝަން ހަދާފައިވާ އެހެން ޕާޓީތަކުގެ ތެރެއިން ޖޭޕީގެ ލީޑަރު ގާސިމް އިބްރާހިމް ނިންމަވާފައި ވަނީ މި އަހަރުގެ ރިޔާސީ އިންތިހާބުގައި ވަކިން ވާދަކުރައްވާށެވެ. ކުރީގެ ރައީސް މައުމޫން އަބްދުލްގައްޔޫމްގެ އެމްއާރުއެމުން އަދި ވަކި ގޮތެއް ނުނިންމައެވެ.