މީގެ ކުރިންވެސް ބޭނުން ޖެހިފައިތިބި އެތަށް ބަޔަކަށް މަދަދު ފޯރުކޮށްދީފައިވާ އެކްޓަރު ސޯނޫ ސޫދު ބިހާރުގައި އިންޓަނޭޝަނަލް ސްކޫލެއް ހުޅުވަން ތައްޔާރުވާން ފަށައިފި އެވެ.
މި ސުކޫލަކީ މާލީ ދަތިކަން ކުޑަ އާއިލާތަކުގެ ކުދިންނަށް ރަނގަޅު ފެންވަރުގެ ތައުލީމީ ފުރުސަތު ފަހިކޮށް ދިނުމުގެ މަގުސަދުގައި ހުޅުވާ ސުކޫލެކެވެ.
ސޯނު މަޝްހޫރު ވެގެން ގޮސްފައިވަނީ އިންސާނިއްޔަތަށް ހިދުމަތްކޮށްގެން އާންމުންނަށް ވަރަށް ދީލަތި މީހެއްގެ ގޮތުގައިއެވެ. މީޑިއާއިން ބުނާ ގޮތުގައި މިހާރު މި ސުކޫލު އިމާރާތް ކުރުމުގެ މަސައްކަތް މިހާރު ކުރަމުން އަންނަ ކަމަށެވެ.
މި ސްކޫލަކީ ބިހާރުގެ 27 އަހަރުގެ އިންޖިނިއަރެއް ކަމަށްވާ ބުރެންދުރަ ކުމާރު މަހާޓޯ ކިޔާ ޒުވާނަކު އޭނަ އަދާކުރަމުން އައި ވަޒީފާ ދޫކޮށްލުމަށްފަހު ޔަތީމު ކުދިންނަށް ކިޔަވައިދިނުމަށް ސްކޫލެއް ހުޅުވައި އެތަނަށް ސޯނޫގެ ނަން ދީފައިވާތީ އެވެ.
ސޯނޫ މިހާރު ނިންމާފައިވަނީ އެސްކޫލު ރަގަޅު ފެންވަރަކަށް ތަރައްގީކުރުމަށްފަހު އިންޓަނޭޝަނަލް ސްކޫލަކަށް އެތަން ބަދަލުކުރުމަށެވެ. އެގޮތުން މިހާރު އެމަސައްކަތް ފަށައިގެން ކުރިއަށްދާ ކަމަށް މީޑިއާ ރިޕޯޓްތަށް އަންނަނީ ބުނަމުންނެވެ.
Extremely grateful to be associated with the Birendra Kumar Mahato and the good work he’s doing by providing food and education for orphaned children. At the Sonu Sood International School – we aim to provide the students with quality education and we will also be building a new… pic.twitter.com/hPgQH4fq9K
— sonu sood (@SonuSood) May 29, 2023
މިސްކޫލުގައި މިހާރުވެސް 110 ކުދިން އަންނަނީ ތައުލީމު ހާސިލުކުރަމުންނެވެ. ރިޕޯޓްތައް ބުނާ ގޮތުގައި ސޯނޫ ސޫދު މިސުކޫލު ތަރައްގީކުރަނީ އެތަނުގައި ފަގީރު ކުދިންނަށް ދިރިއުޅެވޭ ގޮތަށެވެ.
ސޯނޫ ސްކޫލެއް ހުޅުވާ އިރު، މީގެ ދެ އަހަރު ކުރިން އޭނަގެ މަންމަ އަދި މަރުވެފައިވާ ކުރީގެ ޕްރޮފެސަރު ސަރޯޖް ސޫދުގެ ނަމުގައި ހިލޭ ސްކޮލަޝިޕްތަކެއް ވެސް ތައާރަފުކޮށްފައިވެ އެވެ.
ކޮމެންޓު ފޮނުވާ